02.11.2025 నుండీ 08.11.2025 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ,  లూ, లే, లో,ఆ)
వారం ప్రారంభం నుంచి వారాంతం వరకు చతుర్ధాధిపతి అయిన చంద్రుడు లాభ, వ్యయ, జన్మ, ద్వితీయ రాశులలో సంచారం.చతుర్ధ స్థానంలో ఉచ్చ స్థితి గురుడు, పంచమకేతువు, లాభ రాహువు, సప్తమ స్థానంలో శుక్రుడు తో రవి యుతి, అష్టమ స్వక్షేత్రంలో కుజ  బుధ  యుతి మొదలైన అంశాల్ని పరిగణిస్తే విద్యార్థులు పోటీలలో నెగ్గుతారు ప్రత్యర్థుల మీద విజయం సాధిస్తారు అధిక శ్రమతో అనుకున్న ఫలితాలు సాధించగలుగుతారు ఆర్థిక విషయాలు అనుకూలంగా ఉంటాయి. డైలీ లైఫ్ రొటీన్ లో మార్పులు, చిన్ననాటి మిత్రులను కలుస్తారు మంచి చర్చలు చేస్తారు. మధ్యలో నిద్రలేమి అనవసర ఖర్చులు మొదలైనవి అధిగమించాలి. దూర ప్రయాణాలకు అవకాశం. ఆరోగ్య తగిన శ్రద్ధ తీసుకోవాలి. అనవసర పెట్టుబడుల కొరకు రుణములు చేయడం వల్ల గౌరవం తగ్గే అవకాశం ఉంది కాబట్టి రుణములు చేసే ముందు జాగ్రత్త అవసరం. వారం చివరిలో వృత్తి చేసే ప్రదేశాలలో వ్యక్తులతో ఘర్షణలకు దూరంగా ఉండాలి, జాగ్రత్తగా వ్యవహరించి గాసిప్పులకు దూరంగా ఉంటూ, ఉన్నత అధికారులతో గౌరవంగా పనిని ముగించుకోవాలి. కొన్ని సందర్భాల్లో తొందరపాటు నిర్ణయాల వల్ల, మాటల వల్ల వారాంతంలో ఇబ్బందులు ఎదుర్కొనే అవకాశం ఉంది. నరసింహ స్వామి స్తోత్రాలు వినడం, ఆలయ దర్శనం మంచిది.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో) 
ప్రారంభం నుంచి వారాంతం వరకు తృతీయాధిపతి అయిన చంద్రుడు దశమ, లాభ, వ్యయ, జన్మ స్థానం మీదుగా సంచారం. తృతీయ ఉచ్చ స్థానంలో గురుడు, షష్ఠ స్థానంలో స్వక్షేత్ర శుక్రునితో రవి యుతి, సప్తమ స్థానంలో స్వక్షేత్ర కుజునితో బుధ యుతి, ఫలితాంశములు గమనించగా అధిక శ్రమ ఉన్నప్పటికీ గౌరవాన్ని పెంపొందించుకుంటూ వృత్తిపరమైన విజయ సాధన కొరకు బాధ్యతగా ముందుకు వెళతారు. వృత్తిపరంగా నూతన వ్యక్తుల పరిచయం. సంతాన అభివృద్ధి కరంగా ఉంటుంది ఆలోచనలు అనుకూలంగా ఉంటాయి. అధిక శ్రమ  ఒత్తిడి ఉన్నప్పటికీ వృత్తిలో అభివృద్ధి. వారం మధ్యలో సంతానం అభివృద్ధికరంగా ముందుకు వెళుతుంది ఆలోచనలు అనుకూలంగా ఉంటాయి ఆర్థిక విషయాలు ఉపాసన విందు వినోదాలు చిన్ననాటి మిత్రుల కలయిక ఆనందాన్ని ఇస్తాయి. ప్రియమైన వారి ఆరోగ్య విషయంలో శ్రద్ధ తీసుకుంటారు. వారం చివరిలో భూ సంబంధమైన విషయాలు కొనుగోలు అమ్మకాలు, ఆర్థిక అంశాలు మొదలైన వాటిలో మోసములకు లోను కాకుండా వ్యయ ప్రయాసలకు దూరంగా ఉండాలి. ఇలాంటి విషయాలలో భాగస్వామి తల్లితండ్రులతో చర్చించి నిర్ణయానికి రావాలి. కుటుంబ సభ్యుల మధ్య కమ్యూనికేషన్ గ్యాప్ మంచిది కాదు. భాగస్వామికి  తాత్కాలిక స్థాన చలనానికి అవకాశం. మంచి ఫలితముల కొరకు దుర్గాదేవి ఆరాధన, దేవాలయ సందర్శన మంచిది.

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  ఈవారం ప్రారంభం నుంచి చివరి వరకు ద్వితీయాధిపతి  చంద్రుడు భాగ్య దశమ లాభ వ్యయ స్థానం మీదుగా ప్రయాణం చేయును. సప్తమ రాజ్యాధిపతి గురుడు ద్వితీయ స్థానంలో ఉచ్ఛ సంచారం. షష్ట స్థానంలోస్వక్షేత్ర కుజ,  బుధునితో యుతి, పంచమ స్థానంలో స్వక్షేత్ర శుక్ర,  రవితో యుతి.మొదలైన అంశాల్ని పరిగణిస్తే విద్యా పరమైన విషయాలుముఖ్యంగా ఉన్నత విద్య చాలా అనుకూలంగా ఉంటాయి,  కుటుంబం, కుటుంబ పరిస్థితులు, తల్లి యొక్క ఆరోగ్యం, పెద్దలకి సౌకర్యాలు, ఆధ్యాత్మిక ప్రయాణాలు, ఉన్నత విద్య ప్రయత్నాలు ఆశాజనకంగా ఉంటాయి. వారం మధ్యలో వృత్తిపరంగా కృషి అధికం బాధ్యతలు పెరుగుతాయి, వృత్తి పరమైన ప్రదేశాలలో ఆధ్యాత్మిక ఏర్పాట్లు కొరకు శ్రమ, పెద్దలను కలుస్తారు ఆశీర్వచనాలు తీసుకుంటారు అభివృద్ధికరంగా ముందుకు సాగుతారు. వారం చివరిలో ఆశించిన ఫలితాలు మిత్రుల తో ప్రయోజనకరంగా ఉంటాయి, చిన్ననాటి పరిచయాల నుండి మంచి వర్తమానాలు అందుకుంటారు, అభివృద్ధి, ఆర్థిక లాభం, ఆకస్మిక అవకాశాలు. సంతానము కొరకు ఖర్చులు. మంచి ఫలితాల కొరకు ఆదిత్య హృదయ పారాయణ మంచిది.

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)వారం ప్రారంభం నుంచి చివరి వరకు రాశ్యాధిపతి  అయిన చంద్రుడు అష్టమ నవమ, రాజ్య, లాభ స్థాన రాశుల మీదుగా ప్రయాణం చేస్తాడు.  రాశిలో గురుడు, భాగ్యస్థానంలో శని, వృశ్చిక స్వక్షేత్రంలో కుజుడు బుధ యుతి, చతుర్ధములో స్వక్షేత్ర శుక్ర, రవితో యుతి మొదలైన విషయాల్ని పరిగణలోకి తీసుకుంటే ముఖ్యంగా ఆందోళనను, వత్తిడి అధిగమించాలి. కొత్త అగ్రిమెంట్స్ సైన్ చేసేటప్పుడు, వారసత్వపు ఆస్తులు, ఆకస్మిక ఖర్చులు మొదలైన విషయాలలో  స్నేహ సంబంధాల విషయంలోనూ ప్రయాణాలలోనూ, నూతన పరిచయాలలోనూ, మధ్యవర్తిత్వంలోనూ, హడావిడి నిర్ణయాలని అధిగమిస్తూ ముందుకు వెళ్లాలి. మిత్రుల సహకారంతో నూతన అవకాశాలు, ప్రారంభాలు ఆలోచనలు చేస్తారు. ముఖ్య ప్రయాణాలు, అగ్రిమెంట్లు వాయిదా పడిన టెన్షన్ పడకూడదు. వారం మధ్యలో దూర ప్రయాణాలు, పెద్దల సహకారం, ఉన్నత విద్య అంశాలు అనుకూలంగా ఉంటాయి. వ్యక్తిగత శ్రద్ధ పెరుగుతుంది. భాగస్వామ్య వ్యవహారాల గురించి గట్టి నిర్ణయాలు తీసుకుంటారు. చివరిలో దూర ప్రదేశాల్లో వృత్తి కొరకు అవకాశాలు లభ్యమవుతాయి అవి ఆనందాన్ని ఇస్తాయి. అయినప్పటికీ కుటుంబ విషయాలకి అధిక ప్రాధాన్యత ఇచ్చి ఆలోచనలు చేస్తారు. ఎదురుచూసిన విషయాల్లో కొంత మంచి ఫలితాలు ఆనందాన్నిస్తాయి. మరిన్ని మంచి ఫలితాల కొరకు సత్యనారాయణ స్వామి ఆరాధన మంచిది.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం)  (నామ నక్షత్రములు: మా, మీ, మూ, మే, మో, టా, టీ, టూ, టే)వారం ప్రారంభం నుంచి చివరి వరకు వ్యయ ధిపతి అయిన చంద్రుడు సప్తమ, అష్టమ, నవమ, దశమ స్థానముల మీదుగా ప్రయాణిస్తాడు. వ్యయ స్థానములో ఉచ్చలో పంచమ అష్టమాధిపతి గురుడు, చతుర్దములో స్వచ్ఛ క్షేత్రములో కుజుడు, బుధుని తో యుతి.  స్వక్షేత్ర శుక్రునితో, తృతీయములో రవి యుతి. ఫలితంశ ములు గమనించగాగుర్తింపు గౌరవం పెరుగుతుంది, ఆర్థిక విషయాలు మాట విలువ అనుకూలంగా ఉంటాయి, వృత్తి పరంగా అభివృద్ధి పరంగా ఉంటుంది, భాగస్వామ్య వ్యవహారాలు, ఆర్థిక అంశాలలో వ్యాపార వ్యవహారాలు మీకు అనుకూలంగా ఉంటాయి. ముఖ్యమైన విషయాల మీద పై చేయి అవుతుంది. వారం మధ్యలో వాగ్దానాలు చేస్తే ఇప్పుడు జాగ్రత్తగా ఉండాలి ముఖ్యమైన విషయాలలో జాగ్రత్తతో నిర్ణయాలు తీసుకోవాలి. రావలసిన ధనము సమయానికి అందకపోవడం వల్ల ప్రశాంతత తక్కువగా ఉంటుంది. వారం చివరిలో విద్యాపరంగా విదేశీ వ్యవహారాల్లోనూ, వృత్తిపరంగా దూర ప్రయాణాలకు అవకాశం. తండ్రి ఆరోగ్య శ్రద్ధ తీసుకుంటారు. వ్యక్తిగత వైద్య విషయాలలో నిర్లక్ష్యము తగదు. కమ్యూనికేషన్ విషయాలలో తగిన శ్రద్ధ తీసుకోవాలి. వృత్తిలో వ్యక్తుల సహకారం మిశ్రమం. వెంకటేశ్వర స్వామి ఆరాధన మంచి ఫలితాలు ఇస్తుంది

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)ప్రారంభం నుంచి చివరి వరకు లాభాధిపతి అయిన చంద్రుడు షష్ఠ సప్తమ  అష్టమ నవమ స్థానముల మీదుగా ప్రయాణం.లాభ స్థానంలో చతుర్ధ సప్తమాధిపతి అయిన గురుడు ఉచ్చ స్థాన స్థితి. తృతీయంలో స్వక్షేత్రంలో కుజుడు, బుధుని యుతి. స్వక్షేత్ర శుక్రునితో, ద్వితీయంలో రవి యుతి. ఫలితంశ ములు గమనించగా మొదలైన విషయాలు పరిశీలించగా  బంధు వర్గంతో అభిప్రాయ బేధాలు రాకుండా జాగ్రత్తగా ఉండాలి ఆరోగ్యమునకు సంబంధించిన ఖర్చులు అధికంగా ఉంటాయి మీ నిత్యజీవితంలో మీయొక్క దినచర్యలో మార్పులు చేసుకోవడానికి శ్రద్ధ చూపిస్తారు మానసిక ఆరోగ్యం పెంపొందించుకునే విధంగా కృషి చేస్తారు యోగా మెడిటేషన్ మొదలైన వాటి మీద శ్రద్ధ తీసుకుంటారు మీకు మానసిక ప్రశాంతతను చేకూరిస్తాయి. వారం మధ్యలో స్నేహ సంబంధాల విషయంలో శ్రద్ధ చూపిస్తారు. ముఖ్యమైన కార్యక్రమాలు సమయానికి పూర్తి చేసుకోవడానికి ఆరాట పడతారు. సంఘంలో గుర్తింపు గౌరవం, మాట విలువ మీ సహాయ సహకారాల కొరకు తమ అవసరం కోసం వ్యక్తులు మిమ్మల్ని కలుస్తారు. జీవిత భాగస్వామితో సంతానంతో కలిపి ఆధ్యాత్మిక ప్రదేశాలు సందర్శన ఆనందాన్నిస్తుంది. వారం చివర్లో ఆరోగ్య, మానసిక ప్రశాంతతను పెంపొందించుకునే విషయాల్లోనూ, అనవసరమైన వ్య్యయములను తగ్గించుకునే అంశాలలో తగిన శ్రద్ధ తీసుకోవాలి. సంతానంతో విభేదాలకు దూరంగా ఉండాలి వృత్తిపరమైన విషయాలు మీద ఘర్షణ. ముఖ్యంగా సోదర వర్గంతో చర్చలు చేసేటప్పుడు కమ్యూనికేషన్ గ్యాప్ రాకుండా జాగ్రత్త పడాలి. సుబ్రహ్మణ్యేశ్వర స్వామి ఆరాధన మంచిది.

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

వారము ప్రారంభము నుంచి చివరి వరకు రాజ్యాధిపతి అయిన చంద్రుడు పంచమ షష్ఠ సప్తమ అష్టమ స్థానములమీదుగా ప్రయాణము, తృతీయ షష్ఠాధిపతి అయిన గురుడు ఉచ్ఛరాశి అయిన కర్కాటకంలో, ద్వితీయంలో స్వక్షేత్రస్థిత కుజ, బుధుని యుతి. స్వక్షేత్ర శుక్రుడు, రాశిలో రవితో యుతి. మొదలైన విషయాలలో గమనించగా సంతాన సంబంధమైన విషయాల కొరకు ఉపాసనని పెంచుకునే దిశగా ఖర్చులు అధికంగా ఉంటాయి అవి మానసిక ప్రశాంతతను పెంపొందించే విధంగా ఉంటాయి దీర్ఘకాలిక పెట్టుబడుల కొరకు ఆలోచనలు చేస్తారు. లాటరీలు మొదలైన వాటి మీద ఆసక్తి ఉన్నప్పటికీ తగిన జాగ్రత్తలు తీసుకోవాల్సిన అవసరం ఉంది. ఇష్ట పడిన వ్యక్తుల కొరకు విందు వినోదాల కొరకు, ఆధ్యాత్మిక ఆలోచనల కొరకు ధనాన్ని ఖర్చు చేస్తారు. వారము మధ్యలో పూర్వ  రుణములు తీరుస్తారు, న్యాయ సంబంధమైన అంశములు ఆరోగ్య విషయాలు శ్రద్ధ. నిత్య జీవిత కార్యక్రమాలు లో మార్పులు చేసుకుంటారు దినచర్యలో. వారం చివరిలో భూ సంబంధమైన అంశాలు కొనుగోలు, అమ్మకాలు మొదలైన విషయాలలో నూతన వ్యక్తులను నమ్మడం గానీ, తొందరపాటు నిర్ణయాలు తీసుకోవడం గానీ కొంత జాగ్రత్త తీసుకోవాలి. విదేశీ వ్యవహారాలు దూర ప్రదేశాలలో విస్తరణ, భాగస్వామ్య వ్యాపారాల కొరకు ఆలోచనలు అధికం చేస్తారు. అనవసర వ్యయాలకి, జీవిత భాగస్వామితో మాటలతో ఘర్షణ, ఇగో సమస్యలతో అభిప్రాయ బేధాలు రాకుండా జాగ్రత్త అవసరం. ముఖ్యులకు మీ సహకారాన్ని అందిస్తారు. ఆకర్షణీయంగా మాట్లాడి పనులు చక్కగా నెరవేర్చుకుంటారు. సూర్యనారాయణ స్వామి ఆరాధన మంచిది.

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   

వారం ప్రారంభం నుంచి చివరి వరకు భాగ్యాధిపతి అయిన చంద్రుడు చతుర్ధ పంచమ షష్ఠ సప్తమ స్థానముల మీదుగా ప్రయాణం.నవమ స్థానంలో  ద్వితీయ పంచమాధిపతి అయిన గురుడు, స్వక్షేత్రమైన జన్మరాశిలోనే కుజుడు, బుధునితో యుతి, వ్యయస్థానంలో స్వక్షేత్ర శుక్రునితో, రవి యుతి. ఫలితంశములు గమనించగా విద్యాపరమైన విషయాలు గృహ వాహన విషయాలు తగిన శ్రద్ధ అవసరం. ముఖ్యంగా డ్రైవింగ్ చేసేవారు వాహనాల విషయంలో తగు జాగ్రత్తలతో ముందుకు వెళ్లాలి, సంతానం యొక్క అభివృద్ధి, విందు వినోదాలు, ఆత్మీయ వ్యక్తుల కలయిక, ఉపాసన మొదలైన విషయాలు మీకు ఆనందాన్ని స్థాయి. బంధు వర్గంతో ఆనందంగా గడుపుతారు. భాగస్వామి యొక్క అభివృద్ధి మీకు ఆనందాన్నిస్తుంది వారితో అభిప్రాయ భేదాలు ఏమన్నా ఉన్నా తొలగిపోతాయి ప్రియమైన వ్యక్తులతో ఒక చక్కని నిర్ణయానికి వస్తారు. వారం చివరిలో ఇంతకుముందు మీ దగ్గర రుణములు తీసుకున్న వారి చెల్లిస్తారు, శత్రు రోగ ము లపై విజయం సాధిస్తారు. వృత్తిపరమైన విషయాలలో ప్రత్యర్థులన్ని ఓడించి శ్రమతో ముందుకు వెళతారు. భాగస్వామి యొక్క సహకారం ఆనందాన్నిస్తుంది. కృషితో శ్రమతో అనుకున్న పనులు సాధిస్తూ ముందుకు దూసుకుపోతారు. రోగనిరోధక శక్తి పెంచుకుంటారు.స్నేహితుల యొక్క సహకారం బాగుంటుంది పోటీలలో నెగ్గుతారు. ప్రత్యర్థుల మీద విజయం సాధిస్తారు. నరసింహ స్వామిఆరాధన మంచిది.

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ  పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

ప్రారంభం నుంచి చివరి వరకు అష్టమాధి పతి అయిన చంద్రుడు తృతీయ చతుర్ధ పంచమ షష్ఠ స్థానముల మీదుగా ప్రయాణం, అష్టమ స్థానంలో లగ్న, చతుర్ధాధిపతి అయిన గురుడు ఉచ్చలో కర్కాటక రాశి. వ్యయ స్థానములో స్వక్షేత్ర కుజుడు,బుధుని తో యుతి. లాభ స్థానంలో స్వక్షేత్ర  శుక్రునితో, రవి యుతి. ఫలితాంశములు గమనించగా వీలైనంతవరకు పరిచయం లేని వ్యక్తులతో ఘర్షణ,  ప్రయాణాలు చేసేటప్పుడు అప్రమత్తంగా ఉండాలి.వృత్తి ప్రదేశాలలో తోటి వ్యక్తుల యొక్క సహకారాన్ని కోరకుండా  పనులు  సాధించుకోవడానికి  వ్యక్తిగతంగా మీరు చేసే ప్రయత్నాల వల్ల మీ యొక్క గౌరవం విలువలు పెరుగుతాయి. తమ సహకారం తీసుకోనందుకు ఆత్మీయులైన వ్యక్తులకి కొంత కినుక వహించే అవకాశం ఉంది. మీ శక్తి సామర్థ్యాలతో అనుకున్న పనులు అనుకున్న సమయానికి పూర్తి చేయడానికి వృత్తిపరంగా విశేషంగా కృషి చేస్తూ ముందుకు వెళతారు. స్థిర నిర్ణయాలు, దగ్గర ప్రయాణాలు, వృత్తిపరమైన విషయాలలో పనులు సాధన. వారం మధ్యలో గృహ వాహన కొనుగోలు కొరకు లోన్లు తీసుకోవడానికి ప్రయత్నం చేస్తారు, విద్యాపరమైన విషయాలలో రాత నైపుణ్యాలు పెంచుకోవాలి. గృహ సౌఖ్యం లో కొంత ఘర్షణాత్మకంగా ఉంటుంది. వారం చివరిలో ఆత్మీయులైన వ్యక్తులతో మాట్లాడేటప్పుడు, ఆర్థిక అంశాలు చర్చగా ఉంటుంది. తండ్రి పెద్దల సహకారంతో, సమయస్ఫూర్తితో, ఆర్థిక విషయాలలో సమస్యలను అధిగమిస్తూ ముందుకెళ్తారు. మానసిక ఆందోళనను అనవసర ఆలోచనలను అధిగమించాలి. సంతాన వర్గం అభివృద్ధి కొరకు, భాగస్వామి ఆరోగ్యరీత్యా  ధనాన్ని ఖర్చు చేస్తారు. మంచి ఫలితాల కొరకు విష్ణు సహస్రనామాలు మేలు.

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2  పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

వారం ప్రారంభం నుంచి చివరి వరకు సప్తమాధిపతి అయిన చంద్రుడు  ద్వితీయ తృతీయ చతుర్ధ  పంచమ రాశుల యందు సంచారం, తృతీయ వ్యయాధిపతి అయిన గురుడు సప్తమములు కర్కాటక రాశిలో ఉచ్చ. లాభ స్థానంలో స్వక్షేత్రంలో కుజుడు  బుధునితో యుతి. రాజ్యస్థానంలో స్వక్షేత్ర శుక్రునితో, రవి యుతి. ఫలితాంశ ములు గమనించగా ఆర్థిక విషయాలు అనుకూలంగా ఉంటాయి, మాట గౌరవాన్ని పెంపొందించుకునే ముందుకు వెళ్లాలి. విద్యా విషయాలు, దూర ప్రయాణాలు, తండ్రి పెద్దల సహకారం మొదలైన విషయాలలో మాటల వల్ల గౌరవం తగ్గకుండా చూసుకోవాలి, వారం మధ్యలో వ్యక్తుల సహకారం బావుంటుంది, స్థిర నిర్ణయాలు నూతన విషయాలు, శక్తి సామర్థ్యాలను కూడా పెంపొందించుకుంటూ ముందుకు వెళతారు. దగ్గర ప్రయాణాలకు అవకాశం. ముఖ్యంగా కుటుంబముతో కలిసి ఆధ్యాత్మిక ప్రయాణాలు ఆకస్మికంగా ఉంటాయి. వారం చివరిలో పంతం పౌరుషం పెరుగుతాయి, వారసత్వపు ఆస్తుల ఆలోచనలు అధికం చేస్తారు. గృహ సౌఖ్యం కొంత తక్కువగా ఉంటుంది. డ్రైవింగ్ చేసేవారు, ముఖ్యంగా స్థిరాస్తులని నిర్ణయించుకునే ముందు ఆచితూచి వ్యవహరిస్తూ ముందుకు వెళ్లాలి. అయినప్పటికీ స్వ శక్తితో అన్నిటా లాభాలతో ముందుకు పెడతారు. మంచి ఫలితముల కొరకు ఆదిత్య హృదయ పారాయణ, శ్రవణం మంచిది.

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3  పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

వారం ప్రారంభం నుంచి చివరి వరకు షష్ఠాధిపతి అయిన చంద్రుడు  జన్మరాశి, ద్వితీయ, తృతీయ చతుర్ధ రాసులలో సంచారం, లాభాధిపతి ద్వితీయాధిపతి అయిన గురుడు షష్ఠ స్థానంలో, స్వక్షేత్రమైన వృశ్చికంలో రాజ్య స్థానకుజుడు,బుధుని తో యుతి. భాగ్య స్థానంలో స్వక్షేత్ర స్వక్షేత్ర శుక్రునితో, రవి యుతి ఫలితాంశములు గమనించగాఆరోగ్య విషయంలో తగిన శ్రద్ధ తీసుకుంటారు అనవసరమైన ఖర్చులను నియంత్రించాలి. విద్యాపరంగా అభివృద్ధి కొరకు ప్రయత్నాలు చేస్తారు. మాటల వల్ల కుటుంబ సభ్యులతో ఘర్షణ రాకుండా జాగ్రత్త వహించాలి. గౌరవాన్ని పెంపొందించుకునే దిశగా కృషి చేస్తూ గృహ వాహన సౌఖ్యాల కొరకు ఖర్చులు అధిక చేస్తారు. శ్రమ అధికంగా ఉంటుంది. పాత ఇంటిని రిపేరు చేయడం కొరకు ప్రయత్నం చేస్తారు. విద్యాపరంగా నూతన విషయాలు తెలుసుకుంటారు. ఆధ్యాత్మిక వ్యక్తుల కలయిక ఆనందాన్నిస్తుంది. ఆ కస్మికంగా సమయానికి ధనం అందుబాటు అవ్వడం వల్ల కుటుంబంలో వాతావరణం అనుకూలంగా ఉంటుంది. గౌరవాన్ని పెంపొందించుకోట కొరకు ధనాన్ని అధికంగా ఖర్చు చేయడం వల్ల బంధుమిత్రులలో పెద్ద మనిషిగా గౌరవం పొందుతారు. వారం చివరిలో పరాక్రమం పెరుగుతుంది అయినప్పటికీ ముఖ్య లతో వాగ్వాదాలకు దూరంగా ఉండాలి. సంతాన సంబంధమైన విషయాలలో, దీర్ఘకాలికి పెట్టుబడులు వ్యవసాయ భూముల కొరకు ఆత్మీయులతో చర్చించి కొనుగోలు కొరకు ప్రయత్నాలు చేస్తారు. వృత్తి చేసే ప్రదేశాలలో వ్యక్తులతో సహకారం బాగుంటుంది., కమ్యూనికేషన్ అనుకూలం. మంచి ఫలితాల కొరకు హనుమాన్ చాలీసా పారాయణం మంచిది.

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

వారం ప్రారంభం నుంచి పంచమాధిపతి అయిన చంద్రుడు వ్యయ, జన్మ, ద్వితీయ, తృతీయ స్థానముల మీదుగా సంచారము. లగ్న రాజ్యాధిపతి అయిన గురుడు  ఉచ్ఛ రాసి అయిన కర్కాటకములో పంచమ స్థానములో. భాగ్యాధిపతి అయిన కుజుడు స్వక్షేత్రములో, బుధునితో యుతి. అష్టమ స్థానంలో స్వక్షేత్ర శుక్రునితో, రవి యుతి.ఫలితాంశములు గమనించగా జీవిత భాగస్వామి ఆరోగ్యం కొరకు, లేదా ఆనందము షాపింగ్ కొరకు ఖర్చులు అధికం చేస్తారు. సంఘంలో గుర్తింపు గౌరవం పలుకుబడి పెరుగుతాయి. సహోదరులకు ధనాన్ని ఖర్చు చేయడం వల్ల  ఆత్మీయతను అభిమానాలను పెంపొందించుకుంటారు. జీవిత భాగ స్వామితో కలసి దూర ప్రయాణాలు విదేశీ వ్యవహారాల కొరకు చర్చలు అవకాశాలు. వారం మధ్యలో కీర్తి ప్రతిష్టలు పెరుగుతాయి, వృత్తిలో నిర్ణయాలు బావుంటాయి. వ్యక్తిగత శ్రద్ధ పెరుగుతుంది జీవిత భాగస్వామి సహకారం బాగుంటుంది.. వారం చివరిలో ఆర్థిక, భూ సంబంధ, వాహన అంశాలు అత్తమామలతో అనుకూలతలు. అయినప్పటికీ సభ్యులతో కమ్యూనికేషన్ గ్యాప్ రాకుండా జాగ్రత్తపడాలి. ఉద్వేగాలను అధిగమించాలి. తోబుట్టువులతో దీర్ఘకాలిక చర్చలు. మంచి ఫలితాల కొరకు దత్తాత్రేయ ఆరాధన మంచిది.

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే  రాశి   ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani

జ్యోతిష్యము & వాస్తు నిపుణురాలు / Astrology & Vaastu Consultant

email : padma.suryapaper@gmail.com

www.padmamukhi.com