వందశాతం ఇంటి పన్నులు వసూలు చేయాలి కలెక్టర్ బి.సత్య ప్రసాద్
Telangana Telugu | Suryaa Desk | Published : Fri, Feb 21, 2025, 04:33 PM
మేడిపల్లి మండలం ప్రజా పరిషత్ కార్యాలయంలో పంచాయతీ కార్యదర్శులు, మండల అధికారులతో సమీక్ష సమావేశం జిల్లా కలెక్టర్ బి.సత్య ప్రసాద్ నిర్వహించారు. ఈ సందర్భంగా ఆయా గ్రామాల వారీగా ఇంటి పన్ను వసూలు వివరాలను అడిగి తెలుసుకొని, ప్రతి గ్రామంలో కచ్చితంగా 100 శాతం ఇంటి పన్నులు వసూలు చేయాలని అధికారులకు ఆదేశించారు. మార్చ్ 8 వరకు ప్రతి గ్రామంలో ఇంటి పన్నులు వసూలు పూర్తి చేయాలని, రానున్న వేసవికాలం దృష్ఠిలో ఉంచుకొని త్రాగునీటి కి ఇబ్బందులు లేకుండా పక్కాగా చర్యలు తీసుకోవాలని, బోర్ వెల్స్ చేతి పంపులు 3 హెచ్పి మోటార్స్ సింగల్ ఫేస్ మోటార్స్ ఏమైనా ఇబ్బందులు ఉంటే వెంటనే రిపేరు చేసి అందుబాటులోకి తీసుకురావాలని పంచాయతీ కార్యదర్శులను ఆదేశించారు.
మేడిపల్లి, భీమారం రెండు మండలాలు తాగునీటి ఇబ్బందులు తలెత్తకుండా త్రాగునీరు అందించేందుకు మిషన్ భగీరథ అధికారులతో సమన్వయం చేసుకోవాలని పంచాయతీ కార్యదర్శులకు సూచించారు. నర్సరీలు కంపోస్ట్ యార్డ్ వాటర్ ప్లాంటేషన్ పైన ప్రత్యెక శ్రద్ధ తీసుకోవాలని, ప్రతి రోజూ ఉదయం 7 గంటల నుండి ప్రతి గ్రామంలో ట్రాక్టర్లు తిరిగి చెత్త సేకరణ చేయాలని తెలిపారు. ఈ సమావేశంలో ఆర్డీవో జివాకర్ రెడ్డి, డిపిఓ మధన్ మోహన్, ఎంపీఓ, పంచాయతీ కార్యదర్శులు తదితరులు పాల్గొన్నారు.
|
|