దొంగలించాడు అన్న కారణంతో బాలుడు అన్నది విస్మరించి హింసించారు

పెద్దవారు తప్పుచేస్తే చట్ట ప్రకారం చర్యలు తీసుకోవాలి. అదే పసివాళ్లు ఆ నేరం చేస్తే అతడిలో మార్పు వచ్చేలా చూడాలి. కానీ ఉత్తరప్రదేశ్ లో మానవత్వం మరిచి వ్యవహరించిన తీరు నెలకొంది. ఉత్తరప్రదేశ్‌లో అజంగఢ్ జిల్లాలో ఘోరం చోటుచేసుకుంది. ముగ్గురు వ్యక్తులు ఓ చిన్న పిల్లవాడిపై కర్కశంగా ప్రవర్తించారు. పసిపిల్లవాడని కూడా చూడకుండా.. స్తంభానికి కట్టేసి.. కొట్టారు. ఆ అబ్బాయి రెండు చేతులను, రెండు కాళ్లను కూడా స్తంభానికి వెనుకవైపు లాగి కట్టారు. తర్వాత ఇష్టమొచ్చినట్టు విరుచుకుపడ్డారు. సురేంద్ర (45), సంజయ్ (32), విజయ్ (52) అనే ముగ్గురు వ్యక్తులు పిల్లవాడిని దారుణంగా హింసించారు.

దొంగలించాడనే నెపంతో.. వారు ఆ బాలుడిని ఇలా శిక్షించారు. వాడి వయస్సును కూడా చూడకుండా స్తంభానికి కట్టి.. బాధపెట్టారు. దీనికి సంబంధించిన వీడియో సోషల్ మీడియాలో వైరల్ అయింది. దాంతో పోలీసులు వెంటనే దీనిపై స్పందించారు. రంగంలోకి దిగి.. ఆ నిందితులను అదుపులోకి తీసుకున్నారు. ఆ ముగ్గురూ హదీషా దయాల్‌పూర్ బర్దా నివాసితులని తెలుసుకున్నారు. ముగ్గురు నిందితులపై భారతీయ శిక్షాస్మృతి (ఐపీసీ) సెక్షన్ 307 (హత్య ప్రయత్నం) కింద కేసు నమోదు చేసినట్టు పోలీసులు తెలియజేశారు.

ఇటీవల ఇలాంటి ఘటనే మధ్యప్రదేశ్‌లో జరిగింది. ఓ వ్యక్తి తన ఫోన్‌ను దొంగిలించాడనే అనుమానంతో నీళ్లు ఉన్న బావిలో బాలుడిని తలకిందులుగా వేలాడదీశాడు. ఐదు నిమిషాల పాటు అలాగే పట్టుకుని బాలుడిని చిత్రహింసలకు గురి చేశాడు. తనను పైకి లాగమని ఆ అబ్బాయి ఎంత బతిమాలుకున్నా వినలేదు. ఏ మాత్రం పట్టుతప్పినా.. ఆ బాలుడు నేరుగా బావిలో పడి ప్రాణాలు కోల్పోయేవాడు. అటుగా వెళ్లే వాళ్లు ఆ దృశ్యాన్ని తమ కెమెరాల్లో బంధించారు. తర్వాత ఆ వీడియో వైరల్ అయింది. బాలుడి పట్ల ఇంత అమానుషంగా ప్రవర్తించిన వ్యక్తిని అరెస్ట్ చేయాలని కొందరు నెటిజన్లు డిమాండ్ కూడా చేశారు. ఈ దీపావళికి, ఇంటికి ప్రత్యేకమైన బహుమతులను తీసుకురండి, కిచెన్ గిఫ్టింగ్ స్టోర్ నుండి షాపింగ్ చేయండి, బెస్ట్ ఆఫర్లను పొందడానికి ఈరోజే షాపింగ్ చేయండి.