బట్టలు తడుపుకుందనే కోపంతో 8 ఏళ్ల బాలిక హత్య.. తలను నేలకేసి కొట్టి మరీ చంపిన మేనమామ

చిన్న పిల్లలు అల్లరి చేస్తుండడం చాలా కామన్. వాళ్లు చేసే పనులకు ఇంట్లోని పెద్ద వాళ్లకు కోపం రావడం కూడా అంతే కామన్. కానీ మనం ఇప్పుడు చూడబోయే వార్తలో మాత్రం ఆ కుటుంబ సభ్యుడికి.. చిన్నారి చేసిన అల్లరి ఏమాత్రం నచ్చలేదు. ఊరికే నీళ్లతో ఆటాడి బట్టలు తడుపుకోవడంతో తీవ్ర కోపానికి గురయ్యాడు. పరుగున వెళ్లి చిన్నారి తలను చేతిలో పట్టుకుని.. పదే పదే గోడకు, నేలకేసి కొట్టాడు. దీంతో బాలిక అక్కడిక్కడే ప్రాణాలు కోల్పోయింది. అయితే ఈ దారుణం జరుగుతున్న సమయంలో బాలిక అక్కలు ఇద్దరూ అక్కడే ఉన్నా.. మేనమామ కోపాన్ని చూసి నోరు మెదపలేకపోయారు. ఈ దారుణ ఘటన ఎక్కడ జిరిందో మనం ఇప్పుడు తెలుసుకుందాం.

గుజరాత్‌లోని మిథాపూర్‌కు చెందిన ఓ 40 ఏళ్ల మహిళకు భర్త, ముగ్గురు కుమార్తెలు ఉన్నారు. అయితే చాలా రోజులుగా భర్తతో ఆమెకు మనస్పర్థలు రాగా.. పిల్లలను తీసుకుని పుట్టింటికి వచ్చేసింది. ముఖ్యంగా తన తల్లిదండ్రులు చనిపోవడం, తోబుట్టువులు ఎవరూ లేకపోవండో.. బాబాయి ఇంటికి చేరుకుంది. అయితే రెండు నెలల క్రితం అయిన వాళ్ల వద్దకు చేరుకున్న ఆమెకు.. అండగా నిలవాల్సిన బాబాయి కుమారుడు తీవ్ర ఆటంకాలు ఎదురయ్యేలా చేశాడు. తన మూడు కుమార్తెను ఏమాత్రం ఇష్టపడని అతడు ఎప్పుడూ కోప్పడేవాడు.

రెండు నెలల వ్యవధిలోనే అతడు చిన్నారిని చాలా సార్లు కొట్టాడు. మొబైల్ ఛార్జర్‌తో పాటు కర్రలతో కొట్టి ఆమెను వేధించేవాడుడు. తల్లి ఇంట్లో లేని సమయంలో ఆమెపై మేనమామ దాడి చేయగా... బాలిక ఏం చేయలేకపోయేది. కానీ తల్లి వచ్చాకా విషయం చెప్పి బాధ పడేది. అయితే వాళ్లింట్లోనే ఆశ్రయం పొందుతున్నారు కాబట్టి ఏమైనా అంటే వెళ్లిపోమ్మంటారనే భయంతో మహిళ కూడా నోరు మెదపలేదు. కానీ ఈమధ్య ఓసారి అతడు బాలికను లైంగికంగా వేధించాడు. ఈ విషయం తెలుసుకున్న బాలిక తల్లి.. జనవరి 13వ తేదీన సిక్కా పోలీసులను ఆశ్రయించింది.

తన బాబాయి కుమారుడు.. తన చిన్న కుమార్తెను హింసిస్తున్నాడని వివరించింది. అలాగే లైంగికంగా కూడా వేధింపులకు గురి చేస్తున్నట్లు వెల్లడించింది. దీంతో కేసు నమోదు చేసుకున్న పోలుసులు నిందితుడిని అరెస్ట్ చేసి కోర్టులో హాజరుపరిచారు. ఈక్రమంలోనే జనవరి 14వ తేదీన న్యాయస్థానం.. నిందితుడిని 3 రోజుల కస్టడీకి పంపింది. ఇక ఆ తర్వాత సదరు యువతి... తన ముగ్గురు పిల్లలను తీసుకుని బాబాయి పాత ఇంటికి మకాం మార్చింది. ఈక్రమంలోనే బుధవారం రోజు మధ్యాహ్నం కూరగాయల కోసం మార్కెట్‌కు వెళ్లింది.

ఈ విషయం తెలుసుకున్న నిందితుడు.. సోదరి ఇంటికి వెళ్లాడు. అప్పటికే బాలిక నీళ్లతో ఆడుకుంటూ తన బట్టలు తడుపుకుని కనిపించగా.. వెంటనే వెళ్లి బట్టలు ఎందుకు తడుపుకున్నావంటూ గొడవ ప్రారంభించాడు. మనసులో ఆమెపై, ఆమె తల్లిపై విపరీతమైన కోపం పెంచుకున్న అతడు... చిన్నారి తలను నేలకు, గోడకేసి పదేపదే కొట్టాడు. ధారాపాతంగా రక్తం కారుతున్నా కనికరం లేకుండా కొట్టి చంపేశాడు. అయితే ఈ దారుణం జరుగుతున్న సమయంలో బాలిక ఇద్దరు అక్కలు కూడా అక్కడే ఉన్నారు. కానీ మేనమామ కోపంలో ఉండడం చూసి, ఏమైనా అంటే ఎక్కడ తమపై కూడా దాడికి పాల్పడతాడేమోనని భావించి నోరు మెదపలేరు.

చిన్నారి చనిపోయిన విషయం గుర్తించిన వెంటనే నిందితుడు అక్కడి నుంచి పారిపోయాడు. ఆ తర్వాత కాసేపటికే తల్లి అక్కడకు వచ్చి స్థానికుల సాయంతో బాలికను ఆస్పత్రికి తీసుకెళ్లింది. కానీ ఆమె అప్పటికే చనిపోయినట్లు వైద్యులు వెల్లడించారు. దీంతో సదరు యువతి.. తన సోదరుడిపై పోలీసులకు ఫిర్యాదు చేసింది. సాక్ష్యంగా తన ఇద్దరు కుమార్తెలను కూడా పోలీస్ స్టేషన్‌కు తీసుకు వెళ్లింది. కేసు నమోదు చేసుకున్న పోలీసులు నిందితుడిని అరెస్ట్ చేశారు.