'పుతిన్ రెడీ, జెలెన్‌స్కీయే సిద్ధంగా లేరు':,,,,ట్రంప్

రష్యా-ఉక్రెయిన్ మధ్య దీర్ఘకాలంగా కొనసాగుతున్న యుద్ధాన్ని ముగించేందుకు అగ్రరాజ్యం అమెరికా అధ్యక్షుడు డొనాల్డ్ ట్రంప్ ప్రతిపాదించిన శాంతి ఒప్పందంపై ఆయన సంచలన వ్యాఖ్యలు చేశారు. ఈ ప్రణాళికకు మాస్కో ఆమోదం తెలిపిందని.. అయితే కైవ్ మాత్రం ఇంకా అంగీకరించడానికి సిద్ధంగా లేదని ట్రంప్ తెలిపారు. ట్రంప్ ప్రతిపాదించిన ఈ శాంతి ప్రణాళికలో 28 అంశాల ముసాయిదా ప్రతిపాదన ఉంది. దీని ప్రకారం.. ఉక్రెయిన్ కొంత భూభాగాన్ని వదులుకోవాలి. అలాగే నాటో కూటమిలో చేరకూడదు. ఈ ప్రతిపాదనలు మాస్కో కీలక డిమాండ్లను నెరవేరుస్తున్నాయి.

"రష్యా, ఉక్రెయిన్ యుద్ధం కొంచెం సులభంగా ముగుస్తుందని నేను అనుకున్నాను. కానీ అది సులభం కావడం లేదు. మేము అధ్యక్షుడు పుతిన్‌తో, అలాగే అధ్యక్షుడు జెలెన్‌స్కీతో సహా ఉక్రెయిన్ నాయకులతో మాట్లాడాము. అధ్యక్షుడు జెలెన్‌స్కీ ఈ ప్రతిపాదనను ఇంకా చదవనందుకు నేను కొంచెం నిరాశ చెందాను" అని ట్రంప్ అన్నారు. రష్యా ఈ ప్రతిపాదనతో బాగానే ఉందని.. కానీ జెలెన్‌స్కీ దీనికి సిద్ధంగా ఉన్నారో లేదో నాకు కచ్చితంగా తెలియదని చెప్పారు. అతడి ప్రజలు దీన్ని ఇష్ట పడుతున్నారని.. కానీ ఆయన మాత్రం ఇందుకు సిద్ధంగా లేరని ట్రంప్ స్పష్టం చేశారు.

రష్యా-ఉక్రెయిన్ సంక్షోభాన్ని ముగించేందుకు తాను ప్రతిపాదించిన శాంతి ప్రణాళికపై అమెరికా అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. ఈ ప్రణాళికకు రష్యా అధ్యక్షుడు వ్లాదిమిర్ పుతిన్ తరపు నుంచి ఆమోదం లభించిందని, అయితే ఉక్రెయిన్ అధ్యక్షుడు వొలొదిమిర్ జెలెన్‌స్కీ మాత్రం ఇంకా సిద్ధంగా లేరని ట్రంప్ తెలిపారు. ఉక్రెయిన్ కొంత భూభాగాన్ని వదులుకోవాలని, నాటోలో చేరకూడదనే కీలక షరతులు ఉన్న 28 అంశాల ముసాయిదా ప్రతిపాదనకు రష్యా అంగీకరించింది. అయితే జెలెన్‌స్కీ ఈ ప్రతిపాదనను ఇంకా చదవకపోవడంనిరాశ కలిగించిందని ట్రంప్ పేర్కొన్నారు.

క్రెమ్లిన్‌లో కీలక చర్చలు..

గత వారం రష్యా అధ్యక్షుడు వ్లాదిమిర్ పుతిన్, యూఎస్ అధికారి స్టీవ్ విట్‌కాఫ్, ట్రంప్ అల్లుడు జారెడ్ కుష్నర్లతో క్రెమ్లిన్‌లో సమావేశం అయ్యారు. ఈ సందర్భంగా పుతిన్ యుద్ధాన్ని ముగించాలని కోరుకుంటున్నారనే అభిప్రాయాన్ని వారు వ్యక్తం చేశారని ట్రంప్ తెలిపారు. పుతిన్ విదేశీ వ్యవహారాల సలహాదారు యూరి ఉషాకోవ్ కూడా మంగళవారం జరిగిన ఈ చర్చలు సానుకూలంగా ఉన్నాయని, అయితే కొంత పని మిగిలి ఉందని పేర్కొన్నారు. గత నెలలో బహిర్గతమైన ఈ శాంతి ముసాయిదా ప్రతిపాదన రష్యాకు అనుకూలంగా ఉందని విమర్శలు ఎదుర్కొంది.

నాటోలో ఉక్రెయిన్ చేరకుండా నిరోధించడం, రష్యాను తిరిగి G8 కూటమిలో చేర్చడం వంటి మాస్కో డిమాండ్లను ఇది కలిగి ఉండడంతో ఉక్రెయిన్ అద్యక్షుడు జెలెన్‌స్కీ దీనికి ఒప్పుకోవడం లేదు. కానీ వీటిల్లో మరోసారి మార్పులు చేస్తామని.. ఇరు దేశాలకు అనుకూలంగా ఉండేలా చేస్తామని అధికారులు చెప్పారు.