ఎస్‌బీఐ స్కీమ్స్.. రూ.10 వేల పొదుపుతో చేతికి రూ. 13 లక్షల వరకు.. ఐదేళ్లలో అద్భుతమైన రిటర్న్స్

మ్యూచువల్ ఫండ్లతో బంపర్ రిటర్న్స్ వస్తాయన్న సంగతి తెలిసిందే. ఇతర చాలా పెట్టుబడి పథకాలతో పోలిస్తే.. ఇక్కడ భారీ రిటర్న్స్ ఆశించొచ్చు. స్టాక్ మార్కెట్లలో రిస్క్ ఎక్కువ కాబట్టి.. దానికి ప్రత్యామ్నాయంగా వీటిని పరిశీలించవచ్చని నిపుణులు ఎక్కువగా చెబుతుంటారు. మ్యూచువల్ ఫండ్స్‌ కూడా.. స్టాక్స్‌లోనే ఇన్వెస్ట్ చేస్తాయి. ఇక్కడ మన డబ్బుల్ని వేర్వేరు స్టాక్స్‌లో ఇన్వెస్ట్ చేస్తాయి వైవిధ్యత ఉంటుందని చెప్పొచ్చు. అందుకే రిస్క్ తగ్గించుకోవచ్చు. మ్యూచువల్ ఫండ్స్‌లో అతిపెద్ద బెనిఫిట్ కాంపౌండింగ్ ఎఫెక్ట్. అంటే చక్రవడ్డీ. ఈ కారణంతోనే మీ పెట్టుబడి కాలం గడుస్తున్న కొద్దీ పెరుగుకుంటూ పోతుంది. ఆరంభ సంవత్సరాల్లో కంటే దీర్ఘకాలంలో మంచి రిటర్న్స్ అందిస్తాయి.

ఇక్కడ కూడా ఆర్థిక నిపుణుల సలహాతో మంచి పథకం ఎంచుకోవాలి. అంటే మంచి స్టాక్స్‌లో ఇన్వెస్ట్ చేసిన మ్యూచువల్ ఫండ్ ఎంచుకోవాలి. ఇక్కడ ఏకకాలంలో లేదా సిప్ రూపంలో నెలనెలా పెట్టుబడులు పెట్టొచ్చు. ఏటా సగటు రాబడి ఆధారంగా రిటర్న్స్ వస్తాయి. పాస్ట్ రిటర్న్స్‌ను బట్టి చూస్తే.. చాలా పథకాలు కొన్నేళ్లలో అద్భుతమైన రాబడి అందించాయి. వీటిల్లోనే ఒకటి ఎస్బీఐ మ్యూచువల్ ఫండ్ స్కీమ్స్.

దేశంలోనే అతిపెద్ద మ్యూచువల్ ఫండ్ పథకాల్లో ఎస్బీఐ మ్యూచువల్ ఫండ్ ఒకటి. దీని నికర ఆస్తుల విలువ ఏకంగా రూ. 11 లక్షల కోట్లకుపైగా ఉంటుంది. దీంట్లో అంటే ఎస్బీఐ కింద ఎన్నో రకాల కేటగిరీలకు చెందిన స్కీమ్స్ ఉన్నాయి. వీటిల్లో ఇప్పుడు రిటర్న్స్ పరంగా టాప్- 5 పథకాల గురించి తెలుసుకుందాం. ఐదేళ్ల ప్రదర్శనను బట్టి వీటిల్లో సిప్‌తో ఎంత రిటర్న్స్ వచ్చాయో తెలుసుకుందాం.

ఎస్బీఐ హెల్త్‌‌కేర్ అపార్చునిటీస్ ఫండ్- ఈ ఫండ్ పరిమాణం రూ. 3460 కోట్లు. లాంఛింగ్ నుంచి సగటున 17.18 శాతం చొప్పున రిటర్న్స్ అందించింది. ఐదేళ్లలో చూస్తే 29.73 శాతం రాబడి అందించింది. ఈ క్రమంలో ఐదేళ్ల కిందట ఇందులో రూ. 10 వేల చొప్పున సిప్ చేసిన వారికి ప్రస్తుతం రూ. 12.46 లక్షలు వచ్చాయి.

ఎస్బీఐ కాంట్రా ఫండ్- ఈ ఫండ్ సైజ్ రూ. 41,907 కోట్లు. ఈ పథకం ప్రారంభమైనప్పటి నుంచి చూస్తే 19.62 శాతం సగటు రాబడి అందించింది. దీంట్లో రూ. 10 వేల సిప్‌తో ఐదేళ్లలోనే రూ. 13 లక్షలు అయ్యాయి.

ఎస్బీఐ టెక్నాలజీ అపార్చునిటీస్ ఫండ్- ఈ ఫండ్ సైజ్ రూ. 39,432.5 కోట్లు. సగటున ఏడాదికి రూ. 27.79 శాతం చొప్పున రాబడి వచ్చింది. దీంతో ఐదేళ్ల కిందట రూ. 10 వేల సిప్ చేసిన వారికి రూ. 11.73 లక్షలు వచ్చాయి. ఎస్బీఐ స్మాల్ క్యాప్ ఫండ్‌లో 5 సంతవ్సరాల నుంచి రూ. 10 వేల సిప్ చేసిన వారికి ఇప్పుడు చేతికి రూ. 11.97 లక్షలు వచ్చాయి. ఎస్బీఐ మాగ్నమ్ మిడ్‌క్యాప్ ఫండ్‌లో కూడా నెలకు రూ. 10 వేల చొప్పున సిప్ చేసిన వారికి ఐదేళ్లలో రూ. 12.04 లక్షలు వచ్చాయి.