చలికాలంలో ఫ్రిజ్లో ఈ కూరగాయల్ని పెట్టొద్దు, ఎందుకో తెలుసా
Recipes | Suryaa Desk | Published : Sat, Dec 13, 2025, 11:00 PM
ఈ రోజుల్లో ప్రతి ఒక్కరి ఉంట్లో దాదాపు ఫ్రిజ్ ఉంటుంది. ఆహారాన్ని ఎక్కువ కాలం తాజాగా ఉంచడానికి రిఫ్రిజిరేటర్ చాలా ముఖ్యం. మార్కెట్ నుంచి కూరగాయలు తెచ్చిన తర్వాత వాటిని తాజాదనాన్ని కాపాడటానికి రిఫ్రిజిరేటర్లో స్టోర్ చేస్తుంటారు. వేసవి అయినా శీతాకాలం అయినా సరే.. ప్రతి సీజన్లో కూరగాయల్ని నిల్వ చేస్తుంటారు.
ఇది తప్పు కానప్పటికీ మనం కూరగాయల్ని కాలానుగుణంగా నిల్వ చేయాలి. దీంతో వాటి పోషకాల్ని కోల్పోకుండా నిరోధించవచ్చు. అయితే, చలికాలంలో ఫ్రిజ్లో స్టోర్ చేయకూడని కొన్ని కూరగాయలు ఉన్నాయి. ఆ కూరగాయల్ని ఫ్రిజ్లో స్టోర్ చేయడం వల్ల వాటి లక్షణాలు మారతాయి. అవి ఆరోగ్యానికి డ్యామేజ్ చేస్తాయి. చలికాలంలో ఫ్రిజ్లో స్టోర్ చేయకూడని కూరగాయలేంటో ఇప్పుడు చుద్దాం.
టమాటాల్ని ఉంచకండి
టమాటాలు ప్రతి ఒక్క ఇంట్లో ఎక్కువ వాడే కూరగాయ. దాదాపు ప్రతి వంట్లో టమాటాల్ని వాడుతుంటారు. అందుకే మార్కెట్ నుంచి ఎక్కువ మోతాదులో ఇంటికి తెచ్చి నిల్వ చేస్తారు. అయితే, అవి కుళ్లిపోకుండా ఉండటానికి చాలా మంది రిఫ్రిజిరేటర్లో నిల్వ చేస్తారు.
అయితే, ఫ్రిజ్లో నిల్వ చేయకూడదని ఎక్స్పర్ట్ అంటున్నారు. టమాటాల్ని ఫ్రిజ్లో నిల్వ చేయడం వల్ల వాటి రుచి, ఆకృతి రెండూ పాడవుతాయి. అంతేకాకుండా టమాటాల్లో ఉండే యాంటీ ఆక్సిడెంట్లు కూడా నాశనం అవుతాయి. చలికాలంలో బయట ఉంచినా అవి వారం పాటు చెడిపోకుండా ఉంటాయి.
బంగాళదుంపల్ని ఉంచడం హానికరం
సీజన్ ఏదైనా సరే ప్రతి ఇంట్లో బంగాళాదుంపలు వంటకాల్లో ఉపయోగిస్తారు. బంగాళదుంపల్ని కూరగా మాత్రమే కాకుండా వెజ్ బిర్యానీ వంటి వాటిలో కూడా వాడతారు. అందుకే చాలా మంది ఎక్కువ మోతాదులో మార్కెట్ నుంచి కొనుగోలు చేసి ఫ్రిజ్లో నిల్వ చేస్తారు. ఇది ఆరోగ్యానికి ఏ మాత్రం మంచిది కాదు. బంగాళదుంపల్ని ఫ్రిజ్లో ఉంచడం వల్ల అవి మొలకెత్తడమే కాకుండా.. స్టార్చ్ కూడా చక్కెరగా మారుతుంది. ఇది డయాబెటిస్ రోగులతో పాటు, సాధారణ వ్యక్తులకు కూడా హాని జరుగుతుంది.
ఫ్రిజ్లో ఏం పెట్టకూడదు?
అల్లం కూడా ఫ్రిజ్లో వద్దు
చలికాలంలో అల్లం ఎక్కువగా వాడుతుంటారు. అల్లం టీ ఎక్కువగా తాగుతుంటారు. అంతేకాకుండా వంటల్లో కూడా అల్లాన్ని ఎక్కువగా వాడుతుటారు. ఇది ఆహార రుచిని పెంచడమే కాకుండా సహజ ఔషధంగా పనిచేస్తుంది. చాలా మంది అల్లాన్ని రిఫ్రిజిరేటర్లో స్టోర్ చేస్తారు. అయితే, అల్లాన్ని ఫ్రిజ్లో నిల్వ చేయకూడదంటున్నారు. అల్లాన్ని ఫ్రిజ్లో ఉంచడం వల్ల బూజు పడుతుంది. దీని వల్ల అది చెడిపోతుంది. ఇది కిడ్నీలు, కాలేయానికి హానికరం.
ఇవి కూడా ఫ్రిజ్లో పెట్టకూడదు
వెల్లుల్లి, ఉల్లిపాయలు కూడా వద్దు
వెల్లుల్లి, ఉల్లిపాయలు ఏ వంటకానికైనా అదిరిపోయే రుచిని అందిస్తాయి. అంతేకాకుండా వీటిలో ఔషధ గుణాలు ఉన్నాయి. దీంతో, వెల్లుల్లి, ఉల్లిపాయల్ని పెద్ద మొత్తంలో కొని ఇంట్లో నిల్వ చేస్తారు. ఎందుకంటే అవి త్వరగా చెడిపోవు. అయితే, వాటిని ఎప్పుడూ రిఫ్రిజిరేటర్లో స్టోర్ చేయకూడదు. వెల్లుల్లి, ఉల్లిపాయల్ని ఫ్రిజ్లో స్టోర్ చేయడం వల్ల అవి మొలకెత్తుతాయి. ఇది వాటి రుచిని నాశనం చేస్తుంది. అందుకే వాటిని ఎల్లప్పుడూ చల్లని, పొడి ప్రదేశంలో స్టోర్ చేయాలి.
ఆకుకూరలు నిల్వ చేసేటప్పుడు జాగ్రత్త
చాలా మంది ఆరోగ్యం కోసం ఆకుకూరలు తింటారు. శీతాకాలంలో ఆకుకూరలు తినడం వల్ల రోగనిరోధక శక్తి పెరుగుతుంది. అందుకే ఆకుకూరల్ని ఇంటికి ఎక్కువ తెచ్చుకుంటారు. ఆకుపచ్చ కూరగాయల్ని ఫ్రిజ్లో స్టోర్ చేసేటప్పుడు కొంత జాగ్రత్త అవసరం. ఆకుకూరల్ని పూర్తిగా కడిగిని తర్వాత.. దాదాపు 12 గంటలు మాత్రమే రిఫ్రిజిరేటర్ నిల్వ చేయాలని నిపుణులు సిఫార్సు చేస్తున్నారు. ఇంతకంటే ఎక్కువసేపు నిల్వ చేయడం వల్ల వాటి సహజ రుచి, ఆకృతి, పోషక విలువలపై ప్రతికూల ప్రభావం చూపుతుంది.
వీటిని కూడా నిల్వ చేయకూడదు
చలికాలంలో కాలీఫ్లవర్ను ఫ్రిజ్లో స్టోర్ చేయకూడదు. ఇలా చేయడం వల్ల అది వాడిపోతుంది. అంతేకాకుండా దాని పోషకాల్ని కోల్పోతుంది.
క్యారెట్ల్ని శీతాకాలంలో రిఫ్రిజిరేటర్లో నిల్వ చేయకూడదు. అలా చేయడం వల్ల అవి చాలా త్వరగా మెత్తబడతాయి. అంతేకాకుండా వాటి రుచి, తీపిదనం తగ్గుతుంది.
వీటితో పాటు తేనెను కూడా ఫ్రిజ్లో ఉంచకూడదు. తక్కువ ఉష్ణోగ్రతలు తేనె ఆకృతిని, సహజ రుచిని దెబ్బతీస్తాయి.
|
|