"ఉగ్రబట్టి కేవ్ నిజం బయటపడింది! ‘వారణాసి’ టీమ్ చూపించిన గ్లింప్స్‌కు నెట్‌లో జలదరింపు"

మహేష్ బాబు (Superstar Mahesh Babu), రాజమౌళి (SS Rajamouli) కాంబినేషన్‌లో రూపొందుతున్న ‘వారణాసి’ (Varanasi Movie) సినిమాపై అంచనాలు ఒక్కసారిగా ఎవరూ ఊహించనంత స్థాయికి చేరిపోయాయి.నిన్న రామోజీ ఫిల్మ్‌సిటీలో అట్టహాసంగా జరిగిన #Globetrotter ఈవెంట్‌లో వేలాది మంది అభిమానుల మధ్య విడుదల చేసిన ‘ది వరల్డ్ ఆఫ్ వారణాసి’ వీడియో ప్రేక్షకుల్లో రోమాలు నిక్కపొడుచుకునేలా చేసింది. ఆ వీడియోలో కనిపించిన విజువల్స్‌ అన్నీ AI ఆధారంగా సృష్టించబడినవే. రాజమౌళి ఈ సినిమా ఎలా ఉండబోతుందనే తన విజన్‌ను ప్రేక్షకులకు ముందుగానే చూపించాలనుకుని ఈ కాన్సెప్ట్ వీడియోను రూపొందించినట్టు స్పష్టమవుతోంది. ఆయన ఊహకు తగిన విధంగా వీటికి వెండితెరపై ప్రాణం వస్తే, మరొక అద్భుతాన్ని చూసినట్లే అనిపిస్తుంది.ఈ గ్లింప్స్‌లో ప్రత్యేకంగా ఆకట్టుకున్న ప్రదేశాల్లో ‘ఉగ్రబట్టి కేవ్’ ఒక్కటి. ఇక్కడ కొలువై ఉండేది చిన్నమస్తా దేవి. భయంకరంగా కనిపించే రూపం ఉన్నప్పటికీ, ఆమెను కారణమూర్తిగా భావిస్తారు. ‘చిన్న’ అంటే ఖండించబడిన, ‘మస్తా’ అంటే శిరస్సు. అందుకే తలను తానే ఖండించుకున్న రూపంలో ఉండే ఈ అమ్మవారిని చిన్నమస్తా దేవి అని పిలుస్తారు. ఎడమ చేతిలో తన తలను, కుడి చేతిలో ఖడ్గాన్ని పట్టుకుని ఉంటారు. ముండెమాలను ధరించి, ఒక పెద్ద నాగును జంజ్యంగా వేసుకుని కనిపిస్తారు.ఆమె మెడ నుంచి మూడు రక్తధారలు ప్రవహిస్తాయి—మధ్యధారను ఆమె స్వయంగా తన ఖండిత శిరస్సుతో పానం చేస్తుంది. మిగిలిన రెండు రక్తధారలను జయ (డాకిని), విజయ (వర్ణిని) తాగుతారని అంటారు. ఈ ఇతివృత్తం మొత్తం భయానకంగా, రోమాంచకంగా ఉండటంతో, దీనిపై ప్రత్యేక కథనాలు యూట్యూబ్ & గూగుల్‌లో విరివిగా ఉన్నాయి.సినిమాలో ఈ కేవ్‌ను ఎంతవరకు చూపిస్తారో తెలియదు, కానీ రాజమౌళి స్థాయిని దృష్టిలో పెడితే భారీ స్థాయి రీసెర్చ్ చేసినట్టే తెలుస్తోంది. ముఖ్యంగా దేవుడి మీద నమ్మకం లేదని స్పష్టంగా చెప్పిన ఆయన, ఇప్పుడు పూర్తిగా ఆధ్యాత్మికతను ఆవిష్కరిస్తూ సినిమా చేయడం ఆసక్తికర మార్పు. గ్లింప్స్‌లో కనిపించిన రామాయణ visuals ఇండియన్ సినిమా శతాబ్ద చరిత్రలో చాలా అరుదైనవి. ఆ దృశ్యాలు వెండితెరపై ఎలా అనిపిస్తాయో ఊహించుకోవడం కూడా రోమాంచంగా ఉంది.