టమాటాల్ని అన్ని కూరగాయాలలో వాడకూడదు...కొన్నింటికి మినహాయించాలి

మన ఇంట్లోని వంటగది ఓ ప్రయోగశాల లాంటిది. ఇక్కడ వంటలు, కూరలు మీద చేసే ప్రయోగాలు అన్నీ ఇన్నీ కావు. ఇక, దాదాపు ప్రతి ఇంట్లో కూడా చాలా వంటల్లో కామన్‌గా ఉపయోగించేవి టమాటాలు. వీటికి ఉన్న డిమాండ్ అంత ఇంత కాదు. పప్పు నుంచి ఏదైనా పులుసు వంటకం వరకు టమాటా కలిపి వండాల్సిందే. ఇక, వివిధ రకాల కూరగాయల్లో కూడా టమాటాను యాడ్ చేసి వండుకుని తింటుంటారు.

​టమాటా కలిపి వండటం వల్ల కూర ఎక్కువగా వస్తుంది... రెండు పూటలా సరిపోతుందన్న భావన చాలా మందికి ఉంటుంది. అందుకే దాదాపు ప్రతి కూరలో కూడా టమాటాను యాడ్ చేస్తుంటారు. అయితే, కొన్ని కూరగాయలు వండేటప్పుడు టమాటాను ఎట్టి పరిస్థితుల్లో కూడా కలపకూడదంట. టమాటాల్ని కలిపి వండటం వల్ల ఆ కూరగాయల రుచి పాడవ్వడమే కాకుండా లేనిపోని ఆరోగ్య సమస్యలు వస్తాయంట. ఇంతకీ ఆ కూరగాయలు ఏంటి, ఎందుకు టమాటాలతో కలిపి వండకూడదో ఇప్పుడు తెలుసుకుందాం.

 బెండకాయతో టమాటా వద్దు

మనలో చాలా మంది బెండకాయ వండేటప్పుడు టమాటా కలుపుతుంటారు. గ్రేవీ చిక్కగా వస్తుందని ఇలా చేస్తుంటారు. అయితే, టమాటాల్ని బెండకాయలతో కలిపి వండకూడదంటున్నారు నిపుణులు. ఇది బెండకాయ రుచిని పాడు చేస్తుంది.

అంతేకాకుండా బెండకాయ కూర ఇంకా జిగురుగా మారుతుంది. దీంతో రుచి మొత్తం పాడవుతుంది. కావాలంటే ఉల్లిపాయలతో కలిపి ఫ్రై చేసుకోండి. మీకు లైట్ పుల్లని రుచి అవసరం అనుకుంటే నిమ్మకాయ లేదా ఎండిన మామిడి పొడి మంచి ఆప్షన్

కాకరకాయతో కలపకండి

​కాకరకాయ రుచి చేదుగా ఉన్నప్పటికీ.. దీన్ని తినడం వల్ల ఎన్నో ఆరోగ్య ప్రయోజనాలు ఉంటాయి. కాకరకాయలు తినడం వల్ల షుగర్ లెవల్స్ కంట్రోల్‌లో ఉంటాయి. రోగనిరోధక శక్తి మెరుగుపడుతుంది. జీర్ణక్రియ మెరుపడుతుంది. అయితే, కాకరకాయ వండేటప్పుడు టమాటాల్ని యాడ్ చేయకండి.

కాకరకాయ చేదు రుచితో టమాటాలు బాగా కలిసిపోవు. దీంతో వంటకం రుచిని పాడు చేస్తాయి. దీంతో కాకరకాయలో ఉండే పోషకాలు తగ్గుతాయి. కాకరకాయను లైట్‌గా ఉడకబెట్టుకుని ఫ్రై చేసుకుని తినవచ్చు. మీరు పులుపు రుచి కావాలనుకుంటే ఎండిన మామిడి పొడి లేదా నిమ్మకాయను ఉపయోగించడం ఉత్తమం.

చామదుంపతో కూడా టమాటా వద్దు

మనలో చాలా మంది చామదుంపల్ని పులుసుగా వండుకుని తింటారు. పులుసు వండుకునేటప్పుడు టమాటాల్ని ఉపయోగిస్తారు. అయితే చామదుంపలు వండేటప్పుడు టమాటాలు జోడించడం మంచిది కాదని నిపుణులు అంటున్నారు.

సాధారణంగా చామదుంపలు జిగురుగా ఉంటాయి. అదే టమాటాలు యాడ్ చేయడం వల్ల చామదుంపల జిగురు పెరుగుతుంది. అంతేకాకుండా ఆరోగ్యపరంగా చామదుంపలు జీర్ణం కావడానికి సమయం పడుతుంది. పుల్లగా ఉండే టమాలు చామ దుంప కూరలో యాడ్ చేయడం వల్ల గ్యాస్, ఎసిడిటీ సమస్యలు పెరుగుతాయి.

పనసకాయ కూరలో కూడా వద్దు

లేత పనసకాయతో కూర వండుకుంటారు. ఇది చాలా రుచిగా ఉంటుంది. అయితే, పనసకాయ వండేటప్పుడు టమాటాలు వాడొద్దని నిపుణులు సూచిస్తున్నారు. టమోటాల పుల్లని రుచి పనసకాయ రుచితో సరిపోదు. వాటిని జోడించడం వల్ల మీ కష్టమంతా నాశనం అవుతుంది. రుచి మొత్తం పాడవుతుంది. కాబట్టి, పనసకాయ కర్రీని ఉల్లిపాయలు, వెల్లుల్లి, సుగంధ ద్రవ్యాలతో మాత్రమే తయారు చేయాలి.

ఈ కూరగాయల్లో కూడా టమాటా వద్దు

గుమ్మడికాయ కూర తయారుచేసేటప్పుడు టమోటాలు వేయకూడదు. గుమ్మడికాయ తేలికపాటి తీపిని కలిగి ఉంటుంది. టమోటాల పుల్లని రుచి దానికి సరిగ్గా సరిపోదు. గుమ్మడికాయను స్వీట్‌కార్న్, ఉప్పు, పసుపుతో ఉడికించాలి. సాధారణ కూర చాలా రుచికరంగా ఉంటుంది.

బంగాళాదుంప-బీన్ కర్రీ చేస్తుంటే, టమోటాలు జోడించకండి. ఇది వంటకాన్ని రుచి లేకుండా చేస్తుంది. కొద్దిగా జీలకర్ర, ఉల్లిపాయ, ప్రాథమిక మసాలా దినుసులు జోడించడం వల్ల ఈ వంటకం రుచికరంగా ఉంటుంది.

ఏదైనా ఆకుకూర వండేటప్పుడు కూడా టమాటాలు వద్దు. టమోటాల పుల్లని రుచి కూరల రుచిని పాడు చేస్తుంది. ఎండిన ఎర్ర మిరపకాయలు, అల్లం, వెల్లుల్లి, పచ్చి మిరపకాయలు ఉల్లిపాయలతో ఆకుకూరల్ని వండుకోవడం మంచి ఆప్షన్ అంటున్నారు.

సొరకాయ వండేటప్పుడు కూడా టమాటాలు వద్దు. సొరకాయతో కలిపి టమాటాల్ని ఉపయోగిస్తే రుచి మొత్తం పాడవుతుంది. కూర మొత్తం పుల్లగా మారుతుంది.