గంజాయి విక్రయిస్తున్న వ్యక్తి అరెస్టు
Telangana Telugu | Suryaa Desk | Published : Sat, Feb 22, 2025, 03:53 PM
మేడిపల్లి గ్రామ శివారులోని ఎస్సారెస్పీ బ్రిడ్జి వద్ద మోహన్ రావు పేట గ్రామానికి చెందిన బాణాల రాజు అనే వ్యక్తి గంజాయి విక్రయిస్తున్నట్లు సమాచారం మేరకు మేడిపల్లి ఎస్సై జి శ్యామ్ రాజ్ సిబ్బందితో ప్రదేశానికి వెళ్లి నిందితుడిని పట్టుకొని అతడి వద్ద నుండి 190 గ్రాముల (9500/- రూపాయల విలువగల) గంజాయిని సీజ్ చేసి వ్యక్తిని పోలీస్ స్టేషన్ కు తీసుకువచ్చారు. కోరుట్ల సిఐ బి సురేష్ బాబు తదుపరి కేసు విచారణలో భాగంగా బాణాల రాజు అను వ్యక్తి గత కొంతకాలంగా గంజాయి త్రాగడానికి అలవాటు పడి, గంజాయి కొనడానికి డబ్బులు లేక గంజాయిని విక్రయిస్తే అధిక డబ్బు పొందవచ్చు అని భావించి గత రెండు నెలలుగా మెట్పల్లి ప్రాంతానికి చెందిన గోల్కొండ హరీష్ అను వ్యక్తి నుండి గంజాయి కొనుగోలు చేసి మేడిపల్లి, భీమారం పరిసర ప్రాంతాలలో అమ్ముతున్నాడని అతడిని అరెస్టు చేసి రిమాండ్ కు తరలించారు.
ఈ సందర్భంగా కోరుట్ల సిఐ బి సురేష్ బాబు మాట్లాడుతూ గంజాయి అక్రమంగా కలిగి ఉన్న, విక్రయించిన, గంజాయి సేవించిన చట్ట ప్రకారం కఠినమైన చర్యలు తీసుకోబడునని యువత చెడు వ్యసనాలకు బానిస కావద్దని, భవిష్యత్తును నాశనం చేసుకోవద్దని, తల్లిదండ్రులు పిల్లలను వారి ప్రవర్తనను గమనిస్తూ ఉండాలని సూచించారు.
|
|