బైక్పై ఏకంగా 277 చలాన్లు.. రూ. 79,845 పెండింగ్,,,నిజామాబాద్లో వెలుగు చూసిన ఘటన
Telangana Telugu | Suryaa Desk | Published : Sat, Oct 11, 2025, 06:43 PM
రోడ్డు ప్రమాదాలు వంటి వాటిని తగ్గించడం కోసమే మాత్రమే కాక ప్రయాణకుల భద్రతను దృష్టిలో పెట్టుకుని ట్రాఫిక్ పోలీసులు ఎన్నో రూల్స్ అమలు చేస్తున్నారు. పాటించకపోతే చలాన్లు విధిస్తున్నారు. ఎప్పుడైన ట్రాఫిక్ పోలీసులకు పట్టుబడితే.. పెండింగ్ చలాన్ కడితేనే వాహనాన్ని వదిలి పెడుతున్నారు. లేదంటే సీజ్ చేస్తున్నారు. అలానే పెద్ద మొత్తంలో చలాన్లు పెండింగ్లో ఉంటే.. వాటిని చెల్లించడం కోసం అప్పుడప్పుడు ఆఫర్లు కూడా ప్రకటిస్తుంటారు. అయినా సరే కొందరు చలాన్లు సరిగా చెల్లించరు. తాజాగా ఓ బైక మీద ఉన్న పెండింగ్ చలాన్లు చూసి పోలీసులే ఆశ్చర్యపోాయరు. ఆ వివరాలు..
ట్రాఫిక్ నిబంధనలను పట్టించుకోని ఓ వాహనదారుడిపై కరీంనగర్ పోలీసులు చర్యలు తీసుకున్నారు. ఐదేళ్ల కాలంలో అతడి బైక్ మీద 277 ట్రాఫిక్ చలాన్లు పెండింగ్ ఉన్నాయి. దీంతో అతడు చెల్లించాల్సిన జరిమానా మొత్తం రూ. 79,845కు చేరింది. ఇక తాాజాగా ట్రాఫిక్ పోలీసులు అతడి బైక్ని ఆపి చెక్ చేయగా.. ఆ బండి మీద 277 చలాన్లు పెండింగ్లో ఉన్నాయని తెలిసి పోలీసులే ఆశ్చర్యపోయారు. ఈ సంఘటన కరీంనగర్ పట్టణంలో జరిగింది. తాజాగా సిక్కు వాడి ప్రాంతంలో వాహనాలను ఆపి.. చెక్ చేస్తుండగా.. ఈ సంఘటన వెలుగు చూసింది. ఒక బైక్ మీద ఐదు సంవత్సరాల నుంచి 277 పెండింగ్ ట్రాఫిక్ చలాన్లు పేరుకుపోయినట్లు పోలీసులు గుర్తించారు. ఆ వెంటనే ఆ మోటార్ సైకిల్ను ట్రాఫిక్ పోలీస్ స్టేషన్కు తరలించారు.
ఈ తనిఖీల్లో హీరో యునికార్న్ మోటార్ సైకిల్ (TS 02 EX 1395) ను ఆపి దాని వివరాలను పరిశీలించగా.. ఆ బైక్ మీద పెద్ద సంఖ్యలో పెండింగ్ చలాన్లు ఉన్నాయని గుర్తించారు. ఈ చలాన్లు 2019, జూన్ 8 నుంచి 2024, డిసెంబర్ 25 వరకు.. కరీంనగర్, పరిసర ప్రాంతాలలో నమోదయ్యాయని గుర్తించారు.
సదరు వాహనదారుడిని గోదాం గడ్డకు చెందిన అబ్దుల్ ఖయ్యూమ్ (37 సంవత్సరాలు) అనే వ్యక్తి ఈ బైక్ ఓనర్ అని తేలింది. అతడు ఆర్ఎంపీ ప్రాక్టీషనర్ అని గుర్తించారు. బైక్ మీద ఉన్న మొత్తం 277 పెండింగ్ చలాన్లలో ఎక్కువ భాగం (264) కరీంనగర్ ట్రాఫిక్ పోలీస్ స్టేషన్ పరిధిలోనే నమోదయినట్లు తెలిసింది. హెల్మెట్ ధరించనందుకే 254 సార్లు చలాన్ విధించారు. దీంతో పాటు ఫేస్ మాస్క్ ధరించకపోవడం, ట్రిపుల్ రైడింగ్, ఫోన్ వాడుతూ డ్రైవ్ చేయడం, డ్రైవింగ్ లైసెన్స్ లేకపోవడంతో పాటు సరైన నంబర్ ప్లేట్ లేకపోవడం.. అలానే జిగ్ జాగ్ డ్రైవింగ్ వంటి పలు కారణాల వల్ల చలాన్ విధించారు.
|
|