మారుతీ సుజుకీ బంపరాఫర్.. కార్లపై అదిరిపోయే డిస్కౌంట్లు

ఒకప్పటితో పోలిస్తే ఇప్పుడు కార్లు కొనుగోలు చేయాలనుకునే వారి సంఖ్య పెరుగుతోంది. సామాన్యులకు కూడా ధరలు అందుబాటులో ఉండటం ఇంకా.. అవసరాల రీత్యా వీటి సేల్స్ పెరుగుతున్నాయని చెప్పొచ్చు. ఈ క్రమంలోనే దిగ్గజ కార్ మేకర్స్.. పోటాపోటీగా జనం అభిరుచులకు తగ్గట్లుగా వేర్వేరు ఫీచర్లతో కొత్త కొత్త మోడళ్లను లాంఛ్ చేస్తూనే ఉన్నాయి. సెప్టెంబర్ నెలలో కేంద్రం చిన్న కార్లపై జీఎస్టీని అంతకుముందు 28 శాతంగా ఉండగా.. దీనిని 18 శాతానికి తీసుకొచ్చింది. ఇంకా సెస్ కూడా పూర్తిగా తొలగించింది. ఇంకా కొన్ని ప్రత్యేక సందర్భాల్లో స్పెషల్ డిస్కౌంట్స్ కూడా ప్రకటిస్తుంటాయి. దీంతో ధరలు ఇంకా తగ్గుతున్నాయి.

ఇప్పుడు 2025 సంవత్సరం ముగుస్తున్న నేపథ్యంలో.. హ్యుందాయ్, మారుతీ సుజుకీ వంటివి ధరల తగ్గింపుల్ని ప్రకటించాయి. మారుతీ సుజుకీ కొద్ది రోజుల కిందటే.. బాలెనో, స్విఫ్ట్, డిజైర్, ఎర్టిగా ఇలా వేర్వేరు మోడళ్లపై ధరల తగ్గింపుల్ని ప్రకటించగా.. ఇప్పుడు మారుతీ సుజుకీ గ్రాండ్ విటారా వేరియంట్లపై డిస్కౌంట్స్ ప్రకటించింది. ఇయర్ ఎండ్ ఆఫర్లో భాగంగా గరిష్ఠంగా రూ. 2.13 లక్షల వరకు డిస్కౌంట్లు అందిస్తోంది.

ఇందులో మిడ్ సైజ్ SUV పెట్రోల్, CNG, హైబ్రిడ్ వేరియంట్లు ఉన్నాయి. స్ట్రాంగ్ హైబ్రిడ్ వేరియంట్లపై ఎక్కువ డిస్కౌంట్ ఉంది. ఇక్కడ ఏడాది ముగుస్తున్న క్రమంలో సేల్స్ పెంచుకోవడం అదే విధంగా.. స్టాక్ ముగించుకోవడం వంటివాటి కోసం చూస్తోంది. ఈ డిస్కౌంట్లలో ఎక్స్చేంజ్ బోనస్, స్క్రాపేజ్ బోనస్, ఎక్స్‌టెండెడ్ వారెంటీ ఆఫర్స్ వంటివి ఉన్నాయి. ఈ ఇయర్ ఎండ్ బెనిఫిట్స్ డిసెంబర్ 31 వరకు అందుబాటులో ఉంటాయి.

స్ట్రాంగ్ హైబ్రిడ్ మోడల్‌కు సంబంధించి.. డెల్టా +, జీటా +, జీటా + (O), అల్ఫా +, అల్ఫా + (O) వేరియంట్లపై గరిష్ఠంగా రూ. 2.13 లక్షల్లో డిస్కౌంట్ ఉంది. ఇక్కడ రూ. 75 వేల క్యాష్ డిస్కౌంట్, రూ. 50 వేల ఎక్స్చేంజ్ బోనస్, రూ. 50 వేలు అప్‌గ్రేడ్ బోనస్, రూ. 65 వేలు స్క్రాపేజ్ బెనిఫిట్స్‌గా ఉన్నాయి. ఫ్రీ ఎక్స్‌టెండెడ్ వారెంటీ కింద రూ. 32,320 ఆఫర్ ఉంది. ఇంకా అదనంగా కార్పొరేట్, రూరల్ బెనిఫిట్స్ వర్తిస్తాయి.

సిగ్మా పెట్రోల్ వేరియంట్లపై గరిష్ఠంగా రూ. 1.51 లక్షల్లో డిస్కౌంట్ ఉంది. డెల్టా పెట్రోల్ వేరియంట్‌పై రూ. 1.38 లక్షల వరకు డిస్కౌంట్ ఉంది. జీటా పెట్రోల్, అల్ఫా పెట్రోల్, అల్ఫా O పెట్రోల్ వేరియంట్లపై రూ. 1.48 లక్షల వరకు తగ్గింపుల్ని ప్రకటించింది. ఆల్ గ్రిప్ వేరియంట్లపై రూ. 1.63 లక్షల వరకు డిస్కౌంట్లను ప్రకటించింది. CNG వేరియంట్‌పై రూ. 1.03 లక్షల వరకు తగ్గింపు ఉంది. మారుతీ సుజుకీ గ్రాండ్ విటారా ధరలు రూ. 10.77- 19.72 లక్షల వరకు (ఎక్స్- షోరూం ప్రైస్) ఉంది.