గుజరాత్ అసెంబ్లీ ఎన్నికల్ షెడ్యూల్ విడుదల...డిసెంబర్ 1..5వ తేదీల్లో ఎన్నికలు
national | Suryaa Desk | Published : Thu, Nov 03, 2022, 02:56 PM
యావత్తుదేశం ఆసక్తితో చూస్తున్న గుజరాత్ రాష్ట్రం అసెంబ్లీ ఎన్నికలకు షెడ్యూల్ విడుదలైంది. గుజరాత్ లో వచ్చే నెల అసెంబ్లీ ఎన్నికలు నిర్వహించనున్నట్లు ఎన్నికల కమిషన్ పేర్కొంది. తొలి విడత పోలింగ్ కోసం ఈ నెల 5న, రెండో విడత కోసం ఈ నెల 10న నోటిఫికేషన్ విడుదల చేయనున్నట్లు సీఈసీ రాజ్ కుమార్ వెల్లడించారు. అసెంబ్లీ ఎన్నికలు రెండు విడతల్లో.. డిసెంబర్ 1, 5 తేదీల్లో నిర్వహిస్తామని ప్రకటించారు.
రాష్ట్రవ్యాప్తంగా 51 వేల పోలింగ్ కేంద్రాలను ఏర్పాటు చేసినట్లు వివరించారు. ప్రస్తుతం గుజరాత్ లో 4.9 కోట్ల మంది ఓటర్లు ఉన్నారని, అందులో 4.61 లక్షల మంది కొత్తగా ఓటు హక్కు పొందారని మీడియా సమావేశంలో సీఈసీ రాజ్ కుమార్ చెప్పారు. అంతకుముందు, మోర్బీ వంతెన మృతులకు అధికారులు సంతాపం వ్యక్తంచేశారు. ఈసారి జరగనున్నఎన్నికల్లో ప్రతీ ఒక్కరూ ఓటేసేలా చర్యలు తీసుకుంటామని సీఈసీ తెలిపారు. ఓట్ల లెక్కింపును డిసెంబర్ 8న చేపడతామని సీఈసీ రాజ్ కుమార్ చెప్పారు. ఈ నెల 12న ఎన్నికలు జరగనున్న హిమాచల్ ప్రదేశ్ లో కూడా వచ్చే నెలలోనే ఓట్ల లెక్కింపు జరుగుతుంది. డిసెంబర్ 10వ తేదీన ఎన్నికల ఫలితాలు ప్రకటిస్తామని ఎన్నికల కమిషన్ వెల్లడించింది.
|
|