వర్షంలో తడుస్తూనే ప్రసంగించిన మెగాస్టార్
Andhra Pradesh Telugu | Suryaa Desk | Published : Thu, Sep 29, 2022, 01:11 PM
అనంత జిల్లాతో తనకున్న అనుబంధం మరవలేనిదని చిరంజీవి చెప్పారు గాడ్‌ ఫాదర్‌' చిత్రం ప్రీ రిలీజ్‌ ఈవెంట్‌ను బుధవారం అనంతపురంలోని ఆర్ట్స్‌ కళాశాల మైదానంలో ఏర్పాటు చేశారు. సినిమా పాటలకు కళాకారులు చేసిన నృత్యాలు ఆకట్టుకున్నాయి. సంగీత దర్శకుడు తమన్‌ చిత్రంలోని పాటలను గాయకులతో పాడించి అభిమానుల్లో ఉత్సాహం నింపారు. అనంతరం మెగాస్టార్ రావడంతో అభిమానులు సందడి చేశారు. వర్షం కురుస్తున్నా అభిమానులు తడుస్తూనే ప్రసంగం విన్నారు. ఈ సందర్భంగా చిరంజీవి మాట్లాడుతూ వర్షంలో తడుస్తూ తన మాటలు వింటున్న అభిమానులకు కృతజ్ఞతలు తెలిపారు. ఈ కార్యక్రమంలో నిర్మాతలు ఎన్వీ ప్రసాద్‌, ఆర్‌బీ చౌదరి, దర్శకుడు మోహన్‌ రాజా, నటులు సత్యదేవ్‌, గెటప్‌శీను, షఫీ, ఫైట్‌ మాస్టర్స్‌ రామ్‌లక్ష్మణ్‌, రామజోగయ్యశాస్త్రి, శివమణి, యాంకర్స్‌ రవి, హరితేజ, అభిమాన సంఘం నాయకులు భవానిరవికుమార్‌, చంద్రమౌళి, చలపతి, షామీర్‌, హుసేన్‌ తదితరులు పాల్గొన్నారు
|
|