ట్రెండింగ్
ప్రాభవం కోల్పోయిన అమరవీరుల వారోత్సవాలు
Andhra Pradesh Telugu | Suryaa Desk | Published : Fri, Oct 21, 2022, 01:02 PM
విధి నిర్వహణలో ప్రజల కోసం ప్రాణాలు కోల్పోయిన పోలీస్ అమరవీరులకు ఘన నివాళులర్పిస్తూ ప్రతియేటా వారోత్సవాలు నిర్వహించడం పరిపాటిగా వస్తోంది. ఈ సందర్భంగా రక్తదాన శిబిరం, విద్యార్థులకు వివిధ పోటీలు, పోలీస్ ఆయుధాల ప్రదర్శన తదితర కార్యక్రమాలు నిర్వహించేవారు.
అయితే ఏ కారణం చేతనో ఈ ఏడాది అమరవీరుల వారోత్సవాల సందర్భంగా ఎటువంటి కార్యక్రమాలను పోలీసులు నిర్వహించలేదు. శుక్రవారం కొత్తగా ఏర్పడిన బాపట్ల జిల్లా కేంద్రంలో అమరవీరుల స్థూపం ఏర్పాటుతో సరిపెట్టేశారు. దీంతో పోలీసులలోనే ఓ రకమైన నిస్సత్తువ ఆవరించింది. పోలీస్ అమర వీరులకు ఇచ్చే నివాళి ఇదేనా అన్న వ్యాఖ్యలు వినవస్తున్నాయి.
|
|