మహిళల లోదుస్తులను దొంగిలించే దొంగ అరెస్ట్
national | Suryaa Desk | Published : Wed, Jan 21, 2026, 02:57 PM
బెంగళూరులో ఓ వింత దొంగను పోలీసులు అరెస్ట్ చేశారు. ఇళ్లలో చొరబడి మహిళల లోదుస్తులను దొంగిలించి, వాటిని ధరించి వీడియోలు తీసుకుంటున్న ఓ యువకుడిని అదుపులోకి తీసుకున్నారు. నిందితుడిని కేరళకు చెందిన 23 ఏళ్ల అముల్గా గుర్తించారు. ప్రస్తుతం అతను హెబ్బగోడి పోలీస్ స్టేషన్ పరిధిలో నివసిస్తున్నాడు.పోలీసులు తెలిపిన వివరాల ప్రకారం నిందితుడు ఇళ్ల బాల్కనీలలో, బయట ఆరవేసిన మహిళల లోదుస్తులను లక్ష్యంగా చేసుకునేవాడు. పరిసరాల్లో ఎవరూ లేరని నిర్ధారించుకుని వాటిని దొంగిలించి పరారయ్యేవాడు. స్థానికంగా ఉన్న సీసీటీవీ ఫుటేజీలో అతని కదలికలు రికార్డు కావడంతో పోలీసులు అతడిని పట్టుకున్నారు.విచారణలో భాగంగా నిందితుడి నివాసంలో సోదాలు చేయగా, పెద్ద మొత్తంలో దొంగిలించిన మహిళల లోదుస్తులు లభ్యమయ్యాయి. అతని మొబైల్ ఫోన్ను పరిశీలించగా, దొంగిలించిన దుస్తులను ధరించి తీసుకున్న అనేక వీడియోలు బయటపడ్డాయి. మహిళల లోదుస్తులు ధరించినప్పుడు తనకు 'మత్తుగా' అనిపిస్తుందని అముల్ విచారణలో చెప్పినట్లు పోలీసులు తెలిపారు.
|
|