Apple Hebbal: సౌత్ ఇండియాలో ఆపిల్ తొలి స్టోర్ ఎక్కడో తెలుసా?
Andhra Pradesh Telugu | Suryaa Desk | Published : Tue, Sep 02, 2025, 11:18 PM
దక్షిణ భారతదేశంలో తన తొలి ఆపిల్ స్టోర్ను ఆపిల్ ప్రారంభించింది. మంగళవారం బెంగళూరులోని ఫీనిక్స్ మాల్ ఆఫ్ ఆసియాలో ఈ కొత్త రిటైల్ స్టోర్ను కంపెనీ ప్రారంభించింది.దీనికి “ఆపిల్ హెబ్బాల్” అనే పేరు పెట్టారు. 2023లో ముంబై బాంద్రా కుర్లా కాంప్లెక్స్లో ఆపిల్ తన మొదటి స్టోర్ను ప్రారంభించగా, ఆ తరువాత ఢిల్లీలోని సాకేత్లో రెండో స్టోర్ను తెరిచింది. ఇప్పుడు బెంగళూరు స్టోర్తో ఆపిల్ మూడో రిటైల్ అవుట్లెట్ను ప్రారంభించినట్లైంది.ఈ స్టోర్లో కస్టమర్లకు సేవలందించేందుకు 15 రాష్ట్రాల నుంచి వచ్చిన 70 మంది సిబ్బంది పనిచేస్తున్నారు. వీరు కన్నడ, హిందీతో పాటు మరో 25 ప్రాంతీయ భాషల్లో కస్టమర్లతో మాట్లాడగలరు. దేశంలోని మిగిలిన రెండు స్టోర్లతో పోలిస్తే బెంగళూరు స్టోర్ పరిమాణం కొంచెం చిన్నదే. అయితే, ఐఫోన్లు, మాక్బుక్స్, ఐమాక్, ఐప్యాడ్, ఆపిల్ టీవీ, వాచ్, ఆపిల్ పెన్సిల్, ఎయిర్ ట్యాగ్స్ వంటి ఉత్పత్తుల కోసం ప్రత్యేక కౌంటర్లతో ఓపెన్ లేఅవుట్ డిజైన్లో ఏర్పాటు చేశారు. స్టోర్లోనే కొనుగోలు చేయడంతో పాటు ఆపిల్ అధికారిక ఆన్లైన్ స్టోర్ లేదా యాప్ ద్వారా కూడా ఆర్డర్ చేసుకునే అవకాశం ఉంది.ప్రస్తుతం బెంగళూరులో కొత్త స్టోర్ను ప్రారంభించిన ఆపిల్, సెప్టెంబర్ 4న పూణేలోని ఆపిల్ కోరేగావ్ పార్క్ స్టోర్ను తెరవనుంది. ఈ ఏడాది చివరినాటికి ముంబై, ఢిల్లీ-ఎన్సీఆర్ ప్రాంతాల్లో మరో రెండు స్టోర్లు ప్రారంభించాలనే యోచనలో ఉంది. దీంతో దేశవ్యాప్తంగా యాపిల్ రిటైల్ స్టోర్ల సంఖ్య ఆరుగాకానుంది.
|
|