హైదరాబాద్–తిరుపతి–అనకాపల్లి ప్రయాణికులకు శుభవార్త! కొత్త సౌకర్యాలు అందుబాటులోకి ?

పండుగ సీజన్‌ను దృష్టిలో ఉంచుకొని, దక్షిణ మధ్య రైల్వే (SCR) తెలుగు రాష్ట్రాల నుంచి ఇతర రాష్ట్రాలకు వెళ్లే ప్రయాణికుల కోసం మరోసారి ప్రత్యేక రైళ్లను ప్రకటించింది.ఈ ప్రత్యేక రైళ్లు తెలంగాణలోని హైదరాబాద్, ఆంధ్రప్రదేశ్‌లోని అనకాపల్లి, తిరుపతి, అలాగే మహారాష్ట్రలోని నాందేడ్, ఢిల్లీలోని హజరత్ నిజాముద్దీన్ స్టేషన్ల మధ్య రాకపోకలు సాగించనున్నాయి.ప్రయాణికులు తమ ప్రయాణాన్ని రైళ్ల సమయాల ప్రకారం ముందుగానే ప్రణాళిక చేసుకోవచ్చు అని రైల్వే అధికారులు తెలిపారు.అనకాపల్లి–నాందేడ్ మార్గంలో 14 ప్రత్యేక రైళ్లు.నాందేడ్–అనకాపల్లి మార్గంలో రైలు నంబర్ 07037 ప్రత్యేక రైలు ఈ నెల 14 నుంచి వచ్చే నెల 25 వరకు ప్రతి మంగళవారం నడుస్తుంది.ఇదే మార్గంలో తిరిగి అనకాపల్లి–నాందేడ్ దిశలో రైలు నంబర్ 07038 ఈ నెల 15 నుంచి వచ్చే నెల 26 వరకు ప్రతి బుధవారం అందుబాటులో ఉంటుంది.మొత్తం 14 ప్రత్యేక రైళ్లు ఈ మార్గంలో నడవనున్నాయని రైల్వే వెల్లడించింది.ఈ రైళ్లు ముద్‌ఖేడ్, ధర్మాబాద్, బాసర్, నిజామాబాద్, కామారెడ్డి, మేడ్చల్, చర్లపల్లి, నల్గొండ, మిర్యాలగూడ, నడికుడే, పిడుగురాళ్ల, సత్తెనపల్లె, గుంటూరు, విజయవాడ, గుడివాడ, కైకలూరు, ఆకివీడు, భీమవరం టౌన్, తణుకు, రాజమండ్రి, సామర్లకోట, అన్నవరం, తుని, ఎలమంచల్లి స్టేషన్లలో ఇరువైపులా ఆగుతాయి.హైదరాబాద్, తిరుపతి, నాందేడ్ నుంచి ఢిల్లీకి కూడా ప్రత్యేక సర్వీసులు.ఇక ఢిల్లీ ప్రయాణికుల కోసం కూడా రైల్వే ప్రత్యేక రైళ్లు నడుపుతోంది.హైదరాబాద్–హజరత్ నిజాముద్దీన్ మధ్య 07070 నంబర్ ప్రత్యేక రైలు ఈ నెల 13న (మంగళవారం) నడుస్తుంది.అదే విధంగా, తిరుపతి–హజరత్ నిజాముద్దీన్ మార్గంలో 07071 నంబర్ ప్రత్యేక రైలు ఈ నెల 12న (ఆదివారం) అందుబాటులో ఉంటుంది.నాందేడ్–హజరత్ నిజాముద్దీన్ రూట్‌లో కూడా 07699 నంబర్ ప్రత్యేక రైలు ఈ నెల 12న నడవనుంది.ప్రయాణికులు వీటికి సంబంధించిన టికెట్లను ఆన్‌లైన్ (IRCTC) లేదా రైల్వే బుకింగ్ కౌంటర్ల ద్వారా బుక్ చేసుకోవచ్చు.