ట్రెండింగ్
ఉదంపూర్‌లో 8 గంటల్లో రెండు బస్సుల్లో పేలుళ్లు
national | Suryaa Desk | Published : Thu, Sep 29, 2022, 12:32 PM
గంటల వ్యవధిలో జమ్ముకశ్మీర్ లో జరిగిన రెండు బాంబుపేలుళ్లపై పోలీసులు దర్యాప్తు ముమ్మరం చేశారు. ఉధంపూర్ నగరంలో కేవలం 8 గంటల వ్యవధిలో..... రెండు వేర్వేరు ప్రాంతాల్లో బస్సుల్లో బాంబులు పేలాయి. బుధవారం రాత్రి పదిన్నరకు.. దొమైల్ చౌక్ లో పెట్రోల్ బంకు సమీపంలో పార్క్ చేసిన బస్సులో పేలుడు జరిగింది. ఈ ఘటనలో ఇద్దరుగాయపడ్డారు. క్షతగాత్రులను పోలీసులు.. ఆసుపత్రికి తరలించారు. ఈ తెల్లవారుజామున 5 గంటల 40 నిమిషాల ప్రాంతంలో ఉధంపూర్ బస్టాండ్ లో ఉన్న బస్సులో పేలుడు జరిగింది. బస్టాండ్ వద్ద పేలుడులో బస్సు బాగా ధ్వంసమైంది. ఎవరికీ గాయాలు కాలేదు.ఈ నేపథ్యంలో సైన్యం బాంబు నిర్వీర్య దళాలు, డాగ్ స్వ్కాడ్ తో..ఉధంపూర్ లో గాలింపు చేపట్టాయి. ఈ ఘటన వెనక కారణాలను కనుగొనేందుకు ప్రయత్నిస్తున్నట్లు ఉధంపూర్రేంజ్ డీఐజీ వెల్లడించారు.
|
|