ఐపీఎల్‌కి కొత్త హిట్టర్ వచ్చేశాడు,,,పంజాబ్‌‌ కింగ్స్‌లో సీక్రెట్ విపెన్

ఐపీఎల్ మెగా వేలం తర్వాత పంజాబ్ కింగ్స్ ఎప్పుడూ లేనంత స్ట్రాంగ్‌గా మారింది. ఐపీఎల్ 2024 విన్నింగ్ కెప్టెన్ శ్రేయాస్ అయ్యర్‌ను వేలంలో దక్కించుకున్న పంజాబ్ గ్లెన్ మ్యాక్స్‌వెల్, మార్కస్ స్టాయినీస్ వంటి హిట్టర్లతో ప్రత్యర్థులను హడలెత్తిస్తోంది. మరో పది రోజుల్లో ఐపీఎల్ ప్రారంభం అవుతుందనగా పంజాబ్ కింగ్స్ తన సీక్రెట్ వెపన్‌ని రివీల్ చేసింది.

ఈ నెల 22 నుంచి ఐపీఎల్ 2025 ప్రారంభం కానుండగా పంజాబ్ కింగ్స్ మాత్రం తన తొలి మ్యాచ్‌ను 25న గుజరాత్ టైటాన్స్‌తో ఆడనుంది. దాంతో ఇప్పటి నుంచి ఆ ఫ్రాంచైజీ ప్లేయర్లు ప్రాక్టీస్‌లో మునిగిపోయారు. ఎవ్వరూ ఊహించని ఆటగాడితో పంజాబ్ కింగ్స్ ప్రాక్టీస్ చేయిస్తూ ఆ వీడియోను తన సోషల్ మీడియాలో పోస్ట్ చేసింది. ఇంతకీ ఎవరు ఆ అరివీర భయంకర హిట్టర్ ఎవరా అనుకుంటున్నారా? రూ.18 కోట్లకు అమ్ముడైన మన యుజ్వేంద్ర చాహల్.

టీమిండియా లెగ్ స్పిన్నర్ యుజ్వేంద్ర చాహల్‌ను పంజాబ్ కింగ్స్ ఫ్రాంచైజీ ఐపీఎల్ మెగా వేలంలో రూ.18 కోట్లకు దక్కించుకుంది. రాయల్ ఛాలెంజర్స్ బెంగళూరు, రాజస్థాన్ రాయల్స్‌కు ఆడిన యూజీ ఇప్పుడు పంజాబ్ తరఫున ప్రాతినిథ్యం వహించనున్నాడు. ఐపీఎల్ 2025కి సమయం దగ్గరపడటంతో చాహల్ నెట్స్‌లో ప్రాక్టీస్ మొదలుపెట్టాడు. బంతితో కాకుండా హెల్మెట్, ప్యాడ్స్, బ్యాట్ పట్టుకుని గ్రౌండ్‌లో కనిపించాడు.

చాహల్‌ కోసం స్పెషల్ వీడియో చేసిన పంజాబ్ కింగ్స్ సీక్రెట్ వెపన్ లోడెడ్ అంటూ ఎలివేషన్ ఇచ్చింది. పంజాబ్ కింగ్స్ కోచ్ రికీ పాంటింగ్ ఓ సారి ఓపెనింగ్ స్లాట్‌లో చాహల్‌ని ప్రయోగిస్తారా? అంటూ ఫన్నీగా పోస్ట్ చేశారు. రాజస్థాన్ రాయల్స్‌‌లో ఆడినప్పుడు కూడా 'జాస్ భాయ్ మనిద్దరం ఓపెనింగ్ దిగుదామా' అంటూ ఫన్నీగా అన్నాడు. చాహల్ ఎక్కడుంటే అక్కడ మాత్రం నవ్వులకు కొదవ ఉండదు.

పంజాబ్ కింగ్స్ స్క్వాడ్

శ్రేయాస్ అయ్యర్ (కెప్టెన్), నేహాల్ వధేరా, విష్ణు వినోద్, జాస్ ఇన్‌‌గ్లిస్, హరనూర్ పన్ను, పాయల్ అవినాష్, ప్రభుసిమ్రాన్ సింగ్, శశాంక్ సింగ్, మార్కస్ స్టాయినీస్, గ్లెన్ మ్యాక్స్‌వెల్, హర్‌ప్రీత్ బ్రార్, మార్కో యాన్సన్, అజ్మతుల్లా ఓమర్జాయ్, ప్రియాన్ష్ ఆర్య, ఆరోన్ హార్డీ, ముషీర్ ఖాన్, సూర్యాన్షు షెడ్జే, అర్షదీప్ సింగ్, యుజ్వేంద్ర చాహల్, వ్యాషక్ విజయ కుమార్, యశ్ ఠాకూర్, లోకీ ఫెర్గ్యూసన్, కల్దీప్ సెన్, ప్రవీణ్ దుబే, జేవియర్.