BIS Care App తో హాల్‌మార్క్ చెక్ ఎలా చేయాలి – స్టెప్ బై స్టెప్ గైడ్!

బంగారం ధరలు ఇటీవల భారీగా పెరిగిపోయాయి. ప్రస్తుతం తులం గోల్డ్ ధర రూ. లక్షా 20 వేల మార్క్‌ను దాటి వేగంగా పెరుగుతోంది. ఇలాంటి పరిస్థితుల్లో నకిలీ బంగారం ప్రజల్లో ఆందోళనకు కారణమవుతోంది. లక్షలు వెచ్చించి కొనుగోలు చేసిన బంగారు ఆభరణాలు చివరికి నకిలీవి అని తెలిసితే వినియోగదారులు తీవ్రంగా నష్టపోతారు. కొన్నిసార్లు కొనుగోలు చేసే బంగారం నిజమైనదా లేక నకిలీ ఆభరణాలే అమ్ముతున్నారు అన్న అనుమానం కూడా వినియోగదారుల్లో కనిపిస్తుంది. మార్కెట్‌లో నకిలీ హాల్‌మార్క్ ముద్రలతో అమ్ముతున్న ఆభరణాల ఘటనలు ఇటీవల బాగా వెలుగులోకి వస్తున్నాయి.ఈ నేపథ్యంలో, నకిలీ బంగారపు మోసాల నుండి కాపాడుకునేందుకు వినియోగదారులు తమ చేతిలోనే ఉన్న ఓ శక్తివంతమైన సాధనాన్ని వినియోగించుకోవచ్చు. అదే BIS కేర్ యాప్. ఇది Bureau of Indian Standards (BIS) నుండి విడుదలైన అధికారిక మొబైల్ అప్లికేషన్. దీని ద్వారా వినియోగదారులు తాము కొనుగోలు చేసిన ఆభరణాలు అసలైనవేనా, హాల్‌మార్క్ నకిలీదా అనే విషయం సులభంగా గుర్తించవచ్చు. ఈ యాప్‌ను Google Play Store లేదా Apple App Store నుండి ఉచితంగా డౌన్‌లోడ్ చేసుకోవచ్చు.ఈ యాప్ ద్వారా హాల్‌మార్క్ ఉన్న బంగారు ఆభరణాలపై ముద్రించబడే 6 అంకెల ప్రత్యేక HUID (Hallmark Unique Identification) నంబర్‌ను ఎంటర్ చేయడం లేదా స్కాన్ చేయడం ద్వారా ఆ ఆభరణానికి సంబంధించిన పూర్తి వివరాలను తెలుసుకోవచ్చు. ఆ వివరాల్లో ఆభరణాన్ని తయారు చేసిన వ్యాపారి పేరు, హాల్‌మార్క్ ప్రమాణం, క్యారెట్ విలువ (22K లేదా 18K), అలాగే ఆ ఆభరణం ప్రామాణికత వివరాలు ఉండడం వల్ల వినియోగదారులకు స్పష్టత కలుగుతుంది.అంతేకాదు, ఎవరైనా నకిలీ హాల్‌మార్క్‌తో మోసం చేస్తున్నారని అనుమానం ఉంటే, అదే యాప్‌ ద్వారా నేరుగా ఫిర్యాదు చేసే అవకాశాన్ని కూడా BIS కల్పించింది. BIS కేర్ యాప్‌ ఉపయోగించడం చాలా సులభం. ఇది నేరుగా BIS సర్వర్‌కు కనెక్ట్ అయి పనిచేస్తుంది కాబట్టి అందే సమాచారం నమ్మదగినదిగా ఉంటుంది.మొత్తంగా, పెరుగుతున్న బంగారం ధరల దృష్ట్యా, వినియోగదారులు కొనుగోలు చేసే ప్రతి ఆభరణాన్ని శ్రద్ధగా పరిశీలించడం, BIS కేర్ యాప్ ద్వారా హాల్‌మార్క్‌ను వెరిఫై చేయడం ఇప్పటి కాలంలో అత్యవసరం. ఇది మీ కష్టార్జిత ధనాన్ని మోసాల నుండి కాపాడే తెలివైన అడుగు.