ట్రెండింగ్
సొంత నియోజకవర్గంలో చంద్రబాబు నాయుడు పర్యటన
Andhra Pradesh Telugu | Suryaa Desk | Published : Thu, Nov 10, 2022, 04:10 PM
టీడీపీ అధినేత చంద్రబాబు ఈనెల చివరి వారంలో కుప్పం పర్యటనకు రానున్నట్లు తెలిసింది. కుప్పం నియోజకవర్గ టీడీపీ బూత్, క్లస్టర్, యూనిట్ ఇన్ఛార్జులు, ముఖ్య నేతలతో ఆయన మంగళ, బుధ వారాల్లో టెలికాన్ఫరెన్సు నిర్వహించారు. విశ్వసనీయ వర్గాల సమాచారం మేరకు.. ఇన్ఛార్జీలు నిరంతరం గ్రామాల్లోనే ఉండాలని ఆదేశించారు. ప్రతి ఓటరు ఇంటి వివరాలు సేకరించాలని, క్షేత్రస్థాయిలో ప్రజావసరాలు తెలుసుకుని వారితో మమేకమై నివేదిక రూపొందించాలని సూచించారు. ఈ మేరకు ఆయా సమస్యలపై ఆందోళనలు చేపట్టడమే కాకుండా, అధికారులకు వినతిపత్రాలు ఇప్పించాలన్నారు. తమ ప్రభుత్వ హయాంలో చేసిన అభివృద్ధిని చెప్పుకోవాలని ఆదేశించారు. ఈనెల 17వ తేదీ తర్వాత, బహుశా చివరి వారంలో తాను కుప్పం వస్తానని చెప్పారు. అప్పటికి గ్రౌండ్ వర్క్ పూర్తి చేయాలని ఆదేశించారు.
|
|