ట్రెండింగ్
Epaper    English    தமிழ்

ఢిల్లీ క్యాపిటల్స్‌‌కు శుభవార్త.. జట్టులోకి చేరిన కేఎల్ రాహుల్

sports |  Suryaa Desk  | Published : Sat, Mar 29, 2025, 11:10 PM

టీమిండియా క్రికెటర్ కేఎల్‌ రాహుల్‌.. ఐపీఎల్ 2025 కోసం ఢిల్లీ క్యాపిటల్స్ జట్టులో చేరిపోయాడు. తన భార్య అతియా శెట్టి ప్రసవం కోసం.. రాహుల్ ఢిల్లీ క్యాపిటల్స్ తొలి మ్యాచుకు దూరమయ్యాడు. అయితే ఇటీవలే అతడు గుడ్‌న్యూస్ చెప్పాడు. తము ఆడబిడ్డ జన్మించినట్లు 23.03.2025వ తేదీన సోషల్ మీడియాలో పోస్టు పెట్టాడు. ఈ నేపథ్యంలో ఐపీఎల్ 2025 ఆడేందుకు ఇక సిద్ధమయ్యాడు. కుటుంబాన్ని వీడి.. ఢిల్లీ క్యాపిటల్స్ జట్టుతో చేరిపోయాడు.


కేఎల్ రాహుల్ జట్టులో చేరినట్లు ఢిల్లీ క్యాపిటల్స్ ప్రకటించింది. ఈ మేరకు అతడి ఎంట్రీని నిర్ధారించే.. వీడియోను సోషల్ మీడియాలో పోస్టు చేసింది. ది వెయిట్ ఈజ్ ఓవర్.. అని క్యాప్షన్ ఇచ్చింది. జూనియర్ ఎన్టీఆర్ నటించిన దేవర చిత్రంలోని బీజీఎంను రాహుల్.. ఎంట్రీకి జోడించింది. ఇందుకు సంబంధించిన వీడియో సోషల్ మీడియాలో వైరల్‌గా మారింది.


కాగా ఐపీఎల్ 2025లో ఢిల్లీ క్యాపిటల్స్ తన తొలి మ్యాచులో లక్నో సూపర్ జెయింట్స్‌ను ఓడించింది. విశాఖపట్నం వేదికగా జరిగిన ఈ ఉత్కంఠ మ్యాచులో వికెట్ తేడాతో విజయం సాధంచింది. ఇక ఆ జట్టు తన తర్వాతి మ్యాచులో సన్ రైజర్స్ హైదరాబాద్‌తో తలపడనుంది. విశాఖపట్నంలోని ఏసీఏ- వీడీసీఏ స్టేడియంలో ఈ మ్యాచ్ ఆదివారం మధ్యాహ్నం 3.30 గంటలకు ప్రారంభం కానుంది. ఢిల్లీ జట్టు కెప్టెన్‌గా అక్షర్ పటేల్ ఉండగా.. కేఎల్ రాహుల్ రాకతో ఆ జట్టు బ్యాటింగ్ మరింత బలం కానుంది.


ఐపీఎల్‌ 2025 కోసం ఢిల్లీ క్యాపిటల్స్ జట్టు:


అక్షర్ పటేల్ (కెప్టెన్), కేఎల్ రాహుల్ (వికెట్ కీపర్), కుల్‌దీప్‌ యాదవ్, ట్రిస్టాన్ స్టబ్స్, అభిషేక్ పోరెల్, మిచెల్ స్టార్క్, జేక్‌ ఫ్రాసెర్ మెక్‌గుర్క్, నటరాజన్, ముకేశ్ కుమార్, కరుణ్ నాయర్, సమీర్ రిజ్వీ, అశుతోష్ శర్మ, మోహిత్ శర్మ, డుప్లెసిస్, దర్శన్ నాల్కండే, విప్రాజ్ నిగమ్‌, దుష్మంత చమీర, డొనోవన్ ఫెరీరా, మన్వంత్ కుమార్, అజయ్ మండల్, మాధవ్ తివారి, త్రిపురన విజయ్






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com