కాలేజీలో పనిచేస్తూ స్టూడెంట్‌తో ఎఫైర్.. అర్ధరాత్రి ఇంటికి పిలిపించి

సమాజంలో రోజురోజుకూ పరిస్థితులు దిగజారుతున్నాయి. నైతిక విలువలకు తూట్లు పొడిచేలా వ్యవహరిస్తున్న ఘటనలు పెరుగుతున్నాయి. అలాంటి ఘటనే ఆంధ్రప్రదేశ్‌లో చోటుచేసుకుంది. ఈ ఘటన స్థానికంగా కలకలం రేపింది. హిందూ వివాహ వ్యవస్థ గొప్పదనాన్ని, నాతిచరామి ప్రమాణానికి ఉన్న విశిష్టతను తెలియకుండా ప్రస్తుత రోజుల్లో కొన్ని జంటలు వ్యవహరిస్తున్నాయని ఈ విషయం తెలిసిన వారు అభిప్రాయపడుతున్నారు.

ధర్మేచ, అర్థేచ, కామేచ, మోక్షేచ.. నాతిచరామి.. పెళ్లి సమయంలో వధూవరులు ఒకరికొకరు చేసే ప్రమాణం. ధర్మార్థకామమోక్షం.. ఎలాంటి పరిస్థితుల్లోనూ జీవిత భాగస్వామిని వదిలిపెట్టనని కలిసి చేసుకునే ప్రమాణం.. అంటే మంచి పనులు చేసేటప్పుడు కానీ.. ఆర్థికంగా స్థిరపడినప్పుడు, కోరికలు కలిగిన సమయంలో.. చివరకు మరణిస్తూ మోక్షం పొందే సమయంలో కూడా భాగస్వామికి దూరంగా ఉండనంటూ ఒకరికొకరు చేసుకునే బాస. భారతీయ వివాహ వ్యవస్థలో ఈ ప్రమాణానికి ఒక విశిష్టత ఉంది. ఆ విశిష్టతే నేటికీ మన హిందూ వివాహ వ్యవస్థను గొప్పగా నిలబెడుతోంది. కానీ కాలమహిమో.. మనిషికి మెదళ్లలో చేరిన విష ప్రభావమో.. నాతిచరామి ప్రమాణానికి కాలదోషం పడుతోంది.

మూడు ముళ్లు, ఏడు అడుగులతో వైవాహిక జీవితంలోకి అడుగుపెడుతున్న జంటలు.. పక్కదారి పడుతున్న ఘటనలు ఈ మధ్యకాలంలో పెరుగుతున్నాయి. కుటుంబ బాధ్యతల కారణంగా భాగస్వామిని నిర్లక్ష్యం చేసిన ఫలితమో లేదా.. కంటికి కనిపించని కలి ప్రభావమో.. పక్కచూపులు చూస్తున్నారు. వ్యవహారం రోడ్డుపైకి చేరినప్పుడు నలుగురిలో నవ్వులు పాలవుతున్నారు. అలాంటి ఘటనే ఏపీలో చోటుచేసుకుంది. ఆంధ్రప్రదేశ్‌కు చెందిన ఓ వ్యక్తికి పెళ్లైంది. అతని భార్య ఓ కాలేజీలో పనిచేస్తున్నారు. అయితే కాలేజీలో పనిచేస్తున్న సమయంలో ఆ మహిళకు.. అదే కాలేజీలో చదివే ఓ యువకుడితో పరిచయమైంది. హార్మోన్ల ప్రభావమో, వయసు కారణమో.. ఆ పరిచయం కాస్తా వివాహేతర సంబంధానికి దారి తీసింది. భర్తకు తెలియకుండా కొన్నిరోజులు గుట్టుగా వ్వవహారం నడిపించారు.

అయితే అరచేతిని అడ్డుపెట్టి సూర్యుణ్ని.. అలాగే అబద్ధాన్ని, తప్పును ఎక్కువ రోజులు దాచలేరు. కాలేజీలోని యువకుడితో భార్య సాగిస్తున్న వ్యవహారం ఆ భర్త చెవినపడింది. దీంతో వీరిద్దరి సంగతి బయటపెట్టాలని నిర్ణయించుకున్నారు. ఓ రోజు రాత్రి భర్త అలా బయటకు వెళ్లగానే.. ప్రియుణ్ని ఇంటికి రావాలని పిలిచింది భార్య. అయితే భార్యపై అనుమానంతో అర్ధరాత్రి ఇంటికి చేరుకున్నాడు భర్త. రాత్రివేళ తన ఇంట్లో మూడో మనిషి ఉండటం చూశాడు. వీరి వ్యవహారాన్ని బయటపెట్టాలని నిర్ణయించుకుని ఇంటి తలుపులు లాక్ చేశారు. ఉదయాన్నే పోలీసులకు, ఇరుగుపొరుగు వారికి సమాచారం అందించారు. ఘటనాస్థలికి చేరుకున్న పోలీసులు.. ఇంట్లో ఉన్న ప్రియుణ్ని విడిపించారు. అనంతరం ఆ వివాహిత మహిళను, ఆ యువకుణ్ని పోలీస్ స్టేషన్‌కు తీసుకెళ్లారు.