డబుల్ బెడ్ రూమ్ కాలనీ సమస్యల పరిష్కారానికి కృషి : తుమ్మల పాండురంగారెడ్డి
Telangana Telugu | Suryaa Desk | Published : Mon, Oct 13, 2025, 07:44 PM
అమీన్పూర్ : అమీన్పూర్ మున్సిపల్ పరిధిలోని డబుల్ బెడ్ రూమ్ ఇళ్ల సముదాయంలో ప్రజల ఎదుర్కొంటున్న సమస్యల పరిష్కారానికి కృషి చేయనున్నట్లు అమీన్పూర్ మున్సిపల్ మాజీ చైర్మన్ తుమ్మల పాండురంగారెడ్డి తెలిపారు. సోమవారం అమీన్పూర్ పరిధిలోని డబుల్ బెడ్ రూమ్ ఇళ్ల సముదాయంలో ఏర్పాటు చేసిన సమావేశానికి మాజీ చైర్మన్ తుమ్మల పాండురంగారెడ్డి గారు ముఖ్యఅతిథిగా హాజరయ్యారు. ఈ సందర్భంగా కాలనీవాసులు ఎదుర్కొంటున్న సమస్యలను తెలుసుకున్నారు. ప్రధానంగా మంచినీరు, నిరంతర విద్యుత్, పాఠశాల, అంగన్వాడి తదితర సౌకర్యాలు లేకపోవడంతో తీవ్ర ఇబ్బందులు ఎదుర్కొంటున్నామని వారు తెలిపారు. త్వరలో స్థానిక ఎమ్మెల్యే గూడెం మహిపాల్ రెడ్డి దృష్టికి తీసుకెళ్లి సమస్యల పరిష్కారానికి కృషి చేస్తానని హామీ ఇచ్చారు. కాలనీలో ఎటువంటి సమస్యలు ఉత్పనమైన తన దృష్టికి తీసుకొని రావాలని కోరారు. ఈ సమావేశంలో మాజీ కౌన్సిలర్ కల్పన ఉపేందర్ రెడ్డి, మల్లేష్, కాలనీ సంక్షేమ సంఘం ప్రతినిధులు, కాలనీవాసులు పాల్గొన్నారు.
|
|