ఎట్టకేలకు హీరో సల్మాన్ ఖాన్ను కలసి నిఖత్ జరీన్.. ఓ పాటకు డ్యాన్స్
national | Suryaa Desk | Published : Wed, Nov 09, 2022, 11:01 PM
కలలు కూడా మనం సాకారం చేసుకోవచ్చు అని నిరూపించింది భారత స్టార్ బాక్సర్, హైదరాబాదీ నిఖత్ జరీన్. తాను ఎంతగానే అభిమానించే బాలీవుడ్ స్టార్ హీరో సల్మాన్ ఖాన్ను ఎట్టకేలకు నిఖత్ జరీన్ కలుసుకుంది. ఈ సందర్భంగా ఖాన్తో సెల్ఫీ దిగడమే కాదు ఆయనతో నృత్యం కూడా చేసింది. ముంబైలో సల్మాన్ కొత్త చిత్రం 'కిసీ కా భాయ్ కిసీ కా జాన్' సెట్కు వెళ్లిన నిఖత్ తన ఆరాధ్య నటుడిని ప్రత్యక్షంగా కలిసింది. ఈ సందర్భంగా 1991లో వచ్చిన లవ్ సినిమాలో ‘సాథియా యే తూనే క్యా కియా’ అనే పాటను ఈ ఇద్దరూ రీక్రియేట్ చేశారు. ఈ పాటకు సల్మాన్ తో పాటు నిఖత్ చాలా అందంగా డ్యాన్స్ చేసి ఆకట్టుకుంది. ఈ వీడియోను తన ట్విట్టర్ అకౌంట్లో నిఖత్ షేర్ చేసింది.
‘ఎట్టకేలకు నా నిరీక్షణ ముగిసింది. నా కల నిజమైంది’ అని క్యాప్షన్స్ ఇచ్చింది. ఇప్పుడు ఈ వీడియో సోషల్ మీడియాలో వైరల్ అవుతోంది. నిఖత్ జరీన్ కు చిన్నప్పటి నుంచి సల్మాన్ అంటే చాలా ఇష్టం. ఆమె ప్రపంచ ఛాంపియన్షిప్ లో స్వర్ణ పతకం నెగ్గినప్పుడు అభినందిస్తూ సల్మాన్ ట్వీట్ చేశారు. ఈ విషయం తెలిసి యువ బాక్సర్ ఉబ్బితబ్బిబ్బయిపోయింది. తన గురించి సల్మాన్ ట్వీట్ చేశాడంటే నమ్మలేపోతున్నానని చెప్పింది. ఒక్కసారైనా సల్మాన్ను కలుసుకోవాలని ఉందని తెలిపింది. తాజాగా ఆమెకు ఆ అవకాశం లభించింది. వరల్డ్ ఛాంపియన్ షిప్, కామన్వెల్త్ గేమ్స్ లో నెగ్గిన స్వర్ణ పతకాలను సల్మాన్ కు చూపించింది. ఆయనతో సెల్ఫీ తీసుకొని కాసేపు నృత్యం చేసింది.
|
|