వైసీపీ కార్యాలయంపై దాడి, హిందూపురం చరిత్రలోనే మాయని మచ్చ
Andhra Pradesh Telugu | Suryaa Desk | Published : Sun, Nov 16, 2025, 02:59 PM
శ్రీ సత్యసాయి జిల్లా హిందూపురంలో వైయస్ఆర్సీపీ కార్యాలయంపై టీడీపీ నేతలు దాడి చేసి, మొత్తం విధ్వంసం చేసిన ఘటనను వైసీపీ నాయకుడు వేణుగోపాల్ రెడ్డి అన్నారు. దళితులంటే టీడీపీకి చులకన అని, హిందూపురం చరిత్రలోనే ఇలాంటి ఘటన చోటు చేసుకోలేదని, ఆ స్థాయిలో టీడీపీ గుండాలు వ్యవహరించారని వైయస్ఆర్సీపీనాయకుడు వేణురెడ్డి వెల్లడించారు. ఇది కచ్చితంగా హిందూపురం వాసుల మనోభావాలు దెబ్బ తీయడమే అని ఆయన స్పష్టం చేశారు. అయన మాట్లాడుతూ... మా పార్టీ కార్యాలయంపై జరిగిన దాడి హిందూపురం చరిత్రలోనే మాయని మచ్చ. వాస్తవానికి ఇలాంటి సంస్కృతి హిందూపురం వాసులది కాదు. ఎక్కడి నుంచో ఇక్కడికి వచ్చిన వారు ఇలాంటి సమస్యలు సృష్టిస్తున్నారు. ఆ విధంగా ఇక్కడి ప్రజల మనోభావాలు దెబ్బ తీస్తున్నారు. ఇది పూర్తిగా పిరికిపందల చరిత్ర. మెడికల్ కళాశాలల ప్రైవేటీకరణ చర్యలపై వైయస్ఆర్సీపీ నిర్వహించిన నిరసన ర్యాలీ విజయవంతం కావడంతో ఓర్చుకోలేని ఎమ్మెల్యే బాలకృష్ణ, ఇక్కడికి వచ్చి ఒక రిసార్ట్లో కూర్చుని, తన మనుషులను రెచ్చగొట్టి ఈ దాడి చేయించాడు. బాలకృష్ణకు చేతనైతే నైతికతతో కూడిన రాజకీయాలు చేయాలి తప్ప, ఇలాంటి దుశ్చర్యలు కాదు అని హెచ్చరించారు.
|
|