ట్రెండింగ్
రాష్ట్ర ప్రజలకు కేసీఆర్ దసరా శుభాకాంక్షలు
Telangana Telugu | Suryaa Desk | Published : Wed, Oct 01, 2025, 08:12 PM
బీఆర్ఎస్ అధినేత, తెలంగాణ తొలి సీఎం కేసీఆర్ రాష్ట్ర ప్రజలకు దసరా శుభాకాంక్షలు తెలిపారు. ఓటమి నుంచి రాష్ట్ర ప్రజల జీవితాలు గెలుపు దిశగా పయనించాలని ఆయన ఆకాంక్షించారు. బతుకమ్మ, దుర్గమ్మ పూజల కొనసాగింపుగా జరుపుకునే దసరా పండుగ తెలంగాణ ప్రజా జీవనంలో ప్రత్యేక స్థానం కలిగి ఉందని, ధర్మానిదే అసలు విజయమనే స్ఫూర్తిని ఈ పండుగ అందిస్తుందని కేసీఆర్ పేర్కొన్నారు. దసరా విశిష్టతను గౌరవిస్తూ, జమ్మి చెట్టును రాష్ట్ర వృక్షంగా, పాలపిట్టను రాష్ట్ర పక్షిగా నాటి బీఆర్ఎస్ ప్రభుత్వం ప్రకటించిందని ఆయన గుర్తు చేశారు. ప్రజల జీవితాల్లో సుఖ సంతోషాలు నిండేలా దుర్గామాతను ప్రార్థిస్తున్నామని కేసీఆర్ తెలిపారు.
|
|