10 వేల పొదుపుతో ఏడేళ్లలోనే రూ. 19 లక్షలు,,,హెచ్‌డీఎఫ్‌సీ, టాటా స్కీమ్స్ మ్యాజిక్

మ్యూచువల్ ఫండ్ పెట్టుబడుల పట్ల జనం చాలా ఆసక్తి చూపిస్తుంటారు. ఇక్కడ కాలం గడుస్తున్న కొద్దీ కాంపౌండింగ్ ఎఫెక్ట్ వల్ల సంపద గణనీయంగా పెరుగుతుండటమే కారణం. స్వల్ప కాలం కోసమైతే.. ఇది గొప్ప పెట్టుబడి సాధనం కాదు. 5, 10 ఏళ్లు.. అంతకుమించి కొనసాగిస్తేనే ఇక్కడ మెరుగైన రాబడి వస్తుంది. కాంపౌండింగ్ ఇక్కడ ప్రధాన బలం. దీనినే చక్రవడ్డీ అంటారు. దీంతో కాలం గడుస్తున్న కొద్దీ.. సంపద పెరుగుతూనే ఉంటుంది. వడ్డీపై వడ్డీ వస్తుంటుంది. దీంతో మంచి లాభాల్ని పొందుతుంటారు.

ఇక ఈక్విటీ మ్యూచువల్ ఫండ్స్ సగటున వార్షిక ప్రాతిపదికన చాలా వరకు 15 శాతం వరకు రిటర్న్స్ ఇస్తుంటాయి. కొన్ని అంతకుమించి కూడా ఇచ్చినవి ఉన్నాయి. పాస్ట్ రిటర్న్స్ చూస్తే ఇది అర్థమవుతుంది. ఇక గత 7 సంవత్సరాల్లో చూస్తే.. ప్రతి ఈక్విటీ మ్యూచువల్ ఫండ్ స్కీమ్ కూడా.. సిప్ ఇన్వెస్ట్‌మెంట్లపై రెండంకెల్లో లాభాల్ని అందించింది. ఈటీ మ్యూచవల్ ఫండ్స్ డేటా దీనిని సూచిస్తుంది.

వన్డేల్లో ట్రిపుల్ సెంచరీ.. 141 బంతుల్లో 314 పరుగులు! వరల్డ్ రికార్డ్ క్రియేట్ చేసిన ఆస్ట్రేలియాకు చెందిన భారత సంతతి ఆటగాడు!!

దాదాపు 180 మ్యూచువల్ ఫండ్ స్కీమ్స్.. ఇండస్ట్రీలో ఏడేళ్లు పూర్తి చేసుకోగా.. వీటిల్లో 5 పథకాలు సగటున 25 శాతానికిపైగా రాబడి అందిస్తూ వచ్చాయి. ఇందులో క్వాంట్ స్మాల్ క్యాప్ ఫండ్ టాపర్‌గా నిలిచింది. ఇది 30.64 శాతం రిటర్న్స్ ఇచ్చింది. ఇక్కడ నెలకు రూ. 10 వేల చొప్పున సిప్ చేసిన వారికి ఏడేళ్లలో రూ. 24 లక్షలకుపైగా వచ్చింది. మోతీలాల్ ఓస్వాల్ మిడ్ క్యాప్ ఫండ్ ఇక్కడ 26.79 శాతం రిటర్న్స్ ఇచ్చింది. ఇక్కడ 10 వేల సిప్‌పై రూ. 21 లక్షలు వచ్చాయి.

>> నిప్పన్ ఇండియా స్మాల్ క్యాప్ ఫండ్ రూ. 10 వేల సిప్‌ను ఏడేళ్లలో రూ. 21.25 లక్షలు చేసింది. బ్యాంక్ ఆఫ్ ఇండియా స్మాల్ క్యాప్ ఫండ్, ఇన్వెస్కో ఇండియా స్మాల్ క్యాప్ ఫండ్ కూడా 25 శాతానికిపైగా వార్షిక రాబడి అందించగా.. ఇక్కడ రూ. 10 వేల సిప్‌పై రూ. 20 లక్షల వరకు వచ్చాయి.

టాటా స్మాల్ క్యాప్ ఫండ్ 24.05 శాతం రాబడి అందించగా.. ఇక్కడ నెలకు రూ. 10 వేల చొప్పున సిప్ చేసిన వారికి ఏడు సంవత్సరాల్లో రూ. 19.03 లక్షలు వచ్చాయి. హెచ్‌డీఎఫ్‌సీ మిడ్ క్యాప్ ఫండ్ 24.31 శాతం వార్షిక రాబడి అందించగా.. ఇక్కడ రూ. 10 వేల సిప్‌పై రూ. 19.66 లక్షలు వచ్చాయి. వీటిపైన ఎడెల్‌వీస్ మిడ్ క్యాప్ ఫండ్, నిప్పన్ ఇండియా గ్రోత్ మిడ్ క్యాప్ ఫండ్, ఇన్వెస్కో ఇండియా మిడ్ క్యాప్ ఫండ్ వంటివి ఉన్నాయి. వీటిల్లో కూడా రూ. 19 లక్షలకుపైగా సంపద చేకూరింది.