ఒక్కసారి కడితే జీవితాంతం బీమా.. కనీస పెట్టుబడి

భారతీయ జీవిత బీమా సంస్థ ఎల్ఐసీ ఇటీవలే ప్రకటించిన కొత్త పాలసీ వినియోగదారులు కొనుగోలు చేసేందుకు అందుబాటులోకి వచ్చింది. ఎల్ఐసీ జీవన్ ఉత్సవ్ సింగిల్ ప్రీమియం ప్లాన్ పేరుతో ఈ ప్లాన్ లాంచ్ చేసిన సంగతి తెలిసిందే. ఇందులో ఒక్కసారి ప్రీమియం చెల్లిస్తే జీవితాంతం రక్షణ లభిస్తుంది. అలాగే ఆదాయ మార్గంగానూ ఈ పాలసీ పని చేస్తుంది. నాన్- పార్టిసిపేట్, నాన్ లింక్డ్, సింగిల్ ప్రీమియం పాలసీ. ఈ పాలసీలో గ్యారెంటీ అడిషన్స్ సైతం ఉంటాయి. జనవరి 12, 2026 నుంచే అంటే ఈరోజు నుంచే యూజర్లకు అందుబాటులోకి వచ్చింది. ఈ పాలసీతో గ్యారంటీ లైఫ్ టైమ్ ఇన్‌కమ్, లైఫ్ టైమ్ రిస్క్ కవర్ ఉంటుందని ఎల్ఐసీ తెలిపింది.

ఎల్ఐసీ జీవన్ ఉత్సవ్ సింగిల్ ప్రీమియం ప్లాన్ 883 నంబర్‌ కలిగి ఉంది. ఈ ప్లాన్ యూనిక్ ఐడెంటిఫికేషన్ నంబర్ 512N392V01 అని కొనుగోలుదారులు గుర్తుంచుకోవాలి. ఈ పాలసీ కొనుగోలు చేసేందుకు కనీస వయసు 30 రోజులుగా నిర్ణయించారు. గరిష్ఠ వయసు 65 ఏళ్లుగా నిర్ణయించారు. ఈ పాలసీ కొనుగోలు చేసేందుకు కనీస బేసిక్ సమ్ అష్యూర్డ్ రూ.5 లక్షలుగా నిర్ణయించారు. అంటే దీనికి తగినట్లుగానే ప్రమీయం ఉంటుంది. గరిష్ఠ పరిమితి ఏమీ లేదు ఎంతైనా ఎంచుకోవచ్చు. మనం ఎంచుకున్న సమ్ అష్యూర్డ్ ఆధారంగానే ప్రీమియం మారుతుంటుంది. గ్యారెంటీడ్ అడిషన్స్ సమయంలో ప్రతి ఏటా ప్రతి రూ.1000కి రూ.40 చొప్పున గ్యారెంటీడ్ అడిషన్ లభిస్తుంది. అంటే ప్రతి వెయ్యి రూపాయలకు రూ.40 జమ చేస్తూ వెళ్తారు.

 ఎల్ఐసీ జీవన్ ఉత్సవ్ సింగిల్ ప్రీమియం ప్లాన్ ద్వారా రెండు రకాల సర్వైవల్ బెనిఫిట్స్ లభిస్తాయి.

ఆప్షన్ 1లో రెగ్యులర్ ఇన్‌కమ్ బెనిఫిట్స్ ఉంటాయి. ఈ ఆప్షన్‌లో ద్వారా బెసిక్ సమ్ అష్యూర్డ్‌లో 10 శాతం డబ్బులు ప్రతి సంవత్సరం చివరలో చెల్లిస్తారు. పాలసీదారు ఎంచుకున్న విధంగా ప్లాన్ ప్రారంభమైన 7 ఏళ్ల నుంచి 17 ఏళ్ల తర్వాత ఈ డబ్బులను చెల్లిస్తారు.

ఆప్షన్ 2లో ఫ్లెక్సీ ఇన్‌కమ్ బెనిఫిట్స్ లభిస్తాయి. పాలసీ టర్మ్ అండ్ కండీషన్స్‌ ఆధారంగా బేసిక్ సమ్ అష్యూర్డ్‌లో 10 శాతం ప్రతి సంవత్సరం జమ చేస్తారు. లేదా విత్ డ్రా కూడా చేసుకోవచ్చు. ఈ అదనపు ఆదాయంపై ఎల్ఐసీ ప్రతి సంవత్సరం 5.5 శాతం వడ్డీ కూడా చెల్లిస్తుంది. ఇక్కడ కౌంపౌండింగ్ మ్యాజిక్ పని చేస్తుంది.

ఎల్ఐసీ జీవన్ ఉత్సవ్ సింగిల్ ప్రీమియం ప్లాన్ కొనుగోలు చేసిన వ్యక్తి పాలసీ సమయంలోనే మరణిస్తే నామినీకి డెత్ బెనిఫిట్స్ లభిస్తాయి. పాలసీదారు మరణించే వరకు కట్టిన ప్రీమియం, సమ్ అష్యూర్డ్, గ్యారెంటీడ్ అడిషన్స్ అన్నీ ఉంటాయి. పాలసీదారు మరణిస్తే సమ్ అష్యూర్డ్‌పై 1.25 రెట్లు ఎక్కువ లభిస్తుంది. ఒకవేళ పాలసీదారు జీవించి ఉంటే మెచ్యూరిటీ బెనిఫిట్స్ వస్తాయి. సమ్ అష్యూర్డ్‌తో పాటు గ్యారెంటీడ్ అడిషన్స్ లభిస్తాయి. సింగిల్ ప్రీమియం పాలసీ కాబట్టి చెల్లించిన ప్రీమియంపై 1.25 రెట్లు ఎక్కువ చెల్లిస్తారు.