కేతిరెడ్డి పెద్దారెడ్డికి సవాల్ విసిరిన జేసీ ప్రభాకర్ రెడ్డి
Andhra Pradesh Telugu | Suryaa Desk | Published : Thu, Jan 22, 2026, 07:30 PM
మాజీ ఎమ్మెల్యే కేతిరెడ్డి పెద్దారెడ్డి వ్యాఖ్యలు, టీడీపీ వర్గీయుల ప్రతిసవాళ్లతో తాడిపత్రిలో మరోసారి ఉద్రిక్తత కనిపిస్తోంది. ‘తాడిపత్రి అభివృద్ధిపై మాట్లాడేందుకు అనంతపురం టవర్క్లాక్, కర్నూలు కొండారెడ్డి బురుజు, కడప కోటిరెడ్డి సర్కిల్.. ఎ క్కడికైనా రా..’ అని వారం క్రితం జేసీ ప్రభాకర్ రెడ్డికి పెద్దారెడ్డి సవాలు విసిరారు. ఆయన వ్యాఖ్యలపై టీడీపీ కౌన్సిలర్లు, నాయకులు మండిపడ్డారు. ‘అక్కడికెక్కడికో ఎందుకు? భగత్సింగ్ నగర్లో ఉన్న పెద్దారెడ్డి బురుజు వద్దకు వచ్చి సవాల్ స్వీకరిస్తాం’ అని ప్రతి సవాలు విసిరారు.మరోవైపు పెద్దారెడ్డిపై పోలీసులకు ఫిర్యాదు చేశారు. పెద్దారెడ్డి, ఆయన అనుచరులపై గురువారంలోపే కేసులు నమోదు చేయకపోతే 23న ఆయన ఇంటిని ముట్టడిస్తామని హెచ్చరించారు. ఈ క్రమంలో 23వ తేదీన టీడీపీ కార్యకర్తలు, జేసీ అభిమానులు పెద్దఎత్తున తరలిరావాలని సోషల్ మీడియా వేదికగా పిలుపునిచ్చారు. దీంతో తాడిపత్రిలో మరోసారి ఉద్రిక్త పరిస్థితులు ఏర్పడే ప్రమాదం కనిపిస్తోంది. పోలీసులు ముందస్తు చర్యలు తీసుకుంటున్నారు.
|
|