తెలంగాణలో విద్యార్థులకు 4 రోజులు సెలవులు

చలి తీవ్రత పెరుగుతున్న డిసెంబర్ మాసంలో.. తెలంగాణలోని ఉద్యోగులు, విద్యార్థులకు క్రిస్మస్ పండుగ ఒక తీపి కబురు తీసుకొచ్చింది. 2025 సంవత్సరం చివరి నెలలో.. కొన్ని రోజులు మాత్రమే సెలవులు ఉన్నప్పటికీ.. క్రిస్మస్ సెలవులు వారాంతపు సెలవులతో కలిసి వచ్చి.. వరుసగా నాలుగు రోజుల లాంగ్ వీకెండ్‌ను అందించే అవకాశం ఉంది.

ప్రభుత్వ క్యాలెండర్ ప్రకారం.. డిసెంబర్ 2025లో సాధారణంగా ఆరు రోజులు సెలవులు ఉన్నాయి. వీటిలో అన్ని ఆదివారాలు (07, 14, 21, 28), రెండో శనివారం (13), నాల్గవ శనివారం (27), క్రిస్మస్ (25) ఉన్నాయి. క్రిస్మస్ మరుసటి రోజు బాక్సింగ్ డే (26) కూడా తెలంగాణ ఉద్యోగులకు సాధారణ సెలవుగా ఉంది.

డిసెంబర్ చివరి వారంలో లభించే సెలవులు..

డిసెంబర్ 25 (గురువారం) క్రిస్మస్ సందర్భంగా అందరికీ ఈ రోజు సెలవు ఉంటుంది. డిసెంబర్ 26 (శుక్రవారం) బాక్సింగ్ డే ఉద్యోగులకు ఆప్షనల్ హాలిడే కాగా.. విద్యార్థులకు సెలవు ఉంటుంది. ఇక డిసెంబర్ 27 (శనివారం) నాల్గవ శనివారం సాధారణ సెలవు ఉంటుంది. కొన్ని పాఠశాలలో నాల్గవ శనివారం సెలవు ఉండకపోవచ్చు.. ఈ రోజు లీవ్ తీసుకుంటే.. డిసెంబర్ 28 వారాంతపు సెలవుతో.. మొత్తం 4 రోజుల పాటు ఎంజాయ్ చేయవచ్చు. ఈ విధంగా.. డిసెంబర్ 25 నుంచి 28 వరకు వరుసగా నాలుగు రోజులు సెలవులు లభించనున్నాయి.

తెలంగాణ ప్రభుత్వ ఉద్యోగులకు, ఈ లాంగ్ వీకెండ్‌ను మరింత పొడిగించుకునే అవకాశం కూడా ఉంది. క్రిస్మస్ ముందు రోజు.. డిసెంబర్ 24 (క్రిస్మస్ ఈవ్)ను ప్రభుత్వం ఐచ్ఛిక సెలవుగా ప్రకటించింది. ఉద్యోగులు ఈ ఒక్క రోజు సెలవు తీసుకుంటే.. వారికి డిసెంబర్ 24 నుంచి డిసెంబర్ 28 వరకు ఐదు రోజులు సెలవులు కలిసి వచ్చే అవకాశం ఉంటుంది. సాధారణంగా.. ఉద్యోగులు డిసెంబర్ 27 (శనివారం) నాడు సెలవు తీసుకుంటే వరుసగా నాలుగు రోజులు వీకెండ్ ఎంజాయ్ చేసే అవకాశం ఉండగా.. ఈసారి డిసెంబర్ 26 (శుక్రవారం) కూడా సెలవు కావడంతో.. వారికి ఎటువంటి అదనపు సెలవు అవసరం లేకుండానే నాలుగు రోజుల విరామం దొరకడం కలిసి వచ్చే అంశం. క్రైస్తవ విద్యా సంస్థలకు డిసెంబర్ 21 నుంచి 28 వరకు 8 రోజుల పాటు సుదీర్ఘ సెలవులు ఉండే అవకాశం ఉంది. ఈ చల్లని వాతావరణంలో దొరికిన ఈ విరామాన్ని కుటుంబ సభ్యులతో గడపడానికి.. విహార యాత్రలు చేయడానికి చాలా మంది ప్లాన్ చేసుకుంటున్నారు.