రూ.2 లక్షల డౌన్ పేమెంట్‌తో మారుతి సుజుకి ఫ్రాంక్స్ మీ ఇంటి ముందే!

మారుతి సుజుకి కార్లలో అత్యంత సరసమైన మోడళ్లలో మారుతి సుజుకి ఫ్రాంక్స్ ఒకటి. ఈ కారు బేస్ వేరియంట్ ధర **రూ. 6.84 లక్షలు (ఎక్స్-షోరూమ్)**గా ఉంది. జస్ట్ రూ. 2 లక్షల డౌన్ పేమెంట్‌తో, నెలకు రూ. 17,999 ఈఎంఐ చెల్లిస్తూ ఈ కారును సొంతం చేసుకోవచ్చు.
*Maruti Suzuki Fronx : కొత్త కారు కొనాలనుకుంటున్నారా? అయితే మీకోసం మారుతి సుజుకి అదిరిపోయే ఆఫర్ తీసుకొచ్చింది. భారతీయ వినియోగదారుల అవసరాలను దృష్టిలో పెట్టుకుని కంపెనీ ఈ ప్రత్యేక డీల్‌ను అందిస్తోంది. మారుతి సుజుకి కార్లలో అత్యంత పాపులర్‌గా నిలిచిన ఫ్రాంక్స్ ఇప్పుడు మరింత అందుబాటులోకి వచ్చింది.మారుతి సుజుకి ఫ్రాంక్స్ కొనుగోలు చేయాలని భావిస్తున్నవారు ఈ అవకాశాన్ని అస్సలు వదులుకోకండి. కేవలం రూ. 2 లక్షల డౌన్ పేమెంట్ చెల్లిస్తే సరిపోతుంది – ఈ స్టైలిష్ కారు మీ ఇంటి ముందు నిలుస్తుంది. ఇక ప్రతి నెల ఎంత ఈఎంఐ చెల్లించాల్సి ఉంటుందో ఇప్పుడు తెలుసుకుందాం.
*మారుతి సుజుకి ఫ్రాంక్స్ ధర వివరాలు:మారుతి సుజుకి ఫ్రాంక్స్ బేస్ వేరియంట్ ప్రారంభ ధర రూ. 6.84 లక్షలు (ఎక్స్-షోరూమ్). ఢిల్లీలో ఈ కారును కొనుగోలు చేస్తే రిజిస్ట్రేషన్ ఛార్జీలకు సుమారు రూ. 52 వేలు, ఇన్సూరెన్స్‌కు దాదాపు రూ. 28 వేలు ఖర్చవుతుంది. ఇతర ఛార్జీలు కలిపి మొత్తం ఆన్-రోడ్ ధర సుమారు రూ. 7.66 లక్షలు అవుతుంది.
*నెలవారీ ఈఎంఐ వివరాలు:మీరు రూ. 2 లక్షల డౌన్ పేమెంట్ చెల్లిస్తే, మిగిలిన రూ. 5.66 లక్షలను బ్యాంక్ లోన్‌గా తీసుకోవచ్చు. ఈ లోన్‌ను 9 శాతం వడ్డీ రేటుతో 3 సంవత్సరాల కాలానికి తీసుకుంటే, నెలకు రూ. 17,999 ఈఎంఐ చెల్లించాల్సి ఉంటుంది. మొత్తం మూడేళ్లలో రూ. 6.47 లక్షలు తిరిగి చెల్లించాలి. ఇందులో సుమారు రూ. 81 వేలు వడ్డీగా ఉంటుంది.