చైనాకు తీవ్ర పరాభావం...బ్రిటన్ దేశం అలా చేసింది

రాణి అంత్యక్రియలకు ప్రపంచ దేశాధినేతలు, రాజులు, ఇతర ప్రముఖులను బ్రిటన్ ఆహ్వానించింది. ఈ నేపథ్యంలో ఈ కార్యక్రమానికి చైనా ప్రతినిధిగా ఆ దేశ ఉపాధ్యక్షుడు వాంగ్ క్వీషన్ హాజరయ్యే అవకాశం ఉందని బ్రిటన్ విదేశాంగ కార్యాలయం వెల్లడించింది. అంత్యక్రియలకు హాజరయ్యే ఇతర దేశాల ప్రతినిధులకు వెస్ట్‌మినిస్టర్ హాల్‌లోని లైయింగ్ ఇన్ స్టేట్‌కు టైమ్ స్లాట్ కేటాయించనుంది. తమ నేతలపై ఆంక్షలు విధించడంతో గతేడాది బ్రిటన్ పార్లమెంట్‌లో జరిగిన ఓ కార్యక్రమానికి చైనా దౌత్యవేత్త హాజరు కాకుండా ఆ దేశం నిషేధించింది.

ఇదిలావుంటే సోమవారం క్వీన్ ఎలిజబెత్ అంత్యక్రియలకు హజరయ్యే చైనా ప్రతినిధి బృందానికి బ్రిటన్ పార్లమెంటు లోపల ఉన్న ఆమె శవపేటిక సందర్శనకు అనుమతి నిరాకరించినట్టు బీబీసీ తెలిపింది. బ్రిటన్ రాణి ఎలిజబెత్ అంత్యక్రియలకు చైనాను ఆహ్వానించడం పట్ల కొందరు యూకే పార్లమెంటు సభ్యులు తీవ్ర అభ్యంతరం వ్యక్తం చేస్తున్నారు. చైనాలో మానవహక్కుల ఉల్లంఘన అంశాన్ని లేవనెత్తిన పలువురు బ్రిటన్ ప్రజాప్రతినిధులపై డ్రాగన్ ఆంక్షలు విధించింది. తప్పుడు ఆరోపణలు చేస్తున్నారని విమర్శిస్తోంది. ఈ నేపథ్యంలో చైనా ప్రతినిధులను ఆహ్వానించడం పట్ల బ్రిటన్ ఎంపీలు మండిపడుతున్నారు.

డ్రాగన్ ఆంక్షల కారణంగా పార్లమెంట్‌లోని వెస్ట్‌మిన్‌స్టర్ హాల్‌లో ప్రవేశానికి దిగువ సభ స్పీకర్ నిరాకరించడంతో చైనా ప్రభుత్వ ప్రతినిధి బృందాన్ని లైయింగ్-ఇన్-స్టేట్‌కు హాజరుకాకుండా నిషేధించినట్టు బీబీసీ పేర్కొంది. అయితే, ఈ సమాచారం చెప్పిన మూలాలను మాత్రం వెల్లడించలేదు. కానీ, దీనిపై వ్యాఖ్యానించడానికి స్పీకర్ కార్యాలయం నిరాకరించింది. భద్రతా అంశమైనందున దీనిపై మేము స్పందించలేమని హౌస్ ఆఫ్ కామన్స్ పేర్కొంది.

కన్వెన్షన్ ప్రకారం విదేశాంగ కార్యాలయం నుంచి సలహా తీసుకున్న తర్వాత బకింగ్‌హామ్ ప్యాలెస్ అతిథి జాబితాను రూపొందించాలి. బ్రిటన్‌తో దౌత్య సంబంధాలున్న దేశాల నుంచి ప్రతినిధులను ఆహ్వానిస్తుందని ప్రధాన మంత్రి లిజ్ ట్రస్ అధికార ప్రతినిధి అన్నారు.  మరోవైపు, తమ ప్రతినిధి బృందానికి వెస్‌మినిస్టర్ హాల్‌లోకి అనుమతి నిరాకరించినట్టు ఎటువంటి నివేదిక ఇప్పటి వరకూ లేదని చైనా విదేశాంగ శాఖ అధికార ప్రతినిధి మావో నింగ్ అన్నారు.

‘‘ఎలిజబెత్ రాణి-2కి అధికారికంగా అత్యక్రియలు నిర్వహించడం యునైటెడ్ కింగ్‌డమ్‌కి ముఖ్యమైన కార్యక్రమమని నేను చెప్పదలచుకున్నాను.. రాణి గౌరవార్ధం యూకే ఆహ్వానం మేరకు విదేశీ ప్రతినిధులు ఈ కార్యక్రమంలో పాల్గొంటారు.. ఇది యునైటెడ్ కింగ్‌డమ్‌తో సంబంధాలకు ఇచ్చిన ప్రాముఖ్యత’’ అని ఆమె వ్యాఖ్యానించారు. అతిథ్యం ఇచ్చేవారిగా దౌత్యపరమైన ప్రోటోకాల్‌ను, అతిథుల విషయంలో మర్యాదను యూకే పాటించాలని సూచించారు. రాణి అంత్యక్రియలకు ప్రపంచ దేశాధినేతలు, రాజులు, ఇతర ప్రముఖులను బ్రిటన్ ఆహ్వానించింది. ఈ నేపథ్యంలో ఈ కార్యక్రమానికి చైనా ప్రతినిధిగా ఆ దేశ ఉపాధ్యక్షుడు వాంగ్ క్వీషన్ హాజరయ్యే అవకాశం ఉందని బ్రిటన్ విదేశాంగ కార్యాలయం వెల్లడించింది. అంత్యక్రియలకు హాజరయ్యే ఇతర దేశాల ప్రతినిధులకు వెస్ట్‌మినిస్టర్ హాల్‌లోని లైయింగ్ ఇన్ స్టేట్‌కు టైమ్ స్లాట్ కేటాయించనుంది. తమ నేతలపై ఆంక్షలు విధించడంతో గతేడాది బ్రిటన్ పార్లమెంట్‌లో జరిగిన ఓ కార్యక్రమానికి చైనా దౌత్యవేత్త హాజరు కాకుండా ఆ దేశం నిషేధించింది.