Pradip Guruji స్టోరీ: డబ్బుల్లేని వ్యక్తి చేసిన అసాధారణ పని

Pradip Guruji Fake Note Racket: ఆధ్యాత్మిక గురువుగా పేరుగాంచి, సమాజ సేవ ముసుగులో కోట్ల రూపాయల నకిలీ నోట్లను ముద్రించిన ప్రదీప్ గురూజీ, మరో పేరు ప్రదీప్ జోతంగియా, కేసు దేశవ్యాప్తంగా చర్చనీయాంశమైంది.ప్రధాన నిందితుడైన ప్రదీప్ గురూజీని పోలీసులు అదుపులోకి తీసుకున్నప్పుడు ఆయన చెప్పిన సమాధానం సున్నితంగా ఉండడం అందరిని ఆశ్చర్యానికి లోనుచేసింది. “మనం మంచి పనులు చేయాలనుకున్నాం, కానీ తగినన్ని డబ్బులు లేవు. అందువల్ల అవసరమైన డబ్బును మేమే తయారు చేసుకోవాలని నిర్ణయించుకున్నాం” అని ఆయన పోలీసుల విచారణలో చెప్పినట్లు తెలుస్తోంది. సమాజ సేవ కోసం చేసిన తప్పు కాబట్టి అది నేరం కాదు అని ఆయన వాదించడం కూడా గమనార్హం.సూరత్లో శ్రీ సత్యం యోగ ఫౌండేషన్ పేరిట ఆశ్రమాన్ని నడుపుతూ, తన అనుచరులతో కలసి ఈ ముఠాను ఏర్పాటు చేశారు. యోగా తరగతులు, ఆధ్యాత్మిక బోధనల ముసుగులో గత మూడు–నాలుగు నెలలుగా ఆశ్రమంలోనే నకిలీ నోట్ల తయారీ కొనసాగించబడింది. అహ్మదాబాద్ క్రైమ్ బ్రాంచ్ పోలీసులు ఒక కారును వెంబడి తనిఖీ చేసినప్పుడు సుమారు రూ. 2.38 కోట్ల విలువైన నకిలీ నోట్లు స్వాధీనం అయ్యాయి.ఈ గ్యాంగ్ సాధారణ నోట్లను తయారు చేయలేదు. నకిలీ నోట్ల ముద్రణకు అవసరమైన హై-క్వాలిటీ సెక్యూరిటీ పేపర్‌ను వారు చైనా నుండి ఆన్లైన్ ద్వారా తెచ్చారు. విచారణలో తెలిసిన మరో విషయమేంటి అంటే, వారు ఆర్టిఫిషియల్ ఇంటెలిజెన్స్ టూల్స్ మరియు ఫోటో ఎడిటింగ్ సాఫ్ట్వేర్ ఉపయోగించి అసలు నోట్ల రూపాన్ని పైనికాదు కాస్త తేడా లేకుండా రీప్రొడ్యూస్ చేశారు. వాటర్‌మార్క్‌లు, సెక్యూరిటీ థ్రెడ్‌లను కూడా అత్యంత నైపుణ్యంతో సృష్టించారు.అరెస్ట్ అయిన తర్వాత, గురూజీ పలుకుబడిని చూసి పోలీసులూ ఆశ్చర్యపోయారు. ఆయనకు రాజకీయ నేతలు, మాజీ ఉన్నతాధికారులతో సన్నిహిత సంబంధాలు ఉన్నట్లు సోషల్ మీడియా ఫోటోల ద్వారా బయటపడ్డాయి. ప్రభుత్వ వాహనాల గుర్తులను తన వాహనాలపై వేసి, రాష్ట్రవ్యాప్తంగా నోట్లు చలామణి చేసేందుకు ప్రణాళిక రూపొందించారని పోలీసులు గుర్తించారు. ఏజెంట్లకు 20–25 శాతం కమిషన్ ఇచ్చి మార్కెట్లోకి నోట్లు పంపినట్లు ప్రాథమిక విచారణలో తెలిసింది.గురూజీ “సేవ కోసం నోట్లు ముద్రించాం” అని ఎన్ని వాదనలు చేసినా, పోలీసులు కఠినంగా వ్యవహరిస్తున్నారు. దేశ ఆర్థిక వ్యవస్థను దెబ్బతీసే ఇలాంటి చర్యలు దేశద్రోహం కింద వస్తాయని అధికారులు స్పష్టం చేశారు. ప్రస్తుతం గురూజీతో పాటు ఏడుగురు అనుచరులను అరెస్ట్ చేసి, Reserve Bank of India, ఫోరెన్సిక్ టీమ్ సహాయంతో నకిలీ నోట్ల నెట్వర్క్ ఎంత లోతుగా ఉందో పరిశీలిస్తున్నారు.