అమెరికాలో ఘోర రోడ్డు ప్రమాదం...ముగ్గురి మృతి
Andhra Pradesh Telugu | Suryaa Desk | Published : Tue, Sep 27, 2022, 09:15 PM
అమెరికాలో ఘోర రోడ్డు ప్రమాదం జరిగింది. ఈ ప్రమాదంలో ఆంధ్రప్రదేశ్ రాష్ట్రానికి చెందిన వారు మరనించారు. కృష్ణా జిల్లాకు చెందిన తానా డైరెక్టర్ భార్య, ఇద్దరు కూతుళ్లు మృతి చెందారు. ఈ ఘటనలో తానా బోర్డు డైరెక్టర్ డాక్టర్ కొడాలి నాగేంద్ర శ్రీనివాస్ భార్య, ఇద్దరు కుమార్తెలు మరణించారు. డాక్టర్ శ్రీనివాస్ హ్యూస్టన్లో నివాసం ఉంటున్నారు.. భార్య వాణి ఐటీ ఉద్యోగి. ఇద్దరు కుమార్తెల్లో.. పెద్దమ్మాయి వైద్య విద్యను అభ్యసిస్తున్నారు. చిన్న కుమార్తె 11వ తరగతి చదువుతున్నారు. పెద్ద కుమార్తెను దసరాకు ఇంటికి తీసుకురావడానికి వాణీ, ఆమె చిన్న కుమార్తె వెళ్లారు. తిరుగు ప్రయాణంలో వీరు ప్రయాణిస్తున్న లెక్సస్ కారును షెవీ పికప్ ట్రక్కు ఢీకొట్టడంతో ఇద్దరు అక్కడికక్కడే చనిపోగా.. మరొకరిని ఆసుపత్రికి తరలించగా అక్కడ చనిపోయారు.
ఈ ప్రమాదంలో శ్రీనివాస్ కుటుంబాన్ని కోల్పోయారు. ఈ ఘటనపై తానా సభ్యులు తీవ్ర దిగ్భ్రాంతి వ్యక్తం చేశారు. శ్రీనివాస్కి నాట్స్ తన ప్రగాఢ సానుభూతిని తెలిపింది. కొడాలి నాగేంద్ర శ్రీనివాస్ది కృష్ణా జిల్లా కురుమద్దాలి కాగా.. గుంటూరు మెడికల్ కళాశాలలో వైద్య విద్యను అభ్యసించారు. అనంతరం 1995లో ఉన్నత విద్యను అభ్యసించడానికి అమెరికాకు వెళ్లారు. పీడియాట్రిక్ కార్డియోవాస్క్యులర్ అనస్థీషియాలజిస్ట్గా అమెరికాలోని హ్యూస్టన్ల కుటుంబంతో స్థిరపడ్డారు. 2017 నుంచి తానా బోర్డు సభ్యునిగా సేవలు అందిస్తున్నారు.
|
|