ట్రెండింగ్
కడవకుదురు వద్ద భారీగా రేషన్ బియ్యం పట్టివేత
Andhra Pradesh Telugu | Suryaa Desk | Published : Wed, Nov 09, 2022, 12:13 PM
చీరాల-ఒంగోలు బైపాస్ రోడ్డులో చినగంజాం మండలం కడవకుదురు వద్ద భారీ స్థాయిలో రేషన్ బియ్యం పట్టుబడింది. పక్కాగా అందిన సమాచారంతో విజిలెన్స్ అధికారులు, పోలీసులు బుధవారం తెల్లవారుజామున ఆ మార్గంలో కాపు కాసి వాహనాల తనిఖీ చేపట్టారు. ఆ సమయంలో అటుగా వచ్చిన ఒక లారీని సోదా చేయగా అందులో 560బస్తాల రేషన్ బియ్యం కనిపించింది. దీంతో లారీతో సహా రేషన్ బియ్యాన్ని సీజ్ చేసి డ్రైవర్ ను అదుపులోకి తీసుకున్నారు. తనిఖీ సమయంలో లారీలో ఉన్న ఇద్దరు వ్యక్తులు పరారైనట్లు సమాచారం. పూర్తి వివరాలు అందాల్సి ఉంది.
|
|