ట్రెండింగ్
తిరుమలలో కొట్టుకొన్న భక్తులు...పెట్రేగిన తమిళనాడు వాసులు
Andhra Pradesh Telugu | Suryaa Desk | Published : Tue, Oct 11, 2022, 11:30 PM
తిరుమలలో తమిళనాడు భక్తులు తీవ్ర అలజడి రేపారు. పవిత్ర ఆథ్యాత్మిక క్షేత్రం తిరుమలలో ఏపీ, తమిళనాడు భక్తుల మధ్య గొడవ జరిగింది. ఈ గొడవలో ఇద్దరు భక్తులు గాయపడ్డారు. దర్శనం క్యూ లైన్లో ఈ ఘటన సంభవించింది. ప్రత్యక్ష సాక్షుల కథనం ప్రకారం గుంటూరు నుంచి వచ్చిన భక్తులపై తమిళనాడు భక్తులు దాడి చేశారు. టాయ్ లెట్ కు వెళ్లేందుకు దారి ఇవ్వాలంటూ తమిళనాడు భక్తులను గుంటూరు భక్తులు కోరారు.
ఈ సందర్భంగా ఇరు వర్గాల మధ్య ఘర్షణ చోటు చేసుకుంది. తోపులాటతో ప్రారంభమైన ఘర్షణ చివరకు క్యూ లైన్లోనే కొట్టుకునేంత వరకు వెళ్లింది. పక్కనున్న వారు ఆపేందుకు ప్రయత్నించినప్పటికీ తమిళనాడు భక్తులు ఆగలేదు. ఈ గొడవలో ఇద్దరు గాయపడ్డారు. ఈ ఘటనపై టీటీడీ విజిలెన్స్ అధికారులు విచారణ జరుపుతున్నారు.
|
|