మహిళ ఆరోగ్య కార్యకర్తలకు గర్బవతుల ప్రమాదకర లక్షణాల గుర్తింపు,చికిత్స, నిర్వహణ,దక్షత " శిక్షణ కార్యక్రమం..
Telangana Telugu | Suryaa Desk | Published : Fri, Feb 21, 2025, 04:13 PM
పెద్దపల్లి జిల్లా వైద్య, ఆరోగ్యశాఖ ఆధ్వర్యంలో కలెక్టరేట్ లోని సమావేశ మందిరం నందు మహిళా ఆరోగ్య కార్యకర్తలకు "గర్బవతుల ప్రమాదకర లక్షణాల గుర్తింపు,చికిత్స, నిర్వహణ,దక్షత " శిక్షణ కార్యక్రమమును నిర్వహించడం జరిగినదని జిల్లా వైద్య,ఆరోగ్య శాఖ అధికారి, డాక్టర్ జి. అన్నా ప్రసన్న కుమారి తెలియజేశారు.ఈ శిక్షణను రాష్ట్ర కార్యాలయం నుండి వచ్చిన డాక్టర్ స్రవంతి చే శిక్షణ ఇవ్వడం జరిగినది అని అన్నారు.ఈ సందర్భంగా మాట్లాడుత..జిల్లాలోని మహిళా ఆరోగ్య కార్యకర్తలందరికీ ఈ శిక్షణను ఈ నెల 20,21 తేదీలలో నిర్వహించడం జరుగుతుందని,ఇందులో ప్రమాదకర లక్షణాలు గల గర్బవతులను గుర్తించడం ఎలా, వాటి నిర్వహణ పైన అవగాహన కల్పించడం మరియు మెళకువలు నేర్పించడం జరుగుతుంది అని అన్నారు.
అర్మాన్ (అర్మ్మన్) అనే యాప్ ద్వారా ఆరోగ్య కార్యకర్తలకు గర్బవతుల ప్రమాదకార లక్షణాలు మరియు నిర్వహణకు సంబందించిన అవగాహాన విడియోలను, సమాచారం అందించడం ద్వారా నూతన పరిజ్ఞానంను పెంపొందించుకుంటారు. దీనివలన ప్రమాదకార లక్షణాలు గల గర్బవతులకు సరియైన సేవలు,సలహాలు అందించటం జరుగుతుంది. తద్వారా మాతృ మరణాలను తగ్గించవచ్చు అని అన్నారు. కావున ప్రజలు మహిళా ఆరోగ్య కార్యకర్తల సేవలు వినియోగించుకోవాలని కోరారు.
|
|