మంచు మనోజ్ కొత్త సినిమాలో ఉక్రెయిన్ హీరోయిన్: ఆమె తెలుగు సినీ బ్యాక్‌గ్రౌండ్ ఇంతకీ ఏంటి?

గత ఏడాది భైరవంతో రీ-ఎంట్రీ ఇచ్చిన మంచు మనోజ్, ఆ సినిమాలో పెద్దగా కనిపించకపోయినా, తరువాత విడుదలైన మిరాయ్ సినిమాతో బ్లాక్ బస్టర్ హిట్ సాధించాడు. రాక్‌స్టార్‌గా ఈ మూవీ సుమారు రూ.300 కోట్ల కలెక్షన్లు సాధించింది. ఈ విజయ పరంపరను కొనసాగిస్తూ, ఇప్పుడు మనోజ్ డేవిడ్ రెడ్డిగా ప్రేక్షకుల ముందుకు రాబోతున్నాడు. ఈ పీరియాడికల్ యాక్షన్-థ్రిల్లర్‌కు హనుమరెడ్డి యక్కంటి దర్శకత్వం వహిస్తున్నారు. ఇప్పటికే రిలీజ్ చేసిన టైటిల్ పోస్టర్, ఫస్ట్ లుక్, టీజర్ మనోజ్ పై అంచనాలను మరింత పెంచాయి.తాజాగా, మేకర్స్ హీరో సరసన నటించే హీరోయిన్ను పరిచయం చేశారు. మరియా ర్యాబోషప్కా 'డేవిడ్ రెడ్డి'లో హీరోయిన్‌గా నటించనుందని ప్రకటించారు. ఆమె క్లారా విట్మోర్ పాత్రలో కనిపించనుంది. విడుదల చేసిన ఫస్ట్ లుక్ పోస్టర్‌లో ఆమె బ్రిటీష్ గర్ల్ గెటప్‌లో ఉంది. "ఆమె ప్రేమ ఓ యుద్ధం" అని ఫస్ట్ లుక్ పోస్టర్ పేర్కొంది, ఇది ప్రేక్షకులను ఆకట్టుకుంటోంది. మనోజ్ కూడా సోషల్ మీడియాలో మరియాకు స్వాగతం పలుకుతూ, "డేవిడ్ రెడ్డి అనే ఇంటెన్స్ వరల్డ్ లీడింగ్ లేడీకి స్వాగతం" అని ట్వీట్ చేశాడు.మరియా ఉక్రెయిన్ నుంచి నటిగా ఇండియన్ ఇండస్ట్రీలో అడుగుపెట్టింది. 'స్పెషల్ OPS 1.5' వెబ్ సిరీస్‌తో తన సినీ ప్రయాణాన్ని ప్రారంభించింది. తరువాత, శివ కార్తికేయన్ హీరోగా నటించిన ప్రిన్స్ సినిమాలో తెలుగు ప్రేక్షకులను అలరించింది. ఇప్పుడు డేవిడ్ రెడ్డితో తెలుగు ఆడియెన్స్ ముందుకు మరోసారి రాబోతోంది.సినిమా నేపథ్యం బ్రిటీష్ ఇండియా కాలంలో 1897–1922 మధ్యగా ఉంటుందట. ఫారెన్ బ్యాక్‌డ్రాప్ కారణంగా, మరియాను హీరోయిన్‌గా ఎంపిక చేసినట్లు తెలుస్తోంది. షూటింగ్ కోసం ఆమె కొన్ని రోజుల క్రితం ఇండియాకు చేరింది. త్వరలోనే ఈ మూవీ ప్రేక్షకుల ముందుకు రానుంది.