తిరుమలలో ఏఐ ఇటిగ్రేటెడ్ కమాండ్ అండ్ కంట్రోల్ సెంటర్
Andhra Pradesh Telugu | Suryaa Desk | Published : Fri, Sep 26, 2025, 02:23 PM
తిరుమలలోని వైకుంఠం క్యూ కాంప్లెక్స్-1లో ఏర్పాటు చేసిన ఏఐ ఇటిగ్రేటెడ్ కమాండ్ అండ్ కంట్రోల్ సెంటర్ను సీఎం చంద్రబాబు, మంత్రి లోకేశ్ గురువారం ప్రారంభించారు. ఐసీసీ సెంటర్ పనితీరును అధికారులు, సిబ్బంది వారికి వివరించారు. ఫేషియల్ రికగ్నిషన్, బిహేవియర్ అనాలసిస్ అమలులో ఉందని, గంటకు 4,500 మంది శ్రీవారిని దర్శించుకుంటున్నారని తెలిపారు ఏఐ, క్వాంటమ్ రెడీ అనలిటిక్స్, మెషీన్ లెర్నింగ్ సాయంతో దర్శనం కోసం ఎంతమంది వేచిఉన్నారో గుర్తించి అందుకు అనుగుణంగా క్యూలైన్ నిర్వహణ కోసం చర్యలు చేపడుతున్నామని వివరించారు. దీనిపై సీఎం స్పందిస్తూ గంటకు 5 వేల నుంచి 5,500 మంది దర్శనం చేసుకునే అవకాశాలపై దృష్టి సారించడం ద్వారా వేచి ఉండే సమయాన్ని తగ్గించాలని సూచించారు. డిజిటల్ కంటెంట్లో శ్రీవారి చరిత్ర, కథలు, వైభవం వంటివి ప్రదర్శించేలా చర్యలు తీసుకోవాలని పేర్కొన్నారు. ఏడుకొండలపై 95శాతానికిపైగా గ్రీనరీ ఉండాలన్నారు.
|
|