బీజింగ్ పరేడ్‌లో రాకాసి అణు క్షిపణి ప్రదర్శన – 20,000 కిమీ రేంజ్ షాక్!

చైనా (China) తన అత్యాధునిక అణు క్షిపణిని ప్రపంచం ముందుకు తెచ్చింది. దీన్ని డీఎఫ్‌–5సీగా పిలుస్తున్నట్లు గ్లోబల్ టైమ్స్ పేర్కొంది.విక్టరీ డే మిలిటరీ పరేడ్‌ (V-day Parade)లో ఈ క్షిపణి ఆవిష్కరణ ప్రపంచ దృష్టిని ఆకర్షించింది. దీని రేంజ్‌లో భూగోళం మొత్తం వస్తుందని, ఎక్కడున్న శత్రు లక్ష్యాలనైనా ధ్వంసం చేయగల సామర్థ్యం ఉందని చెబుతున్నారు. అధునాతన గగనతల రక్షణ వ్యవస్థలను కూడా ఇది ఛేదించగలదని నిపుణులు అంటున్నారు.ఈ భారీ క్షిపణిని ఒకే వాహనంపై తరలించడం సాధ్యం కాదు. మూడు భాగాలుగా తరలించి, తర్వాత అసెంబ్లింగ్ చేసి ప్రయోగిస్తారు. గత డీఎఫ్‌–5 కంటే దీన్ని వేగంగా సిద్ధం చేయవచ్చని అణు నిపుణుడు ప్రొఫెసర్ యాంగ్ చెంగ్జిన్ వెల్లడించారు. దీన్ని భారీ సిలోస్‌ (బొరియ) నుంచీ ప్రయోగించే వీలుంది.డీఎఫ్‌–5సీ రేంజ్ 20,000 కిలోమీటర్లకు పైగా. అంటే భూమి మొత్తం దీనికి అందుబాటులో ఉంటుంది. భూగర్భ స్థావరాలపై కూడా ఇది దాడి చేయగలదని చెబుతున్నారు. దాడి సమయంలో శబ్దం కంటే పది రెట్లు వేగంగా ప్రయాణించగల ఈ క్షిపణి కారణంగా ప్రస్తుత గగనతల రక్షణ వ్యవస్థలకు చాలా తక్కువ సమయం మాత్రమే ఉంటుంది.ఈ క్షిపణిలో ఎంఐఆర్‌వీ (Multiple Independently Targetable Re-entry Vehicles) టెక్నాలజీని వాడారు. దీని సహాయంతో ఒకేసారి పలు అణు లేదా సంప్రదాయ వార్‌హెడ్‌లను, అలాగే గగనతల రక్షణను మోసగించే డెకాయ్‌లను మోసుకెళ్లగలదు. ఒకేసారి వేర్వేరు లక్ష్యాలపై దాడి చేసేలా 10 వార్‌హెడ్‌లను మోసుకెళ్లగల సామర్థ్యం ఉందని అంచనా.సాధారణంగా ఖండాంతర బాలిస్టిక్ క్షిపణులు అధిక కచ్చితత్వం కలిగి ఉండవు. కానీ డీఎఫ్‌–5సీలో మాత్రం చైనా అభివృద్ధి చేసిన బైడూ నావిగేషన్ సిస్టమ్తో పాటు పలు టెక్నాలజీలు వాడారు. దీంతో 20,000 కిమీ దూరం ప్రయాణించినా కూడా లక్ష్యాన్ని ఖచ్చితంగా తాకగలదని చెబుతున్నారు.
*తొలిసారి ప్రదర్శించిన ఇతర ఆయుధాలు
ఎల్‌వై–1 లేజర్ వ్యవస్థ
హైపవర్డ్ మైక్రోవేవ్ వ్యవస్థలు
న్యూ జెనరేషన్ టైప్–100 ట్యాంకులు (టైప్–99 కన్నా ఆధునికం)
డాంగ్‌ఫెంగ్–61 ఖండాంతర క్షిపణి (12,000 కిమీ రేంజ్)
జేఎల్–1 గగనతలం నుంచి ప్రయోగించే అణు క్షిపణి
ఏజేఎక్స్–002 సముద్ర డ్రోన్హె
చ్–6జే లాంగ్ రేంజ్ బాంబర్ (వైజే–12 యాంటీ షిప్ మిసైల్స్‌తో)
AI ఆధారిత డ్రోన్లు
డీఎఫ్–26డీ మధ్యశ్రేణి బాలిస్టిక్ క్షిపణి
జీజే–11 లాయల్ వింగ్‌మన్, సీజే–1000 హైపర్‌సోనిక్ క్షిపణి
హెచ్‌క్యూ–20, హెచ్‌క్యూ–29, హెచ్‌క్యూ–11 ఎయిర్ డిఫెన్స్ సిస్టమ్స్పీ
హెచ్‌ఎల్–16 (చైనా హమార్స్)