షుగర్, అధిక బరువుని తగ్గించే మసాలా జొన్నరొట్టె

రెగ్యులర్ చపాతీలకంటే జొన్న రొట్టెలు మంచివని అందరికీ తెలిసిందే. వీటిని తినడం వల్ల బరువు తగ్గడం నుంచి ఎన్నో లాభాలు ఉంటాయి. అయితే, నార్మల్ జొన్నరొట్టె కంటే మరింత టేస్టీగా ఉండేలా జొన్నరొట్టెను ఎలా తయారు చేయాలో తెలుసుకోండి.

షుగర్, అధిక బరువుని తగ్గించే మసాలా జొన్నరొట్టెని చపాతీల కంటే ఈజీగా చేసుకోండిలా, రెగ్యులర్ తింటే ఎన్నో సమస్యలు దూరం

పెరిగిన అవగాహన కారణంగా ఎక్కువగా అన్నం బదులు చపాతీలనే తింటున్నారు. అది కూడా గోధుమ చపాతీల బదులు మరో అడుగు ముందుకేసి జొన్న రొట్టెల్ని తినడానికి ఎక్కువగా ప్రిఫర్ చేస్తున్నారు. దీంతో బయట చాలా చోట్ల జొన్నరొట్టెలు చేసి అమ్ముతున్నారు.

ఈ జొన్నరొట్టెలు తింటే బరువు తగ్గడం, షుగర్ తగ్గడం నుంచి జీర్ణక్రియ మెరుగ్గా మారి దీర్ఘకాలిక సమస్యలు దూరమవుతాయి. దీనికి కారణం జొన్నల్లోని యాంటీ ఆక్సిడెంట్ ఫినోలిక్ గుణాలు. అయితే, నార్మల్ చపాతీలను చేయడమే కొందరికీ కష్టంగా ఉంటుంది. అలాంటి వారు జొన్న రొట్టెలు చేయొచ్చా, అది కూడా మసాలా జొన్నరొట్టెలా మా వల్ల కాదు అనుకోవదు. ఇవి చేయడం చాలా ఈజీ. పైగా చాలా రుచిగా కూడా ఉంటాయి. ఒక్కోసారి కూరలు లేకపోయినా తినేయొచ్చు. మరి కావాల్సిన పదార్థాలు, తయారుచేసే విధానమేంటో తెలుసుకోండి.

కావాల్సిన పదార్థాలు

జొన్నపిండి

తగినంత నీరు

అర స్పూన్ జీలకర్ర

అర స్పూన్ తెల్ల నువ్వులు

రుచికి సరిపడా ఉప్పు

తయారీ విధానం

ముందుగా ఓ గిన్నె తీసుకుని అందులో నీరు పోసి వేడి చేయండి.

తర్వాత అందులో జీలకర్రని కాస్తా నలిపి వేయండి

నువ్వులు కూడా వేయండి.

రుచికి సరిపడా ఉప్పు వేయండి

ఇప్పుడు కప్పు జొన్న పిండి వేయండి.

అందులోనే తరిగిన కొత్తిమీర వేయండి.

కొద్దిగా మిరియాల పొడి వేయండి.

అన్నింటిని కలిపి మూతపెట్టి 5 నిమిషాలు ఉంచండి.

తర్వాత ఓ గిన్నెలోకి తీసుకుని బాగా ఒత్తి చపాతీ పిండిలా చేయండి.

ఇప్పుడు పైన కొద్దిగా నూనె వేసి అలానే ఉంచండి.

10 నిమిషాల తర్వాత పిండిని ముద్దల్లా చేయండి. పిండి ఆరిపోకుండా తడిగుడ్డతో కప్పండి.

ఒక్కో పిండి ముద్దని తీసుకుని రోటీల్లా ఒత్తుకోండి.

​జొన్న రోటీలను పెనంపై వేసి రెండువైపులా కొద్దిగా కాల్చి నేరుగా మంటపై కాల్చండి.

దీంతో చక్కగా పొంగుతాయి.

వీటిని తీసి వేడిగా ఉన్నప్పుడే కొద్దిగా నెయ్యి రాయండి.

ఇలా తయారైన చపాతీలను మీకు నచ్చిన కూరతో ఎంజాయ్ చేయొచ్చు.

జొన్నలు ఎందుకు తినాలి

జొన్నలు, జొన్న రొట్టెలు, జొన్నలతో తయారైన వంటలన్నీ ఆరోగ్యానికి మంచివి. జొన్నల్లో ఎక్కువ ఫైబర్ ఉంటుంది. ఇది జీర్ణ సమస్యల్ని దూరం చేస్తుంది. అంతేకాదు, జొన్నలో ప్లాంట్ బేస్డ్ ప్రోటీన్‌ని అందిస్తుంది. ఇది సహజంగానే గ్లూటెన్ రహితంగా ఉంటుంది. అంతేకాకుండా, ఇది మొత్తం ఆరోగ్యాన్ని కాపాడేందుకు విటమిన్స్, ఖనిజాలతో నిండి ఉంటుంది.

మసాలా జొన్నరొట్టె ఎలా చేయాలి

​బెనిఫిట్స్

జొన్నరొట్టెలు తినడం వల్ల ఇమ్యూనిటీ పెరుగుతుంది.

ఇందులోని ఫైబర్ జీర్ణక్రియకి మంచిది.

రెండు రొట్టెలు తిన్నా కూడా కడుపు నిండుగా అనిపిస్తుంది. దీంతో బరువు తగ్గడం ఈజీ అవుతుంది.

జొన్నల్లోని యాంటీ ఆక్సిడెంట్స్, ఫైటో కెమికల్స్ కారణంగా బాడీలో ఇన్‌ఫ్లమేషన్ తగ్గుతుంది.

వీటిలోని గుణాలు కొలెస్ట్రాల్‌ని తగ్గించి గుండె ఆరోగ్యాన్ని కాపాడతాయి.

ఇన్ని లాభాలున్న జొన్న రొట్టెల్ని మీరు చేసుకుని తినడం మంచిది.

మరేం వంటకాలు

జొన్నల్ని జొన్నరొట్టెల్లా మాత్రమే కాకుండా, అంబలి, జావ, మసాలా జొన్నరొట్టె, రవ్వలా చేసి ఉప్మాలా చేసుకుని తినడం, పొంగల్ చేయడం, జొన్న అన్నం ఇలా రకరకాలుగా చేసి తినొచ్చు. ఎలా తిన్నా శరీరానికి మంచిది. మరింకెందుకు ఆలస్యం హ్యాపీగా ఆస్వాదించండి. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి సమయం తెలుగు బాధ్యత వహించదు.​​​​​