కేవలం రూ. 20 వేలకే..ఓఎల్ఎక్స్‌లో తహసీల్దార్ ఆఫీసు

సెకండ్ హ్యాండ్ వస్తువులను అమ్మేందుకు.. కొనేందుకు ఓఎల్ఎక్స్ అనే వెబ్‌సైట్ ఉంది. అందులో ఎదైనా అమ్మాలనుకుంటే దాని ఫొటో తీసి.. వివరాలు నమోదు చేయాలి. దానికి తగిన ధర కూడా అక్కడ చెప్పాలి. అయితే ప్రకాశం జిల్లాలో విచిత్రమైన ఘటన జరిగింది. ఏకంగా గిద్దలూరు ఎమ్మార్వో కార్యాలయాన్నే.. ఓఎల్ఎక్స్‌లో అమ్మకానికి పెట్టారు. ఇక దాని ధరను రూ. 20 వేలుగా నిర్ణయించారు. ఇక్కడ ట్విస్ట్ ఏంటంటే.. దాన్ని అమ్మకానికి పెట్టారని అధికారులకే తెలీదు. ఈ విషయం తెలిసి అధికారులు కంగుతిన్నారు. అనంతరం విచారణకు ఆదేశించారు.

గిద్దలూరు ఎమ్మార్వో ఆఫీసును ఓఎల్ఎక్స్‌లో అమ్మకానికి పెట్టాడు ఓ ఆకతాయి. అది కూడా కేవలం రూ. 20 వేలకే అని పోస్ట్ చేశాడు. అయితే దీనికి సంబంధించిన పోస్టు సోషల్ మీడియాలో వైరల్ అయింది. చివరికి ఈ విషయం గిద్దలూరు ఎమ్మార్వో దృష్టికి వెళ్లింది. దీంతో కంగుతున్న తలశీల్దార్ (mro office in olx)... వెంటనే పోలీసులకు ఫిర్యాదు చేశారు. ఎమ్మార్వో ఫిర్యాదు మేరకు కేసు నమోదు చేసకున్న పోలీసులు దర్యాప్తు చేపట్టారు. ఇలా పోస్టు పెట్టిన నిందితుడిని పట్టుకోవడానికి గాలింపు చర్యలు చేపట్టారు.

ఓఎల్ఎక్స్‌లో ప్రభుత్వ భూములు..

ఇలాంటి ఘటనలు ఇంతకుముందు కూడా జరిగాయి. హైదరాబాద్ శివారులో కొందరు భూ కబ్జాదారులు.. తక్కువ రేటుకే భూములు అంటూ ఓఎల్ఎక్స్‌లో ఫొటో, భూమి కొలతలు, జీపీఎస్ ఫొటోలతో సహా ప్రకటన ఇచ్చారు. భూమి కావాలంటే ఈ నంబర్ల కాల్ చేయాలంటూ.. ప్రకటన ఇచ్చారు. అయితే ప్రకటనకు చూసిన వారంతా భూములను ఇలా కూడా అమ్ముతారా అంటూ ఆశ్చర్యపోయారు. తర్వాత పలువురు స్థానిక రాజకీయ నేతల ఫిర్యాదుతో దర్యాప్తు ప్రారంభించారు.

ఈ ఏడాది జూన్‌లో బ్రిటన్‌కు చెందిన శక్తిమంతమైన ఫైటర్‌ జెట్‌ ఎఫ్‌-35బి విమానం.. కొన్ని రోజుల పాటు కేరళలోని తిరువనంతపురం ఎయిర్‌పోర్టులో నిలిచిపోయింది. మొరాయించిన కారణంగా అక్కడి నుంచి కదల్లేకపోయింది. దీనికి మరమ్మతులు సాధ్యం కావని.. ఎయిర్ లిఫ్ట్ చేసి తీసకెళ్లాలని బ్రిటన్ నిపుణులు భావించినట్లు వార్తలు వచ్చాయి. కాగా, ఫైటర్ జెట్ ఎయిర్‌పోర్టులో నిలిచిపోయిన సమయంలో నెటిజన్లు విపరీతంగా ట్రోల్ చేశారు. అందులో భాగంగా కొందరు ఈ ఎఫ్-35 ఫైటర్ జెట్ పొటోలు.. ఓఎల్ఎక్స్‌లో పెట్టారు. దాదాపు రూ. 1000 కోట్ల యుద్ధ విమానాన్ని రూ. 35 కోట్లకు అమ్ముతున్నట్లు పెట్టిన పోస్టు స్క్రీన్‌షాట్‌.. సోషల్ మీడియాలో వైరల్ అయింది.