వేధింపులతో భర్త కుటుంబంపై గృహహింస కేసు,,,,ప్రతీకారంతో రగిలిపోయి మాజీ భార్య హత్య

మీరు సోషల్ మీడియాలో సరదా కోసం పెట్టే ఒక్క ఫోటో లేదా ఒక రీల్ మనిషి ప్రాణాలనే తీస్తుందని ఎప్పుడైనా ఊహించారా? హైదరాబాద్ వనస్థలిపురంలో బుధవారం జరిగిన గర్భిణి హత్యోదంతంలో విస్తుపోయే నిజాలు వెలుగులోకి వచ్చాయి. గృహహింస చట్టం కింద కేసు పెట్టి తన కుటుంబాన్ని రోడ్డుకీడ్చిందని భావించిన మహేశ్... సునీతను హత్య చేయడానికి వెయిట్ చేసిన విధానం వింటే మీ వెన్నులో వణుకు పుట్టడం ఖాయం. కెనడా నుంచి కక్షతో వచ్చి, సునీత చేసిన ఇంస్టాగ్రామ్ రీల్ ఆధారంగా తన లొకేషన్ కనిపెట్టి.. తన మాజీ భార్యను కరెంటు రంపంతో ముక్కలు చేయాలనుకున్నాడు. తర్వాత అరెస్ట్ అయ్యాడు.. కానీ.. పోలీసులు అతని బ్యాగ్ చెక్ చేసినప్పుడు బయటపడ్డ వస్తువులు చూసి షాక్ అయ్యారు!

 నిందితుడు దేవరకొండ మహేష్‌ది పెద్దపల్లి జిల్లా.2019-22 వరకు ఆస్ట్రేలియాలో ఉద్యోగం చేసి, కెనడా వెళ్లాడు... ఇమహారాష్ట్రలోని చంద్రపురి జిల్లా బల్లార్పూర్‌ మండలం తిలక్‌వాడ్‌కి చెందిన సునీతతో పదేళ్ల క్రితమే ప్రేమాయణం మొదలైంది. 2014లో మహేశ్‌ సొంతూరు, సునీత అమ్మమ్మ గ్రామం ఒక్కటే కావటంతో ఇద్దరి మధ్య పరిచయం..ప్రేమగా మారింది2022 ఏప్రిల్‌లో పెళ్లి చేసుకున్నారు. సునీతకు వీసా రాకపోవడంతో మహేశ్‌ ఒక్కడే కెనడా వెళ్లాడు. అక్కడికెళ్లాక ఫోన్‌కాల్స్‌కు స్పందించకపోవడంతో భార్యపై అనుమానం పెంచుకున్నాడు. ఈ కారణంగా గొడవలు జరుగుతున్న సమయంలోనే సునీత 2023 అక్టోబరులో కెనడా వెళ్లింది. గొడవలు మరింత పెరగడంతో కొన్ని నెలలకే స్వదేశానికి తిరిగొచ్చిన సునీత... మహారాష్ట్రలోని బల్లార్పూర్‌ ఠాణాలో భర్తపై గృహహింస కేసు పెట్టింది. మహేశ్ తో పాటు, అతని తల్లిదండ్రులపైన కేసు పెట్టింది.

ఆ తర్వాత మహేశ్ తల్లి మరణిచింది.. ఆలోపే పోలీసుల నుంచి, లుక్‌ఔట్‌ నోటీసులు.. ఆ కారణంగా మహేశ్ వీసా రిజెక్ట్ అయ్యింది.. ఆ తర్వాత ఆమె మహేశ్ కి దూరంగా మరో వ్యక్తితో ఉంటుందని తెలుసుకున్నాడు. చట్టాల్లో మహిళలకు ఉన్న అడ్వాంటేజీలను క్యాష్ చేసుకుని.. తప్పుడు కేసులు పెట్టి మగాడి జీవితాన్ని నాశనం చేసిందని భావించాడు. ఆమెపై కక్ష పెంచుకున్నాడు. ఇలాంటి ఆడది బతక్కూడదని.. చంపేయాలని డిసైడ్ అయ్యాడు.

కానీ.. సునీత ఎక్కడుందో తెలియక తన అడ్రెస్ కోసం వెతుకుతున్న మహేష్‌కు ఆమె ఇన్‌స్టాగ్రామ్ రీల్స్ లో ఒక క్లూ దొరికింది. ఆమె రీల్‌లో ఉన్న ఒక గుడి ఫోటో ఆధారంగా అది వనస్థలిపురంలోని గుడి అని కనిపెట్టాడు మహేశ్. వనస్థలిపురంలో గాలించి చివరకు ఆమె ఉంటున్న అపార్ట్‌మెంట్‌ను పట్టేశాడు. సునీత అప్పటికే వేరే పెళ్లి చేసుకుని గర్భిణిగా ఉంది. అది చూసి మరింత రగిలిపోయిన మహేష్.. పక్కా ప్లాన్‌తో రంగంలోకి దిగాడు.

అతను కేవలం కత్తితో రాలేదు.. తన బ్యాగులో ముందుగానే ఆన్ లైన్ లో ఆర్డర్ పెట్టుకున్న కత్తి, విద్యుత్ రంపాలు (Electric Saws), పెట్రోలు డబ్బా తెచ్చుకున్నాడు. ఒకవేళ సునీత తలుపులు వేసుకుంటే రంపంతో కోసైనా లోపలికి వెళ్లాలని, ఎవరైనా అడ్డు వస్తే పెట్రోల్‌తో తగలబెట్టాలని ప్లాన్ చేశాడు. బుధవారం మధ్యాహ్నం ఇంట్లోకి చొరబడి ఆ గర్భిణిని అత్యంత దారుణంగా నరికి చంపేశాడు. ప్రస్తుతం మహేశ్ పోలీసుల అదుపులో ఉన్నాడు.

ఏదేమైనా ఒకప్పుడు మహిళలకు సంబంధించిన కఠిన చట్టాలు లేనప్పుడు మహిళలు వేధింపులకు గురయ్యారు అన్న చర్చ ప్రధానంగా జరిగింది. కఠిన చట్టాలను తీసుకువచ్చిన తర్వాత స్వేచ్ఛగా పెడుతున్న కేసులు.. పురుషుల భవిష్యత్తు పైన కూడా ప్రభావం చూపిస్తున్న క్రమంలో పురుషులలో ఈ నేరపూరిత ఆలోచనలు వస్తున్నాయి అన్న అభిప్రాయం కూడా వ్యక్తమవుతుంది. రకరకాల కారణాల వల్ల జీవితం అగమ్య గోచరంగా మారిన మహేశ్ ఆవేశంలో తీసుకున్న నిర్ణయం వల్ల సునీత ప్రాణాలు తీశాడు.. కానీ.. జైలుపాలై తన జీవితాన్ని మరింత వెనక్కి నెట్టుకున్నాడని నెటిజన్లు అభిప్రాయపడుతున్నారు.