ఏపీ మహిళా కమిషన్ ఎక్కడ? ఏం చేసింది ?
Andhra Pradesh Telugu | Suryaa Desk | Published : Sun, Oct 23, 2022, 11:37 AM
జనసేన అధినేత మహిళల పట్ల అసభ్యంగా మాట్లాడారని వైసీపీ మహిళా అధ్యక్షురాలు వాసి రెడ్డి పద్మ నోటీసులు ఇచ్చిన సంగతి తెలిసిందే. ఐతే దీనిపై స్పందించిన జనసేన నాయకులూ మాట్లాడుతూ... ఈ ఏడాది ఏప్రిల్ నెలలో విజయవాడ నగరంలో 23 ఏళ్ల దళిత యువతిపై సామూహిక అత్యాచారం జరిగింది. ఏపీ మహిళా కమిషన్ ఎక్కడ? ఏం చేసింది ? దుగ్గిరాల మండలం తుమ్మపూడి గ్రామంలో 32 ఏళ్ల మహిళ ఇంట్లో అనుమానాస్పదంగా హత్యకు గురైంది. ఏపీ మహిళా కమిషన్ ఎక్కడ? మే 2022లో, బాపట్ల జిల్లాలోని రేపల్లె రైల్వే స్టేషన్లో 25 ఏళ్ల గర్భిణిపై దాడి చేసి సామూహిక అత్యాచారం చేశారు. ఏపీ మహిళా కమిషన్ ఎక్కడ?అత్యాచారం చేసేందుకు రాలేదు... దొంగతనం కోసం వచ్చి ఆపైన అత్యాచారం చేశారు అని రాష్ట్ర హోమ్ శాఖ మంత్రి మృగాళ్లకు సర్టిఫికేట్ ఇచ్చారు. ఏపీ మహిళా కమిషన్ ఎక్కడ? అత్యాచారాలకు తల్లి పెంపకమే లోపం అని రాష్ట్ర హోమ్ శాఖ మంత్రి ప్రకటించారు. ఈ ప్రకటన మహిళా లోకాన్ని, మాతృమూర్తులను అవమానించడం కాదా? ఏపీ మహిళా కమిషన్ ఎక్కడ? మే 2022లో పార్వతీపురం మన్యం జిల్లాకు చెందిన ఇద్దరు పిల్లల తల్లి అయిన 26 ఏళ్ల యువతిపై లైంగిక దాడి జరిగింది. ఏపీ మహిళా కమిషన్ ఎక్కడ? అని ప్రశ్నించారు.
|
|