ట్రెండింగ్
'పాక్కు గట్టి సమాధానం చెప్పే ఛాన్స్ ప్రభుత్వం వదులుకుంది'
Telangana Telugu | Suryaa Desk | Published : Wed, Oct 01, 2025, 08:11 PM
జమ్ముకశ్మీర్లోని పహల్గాంలో ఉగ్రదాడి తర్వాత పాకిస్థాన్కు గట్టి సమాధానం చెప్పే అవకాశం వచ్చిందని, కానీ భారత ప్రభుత్వం ఆ అవకాశాన్ని జారవిడుచుకుందని ఏఐఎంఐఎం చీఫ్ అసదుద్దీన్ ఒవైసీ అన్నారు. ప్రజల్లో పాకిస్థాన్ ఉగ్రచర్యకు ప్రతీకారం తీర్చుకోవాలనే సెంటిమెంట్ బలంగా ఉందని, అయితే మిలిటరీ ఆపరేషన్ను కేంద్రం ముగించడంతో మంచి అవకాశాన్ని కోల్పోయామని ఆయన వ్యాఖ్యానించారు. తాను ప్రధాని అయితే వాస్తవానికి అనుగుణంగా వ్యవహరించేవాడినని, కేవలం అధికారంలో కూర్చోవడం తమ లక్ష్యం కాదని, ఈ దాడి తర్వాత గట్టి సమాధానం చెప్పే అవకాశాన్ని భారతీయుడిగా కోల్పోయామని ఒవైసీ అన్నారు. పాకిస్థాన్కు గుణపాఠం నేర్పే అవకాశం మళ్లీ రాదన్నారు.
|
|