“అసాధ్యం అనేది లేదు.. హనుమంతుని అనుగ్రహం ఉంటే!”
Bhakthi | Suryaa Desk | Published : Tue, Nov 25, 2025, 12:34 PM
హనుమాన్ చాలీసాలోని ఈ అద్భుతమైన చరణం – “దుర్గమ కాజ జగత కే జేతే, సుగమ అనుగ్రహ తుమ్హరే తేతే” – మనకు ఒక శక్తివంతమైన సందేశాన్ని ఇస్తుంది. ప్రపంచంలో ఎంతటి కష్టమైన పనైనా సరే, ఆంజనేయుడి కృప కలిసి వస్తే అది సులభంగా పూర్తవుతుందని ఈ లైన్ చెబుతోంది. ఇది కేవలం భక్తి పాట కాదు, జీవిత ధృక్పథాన్ని చూపే మంత్రం లాంటిది.
ఎన్ని పెద్ద అడ్డంకులు ఎదురైనా, ఎంత భారీ సవాళ్లు వచ్చినా మనకు అసాధ్యంగా కనిపించే వాటిని కూడా ధైర్యంగా ఎదుర్కొనే శక్తి హనుమంతుడి నుంచి వస్తుంది. రామాయణంలో సముద్రాన్ని దాటడం, లంకను చేరడం, సీతమ్మను కనుగొనడం… ఇవన్నీ హనుమంతుడికి అసాధ్యాలు కావు. ఎందుకంటే ఆయనకు రాముడిపై అచంచలమైన భక్తి, ఆత్మవిశ్వాసం ఉన్నాయి. మనకూ అదే రెండు ఆయుధాలు సరిపోతాయి.
మన జీవితంలో ఉద్యోగం రాకపోవడం, ఆర్థిక ఇబ్బందులు, ఆరోగ్య సమస్యలు, సంబంధాలలో గందరగోళం – ఇవన్నీ ఒక్కోసారి పర్వతం లాగా కనిపిస్తాయి. కానీ ఆ సమయంలో హనుమంతుడి పాదాల చెంత నిలబడి, “నీ అనుగ్రహం తోడైతే ఏమీ దుర్లభం కాదు” అని నమ్మకంతో ముందుకు అడుగు వేస్తే… ఆ పర్వతాలు మట్టిగ్రుండాలుగా మారిపోతాయి.
|
|