నాణ్యమైన విద్యుత్ అందించడమే ప్రభుత్వ ధ్యేయం
Andhra Pradesh Telugu | Suryaa Desk | Published : Sat, Nov 05, 2022, 11:53 AM
లో ఓల్టేటి సమస్య లేకుండా, నాణ్యమైన విద్యుత్ సరఫరా చేసేందుకు ప్రభుత్వం చిత్తశుద్ధితో పనిచేస్తోందని ఎమ్మెల్యే కిలారి వెంకట రోశయ్య అన్నారు. మండల కేంద్రమైన చేబ్రోలులో విద్యుత్ సబ్ స్టేషన్లో నూతనంగా ఏర్పాటు చేసిన ఫీడర్ బ్రేకర్లను ఎమ్మెల్యే ప్రారంభించారు. ఈ సందర్భంగా ఎమ్మెల్యే కిలారి మాట్లాడుతూ ముఖ్యమంత్రి వైఎస్ జగన్మోహనరెడ్డి నేతృత్వంలోని ప్రభుత్వం సుపరిపాలన అందిస్తూ ప్రజా సంక్షేమాన్ని, కార్యక్రమాలను పక్కాగా చేస్తుందన్నారు. జగన్మోహనరెడ్డి తిసుకొన్న నిర్ణయాలు, సంస్కరణలను ఇతర రాష్ట్రాలు కూడా అభివృద్ధి అమలు అవలంభిస్తున్నాయంటే వాటి ఫలితం ఏ విధంగా ఉందో అర్థమవుతుందన్నారు. నూతన పీడర్ల ఏర్పాటు ద్వారా చేబ్రోలులో నాణ్యమైన విద్యుత్ నిరంతరాయంగా అందించే అవకాశం ఉంటుందన్నారు. ప్రజలు కూడా ఏ ప్రభుత్వం చేతల ప్రభుత్వమో, మాటల ప్రభుత్వమో ఆలోచించి రానున్న ఎన్నికల్లో మళ్ళీ జగన్మోనరెడ్డిని ముఖ్యమంత్రిగా చేయాలన్నారు. ఈ కార్యక్రమంలో విద్యుత్ శాఖ డిఇ చిరంజీవి, ఎఈ సుధీర్, మండల పరిషత్ పసుపులేటి శ్రీనివాసరావు, ఎంఎస్ఎస్ఈ డైరెక్టర్ భీమవరపు విజయలక్ష్మి, జీడీసిఎమ్మెస్ డైరెక్టర్ కుర్రా పాములు, వైకాపా నాయకులు పాల్గొన్నారు.
|
|