హైదరాబాద్‌లో పెరుగుతున్న కొత్త షాపింగ్‌ మాల్స్‌

ప్రతి సంవత్సరం హైదరాబాద్‌లో వస్తువులు, సేవలను విక్రయించే రిటైల్‌ స్థలాల (వాణిజ్య ప్రదేశాల) డిమాండ్‌ పెరుగుతూనే ఉంది. దీంతో ప్రస్తుతం నగరంలో తలసరి రిటైల్‌ స్పేస్‌ మొత్తం 3.6 లక్షల చదరపు అడుగులకు చేరిందని తాజా అంచనాలు సూచిస్తున్నాయి.ప్రస్తుతం భాగ్యనగరంలో ఉన్న గ్రేడ్‌-ఏ, బీ కేటగిరీ షాపింగ్‌ మాల్స్‌ మొత్తం స్టాక్‌ 35.1 లక్షల చ.అ.లుగా ఉంది. ఇందులో ఖాళీలు (వేకెన్సీ) కేవలం 1.85 శాతం మాత్రమే ఉన్నాయని కుష్‌మన్ అండ్ వేక్‌ఫీల్డ్‌ నివేదిక వెల్లడించింది.ఈ ఏడాది మూడో త్రైమాసికం (Q3) లో నగరంలో 5.1 లక్షల చ.అ. రిటైల్‌ స్పేస్‌ లీజుకు వెళ్లింది. ఇది గతేడాదితో పోలిస్తే 9.3 శాతం వృద్ధిగా నిలిచింది. అలాగే జనవరి–సెప్టెంబర్‌ మధ్యకాలంలో మొత్తం 20.4 లక్షల చ.అ. స్థలం లీజుకు వెళ్లింది.గ్రేడ్‌-ఏ మాల్స్‌ అందుబాటు తక్కువగా ఉండటంతో, ఈ త్రైమాసికంలో హైస్ట్రీట్‌ ప్రాంతాల్లోనే ఎక్కువ లీజులు నమోదయ్యాయి. మొత్తం లీజుల్లో 42 శాతం కొంపల్లి, నల్లగండ్ల, ఫైనాన్షియల్‌ డిస్ట్రిక్ట్‌ వంటి ఉపనగర ప్రాంతాల్లో జరిగాయి.బంజారాహిల్స్, పంజగుట్ట, హిమాయత్‌నగర్‌ వంటి నగర హృదయ ప్రాంతాల్లో 32 శాతం,సుచిత్ర, బోడుప్పల్‌ వంటి శివార్లలో 26 శాతం లీజులు నమోదయ్యాయి.ఫ్యాషన్‌, ఫుడ్‌ అండ్‌ బేవరేజెస్‌, యాక్ససరీస్‌ కేటగిరీలలో రిటైల్‌ స్పేస్‌ డిమాండ్‌ ఎక్కువగా ఉంది.లైఫ్‌స్టైల్‌ విభాగం 16 శాతం, ఫర్నిచర్‌ 10 శాతం, హెల్త్‌ కేటగిరీ 10 శాతం వాటాను కలిగి ఉన్నాయి.మొత్తం లీజుల్లో దేశీయ బ్రాండ్లు 88 శాతం, అంతర్జాతీయ బ్రాండ్లు 12 శాతం వాటా సాధించాయి.కొత్త మాల్స్‌ నిర్మాణం వేగంగా :ప్రస్తుతం నగరంలో సుమారు 28 లక్షల చ.అ. కొత్త షాపింగ్‌ మాల్స్‌ నిర్మాణంలో ఉన్నాయి. ఇవి 2027 నాటికి పూర్తయ్యే అవకాశం ఉంది.అదేవిధంగా, ఈ ఏడాది నాల్గో త్రైమాసికం (Q4) నాటికి 17 లక్షల చ.అ. గ్రేడ్‌-ఏ మాల్స్‌ స్పేస్‌ అందుబాటులోకి రానుంది.కొంపల్లి, శంషాబాద్‌ వంటి వేగంగా అభివృద్ధి చెందుతున్న ప్రాంతాల్లో నివాసితుల వినోదం మరియు షాపింగ్ అవసరాలు తీర్చేందుకు ఈ కొత్త మాల్స్‌ ప్రధాన పాత్ర పోషించనున్నాయి.ప్రస్తుతం కొంపల్లి, ఎంజీ రోడ్‌, దిల్‌సుఖ్‌నగర్‌, బంజారాహిల్స్‌, అబిడ్స్‌, హిమాయత్‌నగర్‌, అమీర్‌పేట‌, మాదాపూర్‌, నల్లగండ్ల, హబ్సిగూడ, కోకాపేట‌, మణికొండ వంటి ప్రాంతాల్లో రిటైల్‌ స్పేస్‌ అద్దె ధరలు నెలకు ప్రతి చ.అ.కు రూ.135–250 మధ్య ఉన్నాయి.